หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

อู๋ไข่ปลา(สูตรนู๋น้อย)

  1. #1
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    อู๋ไข่ปลา(สูตรนู๋น้อย)


    ธุจ้า ซำบายดี พี่น้องชาวบ้านมหาที่รักและคิดฮอดคิดถึง
    มื้อนี้ มีเมนูบ้านๆ ไสตล์อิสานมาฝากต้อนคือเก่าจ้า ตามประสาคนมักสรรหาตะแนวกิน

    อู๋ไข่ปลา เข้ากับบรรยากาศ ยามเข้าสู่ฤดูฝน


    อู๋ไข่ปลา(สูตรนู๋น้อย)


    มื้อนี้ บรรยากาศทางฝั่งทะเลชลบุรี ฟ้ามืดฝนตั้งเค้า มาเลยช่วงใกล้ๆจะเลิกงาน ขนาดว่าหนีออกมาก่อนเวลางาน
    กะยังบ่หวิดฝนได้โอกาสลงหย่างเลาะตลาดหาแนวกินสาเลย ซามฝนเซาตก..ซั่นเด้

    อู๋ไข่ปลา(สูตรนู๋น้อย)

    เลาะไปเลาะมา หลายๆรอบ ฝนกะยังบ่เซาตก ตอนแรกว่าจะ ซื้อแกงจืดไปกินแก้หวัดกะพอ แต่...มีแต่ อีกเหตุผลของคนหิว..เน๊าะ เห็นร้านขายปลาแวะเบิ่ง ก่อนเทื่อมีไอเดีย และแล้วกะบ่พลาด เห็นมีไข่ปลา ยุ๊กองน้อยหนึ่งถามเผิ่นว่าขายจั่งใด๋ พ่อคน(หล่อพร้อม)บอกว่าโลละร้อยครับเอาท่อใด๋ เหมาเบิ้ดบ่ พ่อค้าถาม นางกะเลยตอบแบบมั่นใจว่า บ่ค่ะ เกรงใจย้านคนอื่นบ่ได้กินนำ เอาจักสองขีดสา พวงน้อยๆกะพอ กินคนเดียว พ่อค้าแนมหน้าแล้วกะขำ และอมยิ้ม(สงสัยคึดในใจว่า เป็นนำกินคนเดียวนั้นละเบิ่งแต่หุ้นตุ้ยนุ้นดีคัก) ฮ่าๆๆ ว่ากันไป

    สรุปกะคือ ได้ ไข่ปลา(ปลาอิหยังกะบ่ฮู้ บ่เห็นโต เห็นแต่ไข่กองเอ๊าะเย๊าะ)แล้วกะได้ บักบวบอ่อนมามัดหนึ่งกะผักชีลาว...และหอมผักตู ตะไคร้ ข่าอ่อน บักพริกขี้หนูสวน แล้วกะ กลับห้อง

    พอมาฮอดห้อง ยามถามว่าเฮ็ดหยังกินมาถือถุงอุยุ๊อายะแท้ (ความลับแตก)ที่จริงที่อะพาร์ทเม้นท์ เขาบ่ให้เฮ็ดกับข้าวที่มีกลิ่นฉุนหรือ กลิ่นแรงๆ
    อย่างเช่น แกงส้ม แกงไตปลา หรือ ต้มปลาแดก เพราะว่าอยู่ในดงเจ๊ก กะเลยตั๋วยามไปว่า จำยำตะไคร้กินซั่นดอก ...ฮ่าๆๆ อู๋ไข่ปลา(สูตรนู๋น้อย)

    พอมาฮอดห้องบ่รีรอและรอช้า ฟ่าวเฮ็ดแนวกินทันที ก่อนที่ เพื่อนบ้านข้างห้องจะกลับมาในห้องเช่าจะแบ่งส่วนครัวไว้ ต่างหากเพื่อความเป็นสัดส่วน...กะเลยแอบๆได้เฮ้ดแล้วกลิ่นบ่เหม็นห้องกะโอเค แล้ว
    .
    .
    .
    V

    มาถึงขั้นตอนเตรียมเครื่องปรุง ง่ายๆ แบบสไตล์ชาว หอ หรือ อะพาร์ทเม้นที่เน้น สะดวก ง่าย และรวดเร็ว

    ล้างผัก และ ล้างไข่ปลา เตรียมเครื่องปรุงให้พร้อม

    อู๋ไข่ปลา(สูตรนู๋น้อย)

    หั่นตะไคร้ ข่า พริก ใบบักกรูด ให้พร้อม

    อู๋ไข่ปลา(สูตรนู๋น้อย)


    ค้างหม้อกะทะ ใส่น้ำพอเอ๊าะเจ๊าะ ใส่เครื่องปรุงทั้งเบิ้ดลงไป ปรุงรสด้วย พริกป่น ข้าวคั่ว เกลือ ผงชูรส น้ำบักขามเปียก

    อู๋ไข่ปลา(สูตรนู๋น้อย)

    ตามมากะใส่บักบวบ ไปพร้อมเลย จ้า เพื่อประหยัดเวลา

    อู๋ไข่ปลา(สูตรนู๋น้อย)


    จากนั้นใส่ไข่ปลา กะ หอมผักตู ผักชีลาว

    อู๋ไข่ปลา(สูตรนู๋น้อย)


