กำลังแสดงผล 1 ถึง 3 จากทั้งหมด 3

หัวข้อ: เขาคนนั้นแม่นไผหล่า

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    เขาคนนั้นแม่นไผหล่า

    เขาคนนั้นแม่นไผหล่า

    หล่านางเอย...

    เขาคนนั้นแม่นไผหล่า ที่เขามาเทียวรับส่ง

    บอกตามตรงอ้ายอยากฮู้ ไขให้รู้กระจ่างใจ

    ย้านมีคนมาแอบใกล้ ปันฮักใหม่ให้ชายเจ็บ

    แอบมาเก็บในหัวใจ ได้คึดไปด้วยความซื่อ

    เห็นจับมากันยามใกล้ อิงหนุนไหล่จนลืมหลง

    แฮ่งพะวงในความฮัก ของเฮาหลายเด้อเจ้า

    เบิ่งแต่เขามาเฟือใกล้ คือเอาใจให้ชุอย่าง

    แฮ่งคึดต่างไปปานบ้า พอปานฟ้าผ่าใส่ใจ

    หากแม่นเขาคือคนใช่ บอกทำใจเนิ่นๆแหน่

    เทื่อว่าแผลในใจอ้าย ยามฮักพ่ายสิผ่อนเซา

    อย่าให้เดาไปหลายหล่า คึดไปมาเป็นร้อยเทื่อ

    แทบบ่เชื่อสายตาอ้าย คนฮักพ่ายสิแม่นเฮา...ดอกเด้อน้องสาวเอ้ย

  2. #2
    ศึกษาหาความรู้ สัญลักษณ์ของ อีหยังสิปานนั้น
    วันที่สมัคร
    Apr 2012
    ที่อยู่
    กระบี่
    กระทู้
    323
    อย่าให้เดาไปหลายหล่า คึดไปมาเป็นร้อยเทื่อ
    แทบบ่เชื่อสายตาอ้าย คนฮักพ่ายสิแม่นเฮา...ดอกเด้อน้องสาวเอ้ย


    ลิขสิทธิ์บน YouTube Credit By : https://www.youtube.com/watch?v=6PFbDkzBoPo

    :b-b:,1-:,1-

  3. #3
    แบ่งปันความรู้และประสบการณ์ สัญลักษณ์ของ น้องป้อม
    วันที่สมัคร
    Aug 2012
    กระทู้
    95
    .อ้ายเอ๋ย...
    คนที่มารับส่งน้องยางนำกันสองต่อสอง
    คือพี่ชายน้องเด้อพี่...
    แล้วอ้ายคนดีคิดวาน้องทิ่มพี่ไปยางกับผู่ได๋
    สางมาเหลือใจอ้ายมาคิดหลายบ่ถามก่อน
    จังมาเป็นคนแสนงอน..
    เห็นอีหยังกะเคียดถามน้องเบิงจักคำ...
    ...แสนมาเหลือใจฮ้าย...
    บาวพี่ชายนั้นคิดต่าง...
    ตอนที่เห็นคือบ่เข้ามาถาม..
    สิได้คำตอบย้ำบอกว่านี่พี่ชาย..
    ...กะน้องยางกะพี่ชาย....เด้ออ้าย(เข้าใจยังละ...)

    ....อิอิ...บ่มวนกะอย่าวากันเด้ออ้ายเพิ่งหัดค่ะ...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •