กำลังแสดงผล 1 ถึง 2 จากทั้งหมด 2

สุ ข ซ ำ บ า ย ดี บ้ อ ห ล้ า....ส่ ง ข่ า ว ม า ก ะ ไ ค แ ห น่

  1. #1
    ศึกษาหาความรู้ สัญลักษณ์ของ บ่าวภูไท
    วันที่สมัคร
    Apr 2012
    กระทู้
    11
    บล็อก
    1

    สุ ข ซ ำ บ า ย ดี บ้ อ ห ล้ า....ส่ ง ข่ า ว ม า ก ะ ไ ค แ ห น่

    สุขซำบายดีบ้อหล่าส่งข่าวมากะไคแหน่
    อย่าให้แหม่เจ้าถ่าเถียงนาเศร้าเจ้าบ่มา
    ปีใหม่เลยแล้วน้าสงกรานต์เลยกะบ่ต่าว
    ฝากข่าวมาแหน่เด้อน้องไผคองถ่าอย่าสุลืม.
    เหลียวไปทางอีสานกล้ำหนองคายบ้านผี่
    ขี้ดินแดงไหง่ง่อง..พายุต้าวหย่าวบักเห็บ
    เคยแหล่นเก็บกับอี่น้อง..คราวกี้ตั้งแต่เยาว์
    จำได้บ่นอน้องเจ้าสองเฮาคราวหม่วนสื่น
    หาเก็บฟืนดังข้างเล้า..ลมหนาวเข้าได้อุ่นคิง
    ดังไฟผิงจี่เข้า..มันแกวน้อยส่อยกันหมก
    บาดยามตกเดือนห้า..ฝนมาหัวลมป่วน
    เคยเหล่นหม่วนกับอี่น้อง..ของเฮือนน้อย..อย่าสุลืม
    ส่อยเว้าตื่มแหน่เด้อเจ้า..คันคึดฮอดอย่าสุลืม..เจ้าเอ้ย..
    แก้ไขครั้งสุดท้ายโดย บ่าวภูไท; 16-05-2012 at 06:58. เหตุผล: แก้คำ

  2. #2
    บ่าวภูไทเอ๊ย..
    อันความหลังยังจำหมั้น
    สัญญากันเว้าอ่อมๆ
    สิถนอมสัมพันแน่นเสมอแป้นต่อขาง
    คึดนำทางเทียวนั้น
    เว้านำกันบ่ไกลจาก
    เวรมาลากไล่ต้อง
    ให้อ้ายถ่าอยู่นา
    มามื้อนี้ออนเฟสแล้ว
    จั่งได้แอ่ววอนหลัง
    ฟังสำเนียงนวลนาง
    ฝากมานำเนตนี้
    ความหลังมียังจำซึ้ง
    ความคิดถึงยังคือเก่า
    ความจาเว้านำอ้าย
    บ่มีมื้อสิเหล่าลืม...แท้เด้อ