หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: แวะชิมริมทาง ตอน กินข้าวปุ้นที่ร้านข้าวปุ้นริมทาง

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    เมนูอาหาร วิธีทำอาหาร แวะชิมริมทาง ตอน กินข้าวปุ้นที่ร้านข้าวปุ้นริมทาง

    ตามที่พี่น้องบ้านเฮาฮู้กันกะคือ ช่วงนี้ขามป้อมกำลังรับบทแม่ค้า เดินสายตะลอนๆ
    อยู่ทางอิสานใต้ บุรีรัมย์-สุรินทร์ คิวงานทางเจ้าภาพเพิ่นกะวางไว้ยาวไปจนฮอดเดือนกันยาพุ้นล่ะจ้า
    สถานที่สวยๆงามๆ อ้ายเต็มเลากะรับหน้าที่ถ่ายทอดออกมาให้พี่น้องบ้านเฮาได้เบิ่งกันไปแหน่แล้วเนาะจ้า

    ขามป้อมกะเลยมีความคิดว่า บ๊า เพื่อบ่เป็นการยาดกล้องกัน (กล้องเพิ่นฮ้างเลยมายึดกล้องขามป้อมไป) โอ๊ะ เพื่อเป็นการแบ่งหน้าที่กัน
    ขามป้อมจิรับหน้าที่นำเสนอเมนูเด็ดๆ ริมทางที่ผ่านไปแวะชิมมาฝากพี่น้องบ้านเฮาดีกว่าซั่นดอกจ้า

    แวะชิมริมทางตอนแรก ประเดิมกันกับข้าวปุ้นริมถนน พิกัดออกจากอำเภอสตึก มุ่งหน้าไปทาง อ.พยัคฆภูมิพิสัย
    ก่อนที่จิฮอดแยก อ.ชุมพลบุรี ร้านข้าวปุ้นจิอยู่ทางซ้ายมือจ้า



    แวะชิมริมทาง ตอน กินข้าวปุ้นที่ร้านข้าวปุ้นริมทาง


    หน้าร้านมีไก่ย่างนำ(แต่มื้อนี้บ่ขาย) ลาบ ก้อย ตำบักหุ่ง อาหารอิสานทั่วไป
    บริเวณร้านกะสิมีซุ้มให้เลือกนั่งได้ตามอัธยาศัยจ้า
    ร้านเพิ่นอยู่กลางท่งนา บรรยากาศดีจ้า


    แวะชิมริมทาง ตอน กินข้าวปุ้นที่ร้านข้าวปุ้นริมทาง

    แต่พระเอกของงานนี้ คือข้าวปุ้นน้ำยาจ้า ข้าวปุ้นเพิ่นบีบเองสดๆ เส้นน้อยๆนุ่มดีขนาดจ้า
    น้ำยาข้าวปุ้นมีสองแบบคือ กะทิ กับน้ำยาป่า
    สินั่งกินอยู่ร้าน หรือซื้อเมือไปกินบ้านหรือเป็นของฝากของต้อนกะได้จ้า


    แวะชิมริมทาง ตอน กินข้าวปุ้นที่ร้านข้าวปุ้นริมทาง

    แวะชิมริมทาง ตอน กินข้าวปุ้นที่ร้านข้าวปุ้นริมทาง

    ขามป้อมกะเลยลองสั่งมาซิมเบิ่งก่อนจ้า เอาข้าวปุ้นเคิ่งโล (ซิมเด้นิ) น้ำยากะทิถ้วยหนึ่ง
    ถึกใจหลายกะแม่นเพิ่นเสิร์ฟผักสดๆ จานบักใหญ่นิล่ะจ้า


    แวะชิมริมทาง ตอน กินข้าวปุ้นที่ร้านข้าวปุ้นริมทาง


    แวะชิมริมทาง ตอน กินข้าวปุ้นที่ร้านข้าวปุ้นริมทาง


    พลขับเลาฮองท้องเบิ่งก่อนจักติ้ว ซำพางพ่อครัวเพิ่นเฮ็ดลาบแล้วพานะ


    แวะชิมริมทาง ตอน กินข้าวปุ้นที่ร้านข้าวปุ้นริมทาง


    บ่ทันดน ลาบกะพร้อมเสิร์ฟจ้า
    ค่าเสียหายทั้งเบิด 97 บาทขาดโตจ้าพี่น้อง
    แซบ คุ้มค่า ราคาเป็นกันเอง กินบ่เบิดเพิ่นกะห่อให้พร้อมจ้า
    พี่น้องบ้านเฮามีโอกาสผ่านไปทางนั้นกะลองแวะซิมได้เด้อจ้า "แซบจนอยากบอกต่อจ้า"

