ภาระกิจกินข้าวป่า เลาะเบิ่งนา หาซ่อนฮวก (ตอนที่ 2)

[คนภูหลวง]

มื้อวานนี้ไปนาบ้าน มื้อนี้พี่สาวซวนไปกินข้าวนาห้วย อยู่ห่างจากบ้านประมาณ 5 กม.
พาไปหาซ่อนฮวกมาแกงกินงาย


จัดแจงเตรียมอุปกรณ์ อาวุธและเสบียง พร้อมเดินทาง


มาฮอดนาแล้วจัดการขนสัมภาระลงไว้ศาลากลางน้ำ เฒ่าพ่อเลาเฮ็ดไว้นอนเว็น มีพี่เขยใหญ่
กับพี่เขยเล็กอุ่นเครื่องเตรียมโตลงซ่อนฮวก


อาวุธประจำกายสำหรับมื้อนี้


หน่วย S.W.A.T. เริ่มปฏิบัติการ



ระหว่างหน่วย S.W.A.T. ปฏิบัติการเฒ่าพ่อพาไปเลาะเบิ่งสวน


ต้นหมากขามหวาน อายุหลายแล้วตัดเผาถ่านสิปลูกยางพาราแทน


กลับมาเถียงนา พี่สาวกำลังย่างปลาถ่า บ่ไว้ใจซุมซ่อนฮวก ย้านบ่กุ้มงาย


ผลงานมีแต่อี่ฮวกเขียดหมากแอะกับแมงดาอ่อนหลายโตเติบ ฮวกกบพี่อ้ายเลาว่ามันเป็นขาขึ้นบกเหมิดแล้ว
จักแม่นเว้าให้ดูดีหรือเว้าแท้ แต่กะเซื่อเผิ่นละว้า เพราะเจ้าของพื้นที่



แม่ครัว(พี่สาว) จัดการแกงน้ำเอ๊าะเจาะ




เบิ่งนางแบบสาธิตการกินลูกแมงดา หากินแต่แนวแซบ คนผู้นี้บ่มักกินแต่ลูกแมงดามักกินลูกขาพร้อมแม่นบ่ครับอ้ายพจน์



มาพี่น้องบ้านมหามากินข้าวป่า(นา) นำกันเด้อบาดเนี้ย


นั่งอยู่เถียงนากะฮ้อนสังกะสีซั่นแหลว กะเลยลงมติย้ายมาศาลากลางน้ำ ลมเย็นส่วยๆ


ซุมเด็กน้อยบ่ห่วงกินกะพากันไปเล่นอยู่ฝายน้ำล้นอยู่ห้วย



มาดกินขาดของเจ้าของพื้นที่ ผู้ซายในดวงใจ


ก่อนกลับ กทม. กะไปยาม อ.สังคม ทองมี ครูสอนศิลปะสมัยเรียนมัธยม


ขากลับออกทางอำเภอด่านซ้าย มาแวะไหว้พระธาตุศรีสองรัก สิ่งศักสิทธิ์คู่บ้านคู่เมื่องประจำจังหวัดเลย

[ณัฐ ภูไท]

สะออนๆๆๆหลายเบิ่งแล้วมีความสุขหลายที่ทางกะงามเนาะเป็นตะอยู่ทำสวนเฮ็ดไฮ่น่าอยู่กับทรรมชาติยามเฒ่าโอ้สุดยอดครับ:*-:*-

[ต่วง]

เห็นเลามาหย่างในกระทรวงศึกษาฯ เรื่อยยุ อ.สังคมแต่บ่ได่คุยกัน

[sa_ngamk9]

โอ้บ่ได้กินโดนเติบแล้ว อันฮวกนิ...แมงระงำ

[สหายพง]

เป็นตาแซบครับผมลูกอ๊อดนี้(ฮวก)คึดอยากคือกันละครับ

[คุณฉุยเลย]

กลับเมืองเลยท่าไปทางเพชรบูรณ์ ระยะทางและกะเส้นทางเป็นจั่งได๋คับ ผมเคยไปแต่ทางชัยภูมิ เที่ยหน้าสิลองกลับเส้นนี้เบิ่ง ผมอยู่บ้านนาดอกไม้ครับ

[คนตระการ...]

สุดดดด ยอดครับอ้าย แนวอยู่แนวกินบ้านเฮายามนี้หลายคักเนาะ ..
คนเบิ่งกะมีความสุข คนนำเสนอกะมีความสุข ขอบคุณเด้อครับ

[ใบไม้สีชมพู]

ตาออนซอนเนาะจ้า กลับบ้านไปตอนต้นเดือน กล้ากำลังงามเลยจ้า

[จ่าเหลือง]

อบอุ่น น้อ ครับ พี่ๆน้องๆ ทางเมืองเลย"ไทเลย ยุไสกะเลย"

[ครูจุ่น]

โอ้ยสะออนเด้ อยากไปเที่ยวทางเมืองเลยเนาะ อ. สังคมเพิ่นกรรมการครูและบุคคลากรทางการศึกษา (คกส.) ตั้ว เพิ่นปประชุมอยู่กระทรวงดู๋ แต่ไม่ค่อยได้ผ้อเพิ่นดอก