หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 31

หัวข้อ: แกงหวายใส่เครื่องในไก่ เมนูแซบที่อยากบอกต่อ

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    เมนูอาหาร วิธีทำอาหาร แกงหวายใส่เครื่องในไก่ เมนูแซบที่อยากบอกต่อ

    เว้าพื้นแกงหวาย พี่น้องบ้าน(มหา)เฮา กะคือสิพากันคุ้นเคยกันดีอยู่ดอกเนาะจ้า
    บ่ว่าสิเป็นแกงหวายใส่หน่อไม้ แกงใส่ไก่บ้าน แกงใส่ซี่โครงหมู

    ขามป้อมกะแกงกินดู๋อยู่จ้าตะผัดขึ้นมาอยู่บ้านเฮา ไปนำตลาดบ้านนอกเฮาสิมีขายอยู่เรื่อยๆจ้า
    ตะกี้เห็นแต่แม่ใหญ่เลามักคักจ้าแกงหวายนี่ ตอนเป็นเด็กน้อยกะบ่ค่อยมักนำเพิ่นดอกจ้ามันขม
    แต่ว่าพอเฒ่าโอ๊ะ เวลาผ่านไป รู้สึกว่าสิกินผักกะเดาแซบ กินแกงหวายนัวแล้วกะกินบักลิ้นฟ้าได้แบบบ่มีปัญหา ฮ่าๆ


    แกงหวายใส่เครื่องในไก่ เมนูแซบที่อยากบอกต่อ


    แกงหวายใส่เครื่องในไก่ เมนูแซบที่อยากบอกต่อ



    แกงหวายใส่เห็ด น้ำยานางข้นๆ ใส่ปลาแดกนัวๆ แซบจนว่าข้าวเบิดติบ อิอิ

    แต่ว่าเมนูที่อยากนำเสนอมื้อนี้กะคือ "แกงหวายใส่เครื่องในไก่"



    แกงหวายใส่เครื่องในไก่ เมนูแซบที่อยากบอกต่อ


    แกงหวายใส่เครื่องในไก่ เมนูแซบที่อยากบอกต่อ

    ขั้นตอนการเฮ็ดกะบ่ได้ยุ่งยากอิหยังดอกจ้า กะคือเฮาแกงหน่อไม้นั้นล่ะ
    ได้หวายมากะมาปอกเปลือกที่มีหนามมันออก ขั้นตอนนี้อาจจิเจ็บปวดรวดร้าวมือแหน่จักหน่อย
    แต่กะคุ้มค่าจ้า คันโชคดีไปพ้ออันเพิ่นแกะไว้แล้วกะดีไปจ้า แต่ว่ากะแกะกาบแก่ๆมันออกอีกรอบแหน่เด้อจ้า
    ผู้แข่วบ่ดี กะจิหย่ำบ่ขาดซั่นดอกหวา เลือกเอาแต่ส่วนอ่อนๆ แช่น้ำไว้บ่ให้หวายดำจ้า


    แกงหวายใส่เครื่องในไก่ เมนูแซบที่อยากบอกต่อ


    แกงหวายใส่เครื่องในไก่ เมนูแซบที่อยากบอกต่อ


    ในระหว่างนั้นกะไปหย่องน้ำยานางเตรียมไว้ ล้างเครื่องในไก่ให้สะอาดแล้วกะหั่นๆเป็นต่อนพอดีคำ



    แกงหวายใส่เครื่องในไก่ เมนูแซบที่อยากบอกต่อ


    เอาเครื่องในไก่ใส่หม้อรวนกับ พริกแห้ง ตะไคร้ หัวหอมแดง เกลือ ที่ตำให้เข้ากัน
    รวนจนว่าเครื่องในไก่เปลี่ยนสีแล้วกะมีกลิ่นหอม (ก่อนสิอ่อมหรือแกงอิหยังกะตามถ้าเฮ็ดสูตรนี้สิบ่มีกลิ่นคาว ยกเว้นปลา เฮ็ดสูตรนี้บ่ได้ มันจิมุ่น อิอิ)


    แกงหวายใส่เครื่องในไก่ เมนูแซบที่อยากบอกต่อ



    จากนั้นเฮากะใส่น้ำยานางลงไป น้ำยานางเดือดใส่น้ำปลาแดก เหยาะชูรสจักหน่อย ใส่หวายกับลูกโดดลงไป