    แวะชิมริมทาง ตอน กินข้าวปุ้นที่ร้านข้าวปุ้นริมทาง

    แวะชิมริมทาง ตอน กินข้าวปุ้นที่ร้านข้าวปุ้นริมทาง


    แวะชิมริมทาง ตอน กินข้าวปุ้นที่ร้านข้าวปุ้นริมทาง


    แวะชิมริมทาง ตอน กินข้าวปุ้นที่ร้านข้าวปุ้นริมทาง

    ท้องอิ่มแล้วกะเดินทางต่อจ้า ฮอดจุดหมายกะจัดหนักไปอีกกับตำบักหุ่งอีกจักครกพานะ
    ขอบคุณพื้นที่แบ่งปันจากเว็บบ้านมหาดอทคอมจ้า
    พ้อกันใหม่เร็วๆนี้กับเมนูเด็ดๆ จ้า



  2. #2
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    2,112
    เป็นตาแซบเนาะจ้า แต่ว่าคือเหม็นผักขาแท้ล่ะจ้า อิอิ

  3. #3
    แบ่งปันความรู้และประสบการณ์ สัญลักษณ์ของ นักรบหัวใจ
    วันที่สมัคร
    May 2009
    กระทู้
    208
    โอ๊ะๆๆๆๆเห็นแล้วน้ำลายยยยยไหล

  4. #4
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    โอ้ว.. ตาแซ่บแท้ค่ะ บ่มีโปรแกรมมาทาง เขมราฐ ตระการฯ โพธิ์ไทร นาตาล เมืองอุบลฯแหน่ติค่ะเอื้อยกับอ้าย อยากให้มาเยือนเมืองเขมฯ จักเทื่อ

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    เสื้อลายๆอย่าไห้อ้ายจ่อยเลาเอาทิ่งเด้อ555

  6. #6
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    909
    อยากกินตำบักหุ่งกับลวกผักขา ซงข้าวปุ้นลงไปนำเนาะแมวน้อยเว้ามาน้ำลายไหลลเลย
    มั่กเสื้อลายใหญ่จ่อยสิก๊อปเอารูปไปให้ลูกสาวเพิ่นเบิ่งอยู่ 5555555555555555

  7. #7
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    729
    บล็อก
    14
    ถนนคือแปนเิอิดเติดดีแถะเนาะ กว้างนำ อีสานบ้านเฮาเดี๋ยวนี้เจริญอีหลี

  8. #8
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5
    พี่ใบไม้สีชมพู พอดีว่าผักขาเก็บมาใส่แกงหวายจ้า
    สะออนมันหลายเลยทอดใส่ไข่นำ
    บางคนเพิ่นกะกินสดๆกับตำบักหุ่งพานะ
    แต่ผู้บ่มักกะสิว่าเหม็นคือว่าล่ะจ้า อิอิ


    อ้ายโชคได้ยินข่าวว่าสิกลับบ้านเฮาแล้ว ถ้ามีโอกาสมาทางพี้กะแวะมาซิมเด้อจ้า

    อ้ายพง พี่หน่อย ผู้บ่าวเสื้อลายหมาเห่าจ้า ฮ่าๆ เอาไปให้ลูกสาวเลาเบิ่งแหน่ สิมีโอกาสกินตำบักหุ่งซุมกันง่ายบ่ดอกเฮากะดาย สวนกันไปสวนกันมาปานหมอลำหมู่ ฮ่าๆ

    พี่ไผ่หวาน เว้าเรื่องถนนหนทาง ทางอิสานบ้านเฮานิ เจริญคักจ้า ไปมาหากันง่ายจ้าเอื้อย

  9. #9
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    เบิ่งอาหารหละมีแตแนวแซ่บๆๆเนาะคุ้มค่ายุบ่แพงทั้งได้เที่ยวไปพร้อมสะออนคักสั่นแหล่ว:*-

  10. #10
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    เอื้อยครับ ร้านข้าวปุ้นร้านนี้อยู่เลาะปากทางบ้านกระเบื้องแม่นบ่ครับ

    บาดนี้เอื้อยแฮ่งมาใกล้เฮือนผมคักกั่วเก่า
    จากแยกสุวรรณภูมิ กะว่าใกล้แล้ว
    แต่ว่าเข้าทางชุมพลบุรี ใกล้กั่ว ห่างจากตัวอำเภอชุมพลแค่ 15 กิโลเองครับ ผมกะไปตลาดชุมพลดู๋กัวตลาดเกษตรวิสัยครับเพราะว่าใกล้

    อยู่ชมพลกะมีอาวน้องชายพ่อเป็นครูอยู่ในตัวอำเภอครับ
    อยู่พยัคฆ์ กะมี ลุงพี่ชายแม่ กับน้าน้องชาย กับน้องสาวแม่ เปิดร้านอยู่คือกันครับ

    ดีใจบักคักเอื้อยกับอ้าย มาใกล้บ้าน

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •