กลับฮอดบ้านมื้อวานนี้ หิ้วเข้าหลาย ซอกหาแนวอยู่แนวกินในตู้เย็น กะมีไก่เหลืออยูหลายเติบ แต่กะขี้ค้านล้างหมอล้างไห เลยลองเฮดหมกไก่บ่มีผักด้วยกระดาษฟอยร์ เอาไก่ออกจากตู้เย็น ซอกหาเครื่องปรุง ได้มาแล้วลง
อันนี้กะเอิ้นว่าไก่บ้านหรือว่าไก่พื้นเมืองหลายคนบอกว่าเฮดแนวกินแซบกว่าไก่พันธ์
เครื่องปรุงกะมี หัวชิงไค หัวข่า ใบขี้หูด หัวผักบั่วแดง หัวผักเทียม ผักพริกน้อยสวน
เครื่องปรุงทุบเอาเด้อพี่น้อง ทุบพอเปๆ ยกเว้นใบขี้หูดจีกเอามันเปอยู่แล้ว
เครื่องปรุงรสกะมี น้ำปา น้ำมันงา ปาแดกผง ผงนัว ส่วนมีคบ่มีส่วนเกี่ยวกับความแซบ
เทไก่ เทเครื่องปรุง ลงในกะมัง สิใช้ซ้อนคน หรือมือซาวกะแล้วแต่ความถนัด
ยุมลงใส่กระดาษฟอยร์ เตรียมห่อ
ผู่ข่บ่มีเตาถ่าน กะเลยจี่ด้วยกะทะ
กิ่นหอม ฮวยๆๆ มาแล้ว เปิดออกมา บ่าๆ สีคือเป็นตาแซบอยู่เนาะพี่น้อง สิลองซิบเบิ่ง ขาดคือเก่า ขาดความนัว จบท้อนี้เด้ออ้ายน้อง ขอขอบคุณบ้านมหาอย่างหลวงหลายที่ให้ใช้พื้นที่ลงฮุป
Bookmarks