    แกงหวายใส่เครื่องในไก่ เมนูแซบที่อยากบอกต่อ

    ช่วงที่ถ่าให้เครื่องในไก่สุกกับหวายนิ่ม เฮากะตำข้าวเบือให้แหลกเอาน้ำเปล่าคนบ่ให้ข้าวเบือเป็นก้อน ขามป้อมใช้น้ำยานางนิล่ะคนไปโลด
    กะว่าในหม้อได้ที่แล้วกะเอาน้ำข้าวเบือเทลงไป ขั้นตอนนี้อย่าหนีไกลหม้อเด้อจ้า ให้เทียวคนดู๋ๆ เดี๋ยวข้าวเบือจิติดหม้อ อิอิ


    แกงหวายใส่เครื่องในไก่ เมนูแซบที่อยากบอกต่อ


    ข้าวเบือสุกกะใส่ผักขากับผักอิตู่แล้วยกออกจากเตา พร้อมเสิร์ฟ
    มาๆ พี่น้องพายติบข้าวลัดท่งมากินข้าวแลงซุมกันจ้า


    แกงหวายใส่เครื่องในไก่ เมนูแซบที่อยากบอกต่อ

    ฮอดยามเช้ากะยังอุ่นกินได้อีกคาบหนึ่งจ้า
    ขอบคุณพื้นที่แบ่งปันจากบ้านมหาดอทคอมจ้า




  2. #2
    แบ่งปันความรู้และประสบการณ์ สัญลักษณ์ของ ผู้เฒ่าสมุย
    วันที่สมัคร
    Jan 2011
    กระทู้
    70
    มาเปิดเมิ่งแต่เช้าแล่วกะอยากกินนำเนาะ...ผจก...ว่าแล้วสวยๆไปหาเลาะแนวกินบ้านเฮาทางตลาดแหลมดินเมิ่งกะนา...

  3. #3
    ศึกษาหาความรู้ สัญลักษณ์ของ เปี๊ยกครับ
    วันที่สมัคร
    Apr 2012
    กระทู้
    156
    แฮ่งขมแฮ่งมักแกงหวายใส่ไก่ สงสัยสิเฒ่าเติบ

  4. #4
    ศึกษาหาความรู้ สัญลักษณ์ของ คนบ้านยาง
    วันที่สมัคร
    Apr 2012
    กระทู้
    82
    ขอกินนำแนเด้อครับกำลังหิวข้าวพอดี:*-:*-

  5. #5
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    ตั้งแต่ตั้งท้องมา แนวอยากกินกะมีแกงหวายนี้ละเอื้อย ขามป้อม แต่หวายกะหายากและเฮ็ดอยากพร้อม พอได้เห็นรูปแกงหวายแล้วแฮงอยากกินแฮงๆๆกว่าเก่าอีก ขอจั๊กถ้วยแหน่เอื้อย อิอิอิ

  6. #6
    ศึกษาหาความรู้ สัญลักษณ์ของ สาวสีดา
    วันที่สมัคร
    May 2012
    กระทู้
    2
    ของแซบอีสาน .....แกงอ่อมหวายเป็นเมนูที่นันมักคักเด้ ไปยามแม่ป้าทางพระราม 2 เพิ่นเฮ็ดให้กินทุกเทื่อเอาโลด สูตรเดียวกันนิละจ้า *-*

  7. #7
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,622
    สุดยอดอาหารบ้านเฮาเลยหล่า..

  8. #8
    ศึกษาหาความรู้ สัญลักษณ์ของ คนขอนแก่น
    วันที่สมัคร
    Apr 2012
    กระทู้
    25
    เปนตาแซบหลาย ขอเข่าเหนียวนำเด้อจ้า

  9. #9
    ศึกษาหาความรู้
    วันที่สมัคร
    Feb 2012
    กระทู้
    29
    ขอจักถ้วยแน่ครับทางระยองบ่อมีครับ

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    มาอีกแล้วแนวคนบ่อยู่ซื่อ(บ่หยุดนิ่ง)
    ไปหากินสืบมื้อต่างบ้านถิ่นเมือง
    ตามกระแสต่อเนื่องยังเดินเพลินต่อ
    คั่นบุญหลายสิได้พ้อเห็นก้อนต่อนคำ
    จ้ำหล่าจ้ำมันสิค่ำทางรถ
    ขั่นน้ำมันบ่หมดจั่งสิเมือเถิงบ้าน...
    ..ซอมซอมเบิ่งแล้วเป็นตาอิจฉาคักเนาะ..ขายไป..เที่ยวไป..กินไปตลอดทาง
    คิวยาวบ่มีวันว่างฮอดปีหน้า...เต็มใจให้เธออี่หลีครับพี่น้อง..
    :l-:l-:l-:b-b:b-b:b-b:l-:l-:l-
    ..

หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •