กำลังแสดงผล 1 ถึง 2 จากทั้งหมด 2

บอกลาโทรมากะได้

  1. #1

    เศร้าซึม บอกลาโทรมากะได้

    ...น้องหล่าเอ้ย ส่ำสิเอ่ยคำลาอ้าย แค่ยุกสายหมายเลขส่ง จุดประสงค์ในใจเจ้า กับคำเว่าว่า "สิลา" ปราถนาในใจเจ้า คือโตเขาผุมาใหม่ คนผุเก่าคือจั่งอ้าย กะเลยพ่าย ถืกสั่งลา เป็นสลึมคือคนบ้า เทิงน้ำตากะสิหลั่ง ความผิดหวังทั่งใจกลุ้ม สุมคนพ่ายให้นั่งเหงา บ่ต้องเอาเหตุผลอ้าง ฮู้ทุกอย่างที่เธอหมาย ฝันสลายแค่งินข่าว ซุมหมู่เขามาเว่าฟ้อง ฮักฮ่งหนองเจ็บใจแค้น ผุเป็นแฟนมาเหินห่าง ขอแยกทางหนีจากอ้าย ให้เขาได้ตำแหน่งแฟน เคยจูงแขนเฮียงแต่กี้ สาวผุดีมาเหินห่าง ทางเคยเทียวเจ้าบ่ใกล้ ป๋าถิ่มอ้ายให้นั่งหงอยแท้น้อน้องหล่าเอย
    แก้ไขครั้งสุดท้ายโดย หนุ่มน้ำโขง1; 04-06-2012 at 13:43.

  2. #2
    แบ่งปันความรู้และประสบการณ์ สัญลักษณ์ของ น้องป้อม
    วันที่สมัคร
    Aug 2012
    กระทู้
    97
    อ้ายเอ๋ย..ที่น้องไปไกลห่างอ้าย
    น้องบ่ได้หลายใจฮักง่ายดอกเด้อพี่..
    แต่วาน้องผู่นี่จากไปมีเหตุผล....
    กะเลยบ่บอกอ้ายนี่ละ......
    สิโทรหากะบ่กล้าย้านอ้ายวาน้องมีสอง
    น้องต้องน้ำตานองเศร้าหมองไกลจากอ้าย..
    กะเลยตัดสินใจจากไปบ่บอกข่าว
    บ่อยากให้อ้ายนั้นเศร้าแค่เว้ากะบ่ควร..พี่เอ๋ย...
    รู้ว่าอ้ายฮักน้อง..น้องนั้นกะรู้อยู่
    แต่คิดเมิงแล้วน้องนั้นบ่คู่..
    เหมาะสมกับพี่ชาย..
    อ้ายผู้ดีสูงค่าเปรียบค่าดังคือหงส์
    น้องนั้นเป็นคนจนกะเลยขอไกลจากอ้าย
    แต่จังได๋น้องกะยังฮักคือเก่า
    น้องเลยอดสาเอาจากอ้ายบ่บอกลา..อ้ายเอ๋ย...

    .....แต่งไปแต่งมาหาม่องไปบ่ได้ค่ะ...55555