หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 38

หัวข้อ: นางฟ้า ผ้าขี้ริ้ว

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    นางฟ้า ผ้าขี้ริ้ว

    นางฟ้า  ผ้าขี้ริ้ว

    แหม่นเจ็บหยังคักแท้น้อหล่า เห็นน้ำตาเจ้าโห่งหน่วย
    หน้าสวยใสหมองหม่นเศร้า ทุกค่ำเซ้าเจ้าระทม
    ตกขี้ตมคารมล่อ คนสอพลอลวงล่อแล้วเปิดหน่าย
    หรือว่าฮักเขาหลาย สายสัมพันธ์ที่ก่อเกี้ยว
    บ่อเหนียวแน่น แฟนน้องจั่งห่างไกล
    ห่วงเจ้าหลาย อยากหาทางส่อยแก้ แต่ยอมแพ้ทุกๆ ทาง
    ระหว่างนางกับอ้าย ฟ้ากับดินยังบ่อถ่อ
    ต่อให้ตายเกิดใหม่แล้ว คงบ่อแคล้วได้แค่มอง
    เปรียบคือทองกับตะกั่วเก้ เถียงนาเซ-ปราสาทใหญ่
    คือกะบองขี้ไต้ กับไฟฟ้านั้นห่างกัน
    อยู่สวรรค์ชั้นฟ้า อัปสราฐานะน้องสูงสง่า
    ประสาผ้าขี้ริ้วจั่งบักอ้าย บ่อหาญกล้าเช็ดน้ำตา

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    บึ๋ยย.. เข้าท่าๆแท่ะอาทิดจ่อย.. มาให้กำลังใจๆจ้า
    ไปถืกทางแล่วๆ ลองตอยฮาดเพิ่นเบิ่งจักเทื่อตั้วะจ้า
    บาดถ่าเพิ่นเห็นใจแม๋ะเนาะ.. :l-
    มองต่าง..อย่างปลง

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    อ้ายทิดจ่อยเอ้ย ..
    หลงวาจาชายพาเว่า นางเลยเหงาเขาเปิดหน่าย
    อกสลายชายพาม่าง อินางหล่าหละป่วงละเมอ
    ผ่านมาเพลอเผยอหน้าเป็นนางฟ้า เขาผลักส่ง
    ตกลงมาอยู่หนองน้ำ จ่มทิ้ง บ่อน้ำตา
    ไผสิอาสาเข้า แนวคนเขลาเขาเปิดหน่าย
    บ่มีหมายจริงใจแท้ แค่ลวงล่อให้ป่วยใจ
    ..ขอบคุณหลายยุเด้อจ้า คำวาจาปลอบใจหม่น
    มอบให้คนที่แพ้พ่าย ที่ชายเอิ่น นางสวรรค์
    จบความฝันเพียงท่อนี้ ชายคนดีน้องขอสั่ง
    ฝากอ้ายฝั่งกายให้น้อง หม่องไว้กับแม่ธรณี.....แน่เด้อ.


    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  4. #4
    สมาชิกที่ยังไม่ยืนยันอีเมล์
    วันที่สมัคร
    Jan 2009
    ที่อยู่
    บ้านละเอาะ ต.จีกแดก จ.สุรินทร์
    กระทู้
    446
    บล็อก
    1
    ออยถึกใจคัก.....นางฟ้า...ผ้าขี้ริ้ว....

  5. #5
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    128
    บึยยยยย..............ทิดจ่อยกับสาวไก่น้อยเพิ่นคือไปนำกันส่องล่องคักแท้........กินใจจนหัวใจกวยเบิดแล้ว

  6. #6

    พบปะพูดคุย

    อ้ายเอ้ย... นางคนเดินดินกินปลาร้า บ่แม่นนางฟ้ากะมองแน
    ยืนแพแว้ แนมแต่อ้าย บ่าวพี่ซาย ส่ายหน้าหนี
    นางบ่ดีอิหยังนอ อ้ายคนหล่อคือมองผ่าน
    ทั้งเฮือนซาน ไฮนา นางอาสาเฮ็ดสุอย่าง
    ขอเพียงอ้ายมีใจบ้าง เบิ่งแงงนางบ้างแนเด้อ...อ้ายเอย:,1-
    LET IT BE...

