มาลองซิบนึ่งปลาค้าวแบบตามใจผู่เฮด

[คนเมืองเกินร้อย]

วันทิตย์ที่ ๑๓ พฤษาคม ๒๕๕๕ ไปตลาดหาซอกแนวกินแบบบ้านเฮา ย่างหาเบิ่งหลายอย่างบ่ว่าซิเป็นแม่เป้ง ไข่มดแดง ปา กะมาพ้อปาค้าว กะเลยซื้อมาโตหนึ่งขนาดเก้าขีด

หน้าตามันเป็นแนวนี้ ทางภาคอื่นเพิ้นเอิ้นว่าจังได๋บุ่โตใหญ่เติบอยู่ เฮดยั่งกินดีนอๆๆ

เอามาคัว แล้วกะล้างน้ำ ตัดเป็นตอนๆๆ ได้ ๖ ตอน

เอียบเกียไว้ก่อน ขะน้อยเอียบด้วยเกีย หัวผักเทียม ฮากหอมป้อม ผงคนอร์ ผงนัว แล้วกะเอาเข้าตู้เย็น


ฮอดยามมื้อแลงกะเอานึ่งใส่ยอดผักอีฮุม ดอกแคขาวบ่ได้ถ่ายฮุปตอนนึ่งอยากอายหมอ มันดำหลาย


:b-b

[หนุ่มเมืองยศ]

เห็นแล้วคั่นใด้ตำบักถั่วจักครกแกล้มนำเข้ากันปานหยังเด้ผมว่า

[siranee]

เป็นตาแซบแท้จ้านึ่งปลาค้าวทางบ้านเคยแต่เฮ็ด ลาบ หมกใบตอง เทื่อหน้าสิลองนึ่งใส่ผักหลายๆจ้ำกับข้าวเหนียวฮ้อนๆแจ่วพริกดิบเผ็ดๆ เว้ามาล่ะหิวข้าว :l-

[ณัฐ ภูไท]

เป็นต๋าแซ่บอยู่ดอกเนาะนึ่งปลาค่าวให่คักหลายกะมีข้าวเหนียวจักติบกะคือสิคักเนาะแล้วกะตำแจ่วพริกดิบย่างไฟโอ้ยสุดยอดเลยอยู่เมืองไทยหาของอยู่ของกินง่ายๆบ้านเฮาบ่อึดแนวกินเนาะ

[คนตระการ...]

เป็นตาแซบแท่น่อ น้ำลายไหลเลย..หิวๆๆๆๆ

[lungyai1123]

กินจักคนนอเป็นตาไปขอนั่งซุมนำเด้คนเมืองเกินร้อยไปหา
มาแต่ไสนอโตใหญ่ๆแนวหนิคั่นลุงได้มาหนิกะย่านลาบสถานเดียว 555

[เซียงสีผีเป้า]

ปลาค้าว มันต้องลาบคับมันจั่งแซบ

[หนุ่มน้อยศรีสะเกษ]

ขาดตำแจ่วนำเด้อครับ ข้าวสามจานกะบ่ออิ่มได๋แนวนี้

[ฅนภูค่าว]

ปลาค้าว มันต้องลาบคับมันจั่งแซบ

ผมกะว่าแมนยูครับ ได่มาใหม่ๆต้องลาบครับ หัวกับพุงต้มซดน้ำ แถวบ้านผมโลละ ๘๐ บาทสมัยสองสามปีที่แล้ว ทุกมื้อนี่โลละ ๑๕๐ บาทแล้วครับ ไปเจอโตละสามสี่โลกะบ่กล้าซื้อแล้วครับ ถอยจ๊ากบาดหนึ่งคูณเป็นโตเลขออกมาแล้ว โตละแป๋พัน หึ๋ยฝากไว่ก่อนพะนะ...... :l- เอ๋าเซิญแซบๆ

ก้อยปลาค้าวใส่มดแดง

[chudhancock]

เดี๋ยวเฮาสิเอาเมณูโตมาลองเฮ็ดกินเบิง คือเป็นตาแซบแท้หล่ะ
แต่ว่าสิไปหาผักอีฮุมมาจากไสหล่ะอิอิอิ เอาผักหยังกะได้เนาะหมอ ดอกคงดอกแคร์กะบอมี
เอาดอกหยังดีน่อ อิอิอิ