    คนให้เข้ากัน ปิดฝาไว้ จัก 10 นาที

    อู๋ไข่ปลา(สูตรนู๋น้อย)


    อู๋ไข่ปลา(สูตรนู๋น้อย)

    ผ่านไป สอบนาที ซิมเบิ่งรสชาต บ่ทันแหล่มกะเติมน้ำปลาไปหน่อยหนึ่งกะโอเคแม่ใหย่สอน ตักใส่ถ้วยพร้อมแซบได้เลย

    อู๋ไข่ปลา(สูตรนู๋น้อย)

    จะกินกับข้าวสวย หรือ ข้าวเนียวกะได้ ตามใจ แต่ ข้าวแลงขอเป็นข้าวสวยแล้วกัน ย่อยง่าย

    อู๋ไข่ปลา(สูตรนู๋น้อย)

    อู๋ไข่ปลา(สูตรนู๋น้อย)

    :l- ตบตรูดด้วยน้ำแดง หวานๆเย็นๆ ชื่นใจ

    อู๋ไข่ปลา(สูตรนู๋น้อย)

    สุดท้ายนี้ ขอลาไปพร้อมกับต้นว่านรวยบ่เลิก(รวยไม่รู้เลิก) ของสะสมที่ปลูกไว้ อยู่ที่ทำงาน อาศัยพื้นที่น้อยๆ ขยายพันธุ์ไว้หลายๆ

    บัดนี้ ได้ออกดอกอีกครั้ง...ขอให้พี่น้องมีความสุขและรวยๆ ถูกหวยทุกงวด จ้า อู๋ไข่ปลา(สูตรนู๋น้อย)

    อู๋ไข่ปลา(สูตรนู๋น้อย)

    :*- พี่น้องที่แวะมาเยี่ยมยาม และ เวปบ้านมหาโดยอ้ายบ่าวคนเดิมที่เอื้อเฟื้อพื้ที่การนำเสนอ จร้า....


  2. #2
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    ตะแซ่บเนาะอู๊ใข่ปลาพอนํ้าเอาะเจาะให่คักหลายใข่ปลาคือหมกใบตองตั้งไฟขี่เถ้าเนาะอันนี้พอสุกหละเปิดหอมฮวยๆๆ:b-b:b-b:*-

  3. #3
    ศึกษาหาความรู้ สัญลักษณ์ของ อีหยังสิปานนั้น
    วันที่สมัคร
    Apr 2012
    ที่อยู่
    กระบี่
    กระทู้
    398
    อู๋กับอ๋อ คือกันบ่คับ จารย์น้อย ทางขอนแก่นถ้า อ๋อสิใส่น้ำ
    เอ๊าะเจ๊าะคือกัน คันเป็น อ่อม สิใส่น้ำหลายกัว ผมเข้าใจถืกต้อง บ่คับ

    จารย์น้อยใช่ไข่ปลาหยังคับ (น้ำจืดหรือน้ำเค็ม)ตอน บ่ สุกสีคล้ำๆ
    บาดสุกแล้วสี สวยน่ากินยุ เน๊าะคับ

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    เอ่อ แนะ จารย์ ลืมบอก ปลาน้ำจืดจ้า ลูกศิษย์ น่าจะเป็นปลาตะเพียน น่ะ

    อ๋อ อู๋ ต่างกันหม่องใด๋ จารย์กะบ่ ชัดเจนคือกัน จารย์คิดว่าแล้วแต่ ท้องถิ่นจะเอิ้นเอา จ้า ..พินาเอาเน๊าะ อิแม่จารย์พาเอิ้นแบบนี้น๊า ฮ่าๆๆ :b-b:b-b

  5. #5
    ขอคุ้ยนำจัก 2คำแนเด้อครับ คือบ่ลองแกงหน่อไม้ใส่ผักขาเบิ่งแนครับ

  6. #6
    อั่นนะ นู๋น้อยอุ๋ไข่ปลากะอยากนำยุแต่ว่าอยากได่อันว่านนั้นแมะคือเป็นตาดีแทะ
    รวยบ่เลิกพะนะ

  7. #7
    สมาชิกที่ยังไม่ยืนยันอีเมล์
    วันที่สมัคร
    Jan 2009
    ที่อยู่
    บ้านละเอาะ ต.จีกแดก จ.สุรินทร์
    กระทู้
    531
    บล็อก
    1
    จักคำแหน่น๋าครับคือสินัวไสคักน้อครับ

  8. #8
    ปั้นคำเข่าใย่ๆ คุ้ยเอาโลด

  9. #9
    อ่อย เห็นแล้วกะหิว แม่ป้าสิไปหาไข่ปลามาจากใสน้อหนิ T T

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    ....บ่ได้กินดมกลิ่นก็ยังดี...
    ต้นตำรับหนีบ่พ้นเนาะ..หมกอย่างเดียว..ใส่กะทะไฟฟ้า
    ย้งเอิ้นหมกหม้อเลย..55555..นี่คือศิลปะเสน่ห์ปลายจวักโดยเฉพาะ
    ....ได้กินปลาไข่ส่ำได้เมียสาวหว่าซั่นผู้เผิ่นเกิดก่อนพาหว่า...
    :b-b:b-b:b-b


Tags for this Thread