กำลังแสดงผล 1 ถึง 5 จากทั้งหมด 5

กาเจ็ดสบ...กลียุคจริงหรือ

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา กาเจ็ดสบ...กลียุคจริงหรือ

    ***กาเจ็ดสบเทิงต้นหว้า ทิดบุญมา เพิ่นเว้าบอก
    นางบุญสีจื่อได้ กะเลยเว้า ต่อขยาย
    ทุกข่วงค่าย กะตาตื่น ตาโต
    ปาดถีโธกาอีหยัง มาต่างสัก กุณีเซื้อ ..แท้หือ
    พากันลือไปเหมิดแคว้น โสกันไป หลายป่อง
    หือแม่นน้ำสิท่วมฟ้า โลกากว้าง สิมุ่นพัง
    หรือแม่นสัตว์กลีบ้าน เป็นสารส่ง แนวขวาง
    นำเอาความกลียุค มาครอบเมือง ให้แฮงฮ้อน
    ทุกคนนอนปานไฟจี้ นางบุญสี มาแจ้งข่าว
    บ๋า...เฒ่าทิดยาวอยู่บ่ได้ กะเลยฟ้าว ฮ่ำฮอน
    มื้อนี้... ตอนสิไปจอบบ้อน ลองถามข่าว อาวบุญมา เบิ่งนา
    มันสิจริงดั่งคำลือ จั่งบุญสี เอามาพ่น บ่หนอ
    ยาว...กะลงเฮือนได้ พายเอาแห สิบสองศอก
    กะเลยออกจากเหย้า เฮือนน้อย กระท่อมตอง
    มื้อนี้ลมพัดต้อง ใบไม้หล่น ลงโผเผ
    ใจกะโลเลคิด หือสิจริง ดั่งคนต้าน
    มันสิเป็นไปได้ ฤๅ...อันกาดำ รูปก่ำ
    มีเจ็ดสบดั่งต้าน มันสิงอก หว่างจั่งได๋..ซั่นเดะ
    ยาวกะสงสัยแท้ อีแม่เอ้ย ท่านนักปราชญ์
    จ่งแปลงสาส์นให้ฮู้ พอแจ้งหว่างใจ แหน่เปี๋ยง อัญญาเอ้ย...
    กาเจ็ดสบ...กลียุคจริงหรือกาเจ็ดสบ...กลียุคจริงหรือกาเจ็ดสบ...กลียุคจริงหรือ

  2. #2
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    มว้นเนาะอ่านแล้วแต่งได้คลอ้งจองยุเอาไปลำใส่แคนกะคือสิเข่ากันยุ[/COLOR]]่:b-b:*-

  3. #3
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896
    เซียงเหมี่ยงฯ กะเคยได้ยินคนเฒ่าบอกเล่าคือกันครับ กาเจ็ดสบ...
    แต่ว่า บ่แม่นสีสบปาก แต่ว่า ไปกินยาเบื่อตาย เจ็ดศพ พะนะ...
    มันไปลักกินไข่ไก่ เพิ่นเลยเอา แลนเนต ใส่เนื้อตากไว้เทิงหลังคา แนวเคยได้กินกะมากินคือเก่า ตายไปเจ็ด ฮ่า ๆ ...

  4. #4
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1

    วิสัชสนา

    เป็นนำควมสับส่อสอพลอก้นขิถั่ง
    เกิดชิงชังยาดแย้งแยกแบ่งกูมึง
    บ่คำนึงหิ่นตรองหลื่นคองส่ำผีบ้า
    มีมิจฉาเหิมเห่อหลงละเมอตกขี่เถ่า
    ฟังควมเขลาบ่ลึกตื้นมันสิทื้นบาดห่าลง
    โลภโกธรหลงปลงบ่ได้พวกหูไวป่านถืกด่า
    เห่าปานหมาเดือนเก้าเซาถ่อนสิหลุ่มจม
    ***หมายความคงสิประมาณนี้น้อครับ***
    ขออภัยเด้อครับถ้าบ่เหมาะสมเป็นไปตามเหตุการณ์และข้อเท็จจริง

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ***บั้นสรุปตอนท้าย อ้ายพีเอ้ย เว้าเข้าฮ่อง
    เบิ่งเอาโลดพี่น้อง สิเห็นฮู้ บ่อนสิเป็น
    บ่แม่นเว้าเล่นเล่น คนในโลก ปัจจุบัน
    ก็หากสำคัญผิด ว่าแต่ตน เป็นคนฮู้
    เลยดูเบาคนเฒ่า โบฮาณ เพิ่นสอนสั่ง
    ให้ระวัง บาดน้ำตาเจ้าสิย้อย บาดยามฮ้อน แล่นเถิง ซั่นแหล้ว...