หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 22

ย่างอ้อมเฮือนหาเบิ่งแนวกิน

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    ย่างอ้อมเฮือนหาเบิ่งแนวกิน


    ไก่น้อยเห็นกะทู้คุณครูจุ่นเพิ่นพาเบิ่ง พืชผักสวนครัว แนวกินรอบๆบ้าน ไก่น้อยเมื่อบ้านวั่งต้นเดือน มิย. รอบๆเอือนกะมีแนวอยู่แนวกิน เก็บภาพมาฝากพี่น้องนำเนาะจ้า เทื่อสนใจ
    อยากปลูกนำ เลาะบ้านนอกเฮาบ่อึดทีทางปลูกของ เนาะจ้า :l-

    ข้างเฮือนไก่น้อยอิแม่เลาปลูกไหลไว้ต่ำสาด กำลังงามตั้งกอ มีต้นหมากพริกขึ้นแซมนำ พอได้เก็บตำหมากหุ่งนำจ้า
    ย่างอ้อมเฮือนหาเบิ่งแนวกิน

    ซุ้มดอกอัญชันหน้าเฮือนตอนนี้อิแม่ตัดออกเมิดแล้ว เพิ่นเฮดประตูฮั้วเข้าเอือน เสียดายยุจ้า แต่เพิ่นว่า พุ้มหลังเฮือนกะงามแล้ว บ่อึดกินดอก พะนะ :l-
    ย่างอ้อมเฮือนหาเบิ่งแนวกิน

    ดอกอัญชัญอิแม่เก็บตากแดดไว้ให้ ไก่น้อยเอามาชงชากินยามมื้อเช้ามีประโยชน์หลาย พี่น้องอยากได้ไปลองชงกะพีเอม มาเด้อจ้า ส่งสิไปให้ ขอให้ประเทศก่อนเด้อจ้า ต่างประเทศยังบ่มีค่าแสตมป์ แฮ่ๆ :l-
    ย่างอ้อมเฮือนหาเบิ่งแนวกิน

    เคลือหมาน้อยหลังเฮือน กำลังงามเลยเพิ่นถึกฝนใหม่ เขีวดีขนาด ไผสิเก็บใบไปคั่นใส่ป่นปลากะเอาเลยเด้อจ้า บ่หวงๆ
    ย่างอ้อมเฮือนหาเบิ่งแนวกิน

    ผักขิเหล็กฮิมฮั้ว หน้าบ้าน หลังบ้านกะมีอีก ไทเฮือนข้างๆกะพอได้อ่อม ได้แกงนำยุ ใส่ภาพยนต์โค คากิหมู กะแซบดี เป้นยาระบายนำจ้า
    ย่างอ้อมเฮือนหาเบิ่งแนวกิน

    อันนี้กินบ่ได้เด้อจ้า บ่เคยกินเห็นมันงามเลยเอามาฝากพี่น้อง เอิ่นว่ากล้วยวาสนา มีหน่อมีแนวนำเด้อจ้า ไผอยากได้แนวติดต่อมาโลด :,1-
    ย่างอ้อมเฮือนหาเบิ่งแนวกิน

    ดอกอินทวาหน้าบ้าน ขาวเต็มต้น อิแม่เก็บไหว้พระ ย่างขึ้นเทิงเฮือนหอม ว่าส่าน เก็บไว้ฮอดในห้องน้ำ มันดกคักหลายจ้า
    ย่างอ้อมเฮือนหาเบิ่งแนวกิน

    อันนี้สวนผักหน้าบ้าน ของอิแม่ มีผักสารพัดเลยจ้า มาเก็บได้ตามสบายบ่มียาฆ่าแมลงดอกจ้า เพิ่นหมักน้ำชีวภาพรดอย่างดีพุ้นนะ
    ย่างอ้อมเฮือนหาเบิ่งแนวกิน

    ขอบคุณพื้นที่บ้านมหาเด้อจ้า ที่ให้ไก่น้อยได้เม้าท์แตก อิอิ :l-
    แก้ไขครั้งสุดท้ายโดย ไก่น้อย; 27-06-2012 at 11:46.


  2. #2
    มีแต่สิ่งเป็นประโยชน์เนาะครับโดยเฉพาะพวกที่เป็นสมุนไพร...อั่นเครือหมาน้อยเขาขยายพันธุ์แบบได๋ครับจะได้ทดลองปลูก..

  3. #3
    เจ้าหน้าที่ประชาสัมพันธ์ สัญลักษณ์ของ บ่าววิทย์
    วันที่สมัคร
    Jun 2006
    กระทู้
    903
    ดีเนาะบ้านไก่น้อย บ่อึดแนวอยู่แนวกิน บ่ต้องซื้อให้เปลืองเงิน ปลูกไว้กินเองได้..

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    เคยเห็นเมล็ดมันยุแมะจ้า แต่ไก่น้อยบ่แน่ใจว่ามันสิเพาะได้บ่ ไก่น้อยซื้อต้นมันมาปลูกต้นน้อยเพิ่นมาขายยุงานกาชาด ต้นละสิบบาทมาปลูกจ้า
    ซื้อต้นยานางมาปลูกนำ กำลังท่าวขึ้น ไก่น้อยเก็บมาแกงหน่อไม้หลายรอบแล้วจ้า

  5. #5
    บักพริกหน่วยงามๆเนาะ...ไก่น้อย เป็นตาหักกับส้มปลาจ่อมนิ...:*-

  6. #6
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    มีชุอันเนาะเฮือนอันนิ ยามได๋น้อสิขึ้นเฮือนอีกรอบ

  7. #7
    ศึกษาหาความรู้ สัญลักษณ์ของ หมวยเล็ก
    วันที่สมัคร
    Apr 2012
    กระทู้
    35
    บล็อก
    2
    เฮือนกะเป็นตาอยู่ สวนกะงาม ผักกะหลาย บ่อึดกิน...อยากไปอยู่นำเด้..

  8. #8
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    มันคือหงำเฮือนงามแท่หละหล่าเอ้ย
    บ่พอย้ายสวนไปไว้หม่องใหม่แหน่เป็นหยังหือ..
    ผู่บ่าวสิได้เหลียวเห็นซัด....

  9. #9
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    คือว่าละอ้ายพีซงสิหงำยุดอกถ้าบ่อยากไห้หงำหลายกะเก็ยบสู่พี่สู่น้องกินเด้อเจ้555

  10. #10
    ดินดำน้ำซุ่ม...ดอกอินทวางามหลายครับ


Tags for this Thread