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    ดอกฟ้ากับหมาจรจัด555

    คั่นบ่สงสารหน้าสงสารตากะไคแหน่
    หมาวัดเบิ๋ดแท่แล่ นอนเฝ่าแต่ปลากระป๋อง
    มีโอกาสเห่าฮ้อง มองเบิ่งอยู่เทิงดิน
    บ่อาจกินลงคอ นี่หละหนอมันเศร่า
    คือมดแดงแฝงเฝ้า เมาหวงบักม่วงเหิ่ม
    ผู่เขากินหนั่งเจิ้มเบิ้ม ทำตาเยิ้มฮอดบ่มอง
    เปรียบควมอ้ายมักน้อง เพียงสองตาเจ้าบ่ปิ่น(เหลียว)
    อย่าถวิลเถาะดอกฟ้า เฮาหมาน้อยเห่าเครื่องบิน
    เป็นนำซินน้อหล่าซาตาจั่งต้อยต่ำ ลักกินฮำกับหมูน้อย
    ฟังเสียงป้อย..5555ห่ากินมึง..
    ดอกฟ้ากับหมาจรจัด555ดอกฟ้ากับหมาจรจัด555ดอกฟ้ากับหมาจรจัด555:,1-:,1-:,1-ดอกฟ้ากับหมาจรจัด555ดอกฟ้ากับหมาจรจัด555ดอกฟ้ากับหมาจรจัด555

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    นางฟ้า(ไก่น้อย)เอย....
    คันเขาเปิดหน่ายหน้าในหางตาให้มีพี่แหน่เดอ
    คนที่เผลอปากเว้า เมานำบ้วงห่วงแต่นาง
    เขาปะปล่อยให้อ้างว้าง ยังมีทางแจ้งสว่าง
    หล่าคำนางอย่าไปคิดผูกมั่น ให้ลืมเรื่องที่ขุ่นมัว
    สำนึกตัวเป็นนางฟ้า หายามใด๋กะได้ตั่ว
    ส่ำผู้ซายมีอยู่ทั่วบ้าน หาคนฮักแท้แก่เจ้าของ
    อ้ายนั้นหมายฮักน้อง บ่อหวังปองสิเป็นคู่ (ดอกนาง)
    คิดเบิ่งดู ผู้ยศสูงจั่งเจ้า ทางอ้ายบ่อคู่ควร
    ทุกสิ่งล้วนขอเป็นกำลังใจอยู๋ห่างๆ
    มีคำจาปลอบเจ้าบ้างทางน้องอย่าได้เคือง

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ร้อยหมื่นพันไมล์ไกลบ้านเอย......

    อ้ายนี้เด๋อด๋าหน้า วาสนาส่ำหมาวัด
    ผัดแต่เป็นคนมา กะบ่อมีสาวเกี้ยว
    เหลียวมาเห็นน้อง สาวงามบั้นท้ายใหญ่
    ร้อยหมื่นพันไมล์ ไกลกะให้ไกลแต่บ้าน
    คำจาต้านอย่าห่างกัน
    ชายสิขันอาสาเลี้ยง เคียงนางบ่อให้ห่าง
    ว่าแต่ทางนาถน้อง บ่อแหนงหน้าหน่ายพี่ชาย
    ....นางเอย

  10. #10
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้ายพีเอย......

    อ้ายมาติแถลงเว้า เอาควมจริงออกมาว่า
    หมากะหมาวัดดอกนา หากินข้าวก้นบาตร บ่อหวังวาดอั่นห่างโต
    ได้แต่โมเมฮ้องหอนหมาอยู่ใต้ล่าง
    หวงกะหวงได้แต่ก้าง ทางซี้นบ่อได้กิน
    5555555 บรู๊วววววว!

หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •