-
แบ่งปันความรู้และประสบการณ์
คุณค่าของเกิบฮ้าง
เป็นคือกันบ่น้องหล่า
ห่างกันเพียงแค่สามวา
แทบเป็นบ้าแทบสิป่วง
อ้ายทั้งฮักอ้ายทั้งหวง
พวงพะยอมนาถน้อง
สองตาอ้ายหากบ่วาง
อ้ายมีค่าสำเกิบฮ้าง
ให้น้องนางดังไฟอ่อย
สับต่อนเล็กฉีกต่อนน้อย
แค่พอให้ได้ไฟผิง ฮือๆๆๆๆๆๆๆ
-
ศึกษาหาความรู้
ผู้บ่าวฮ้าง ...
เป็นเกิบฮ้างยังติดไฟ ให้ไออุ่นตุ๋นแกงแฮงฮ้อน
แต่บ่าวฮ้างคือข่อย คอยสาวได๋บ่เห็นงั่ย ..เด้น้อ
คือของเก่า เขาบ่เห็นค่าแล้ว มีแววเฒ่าอยู่ผู้เดียว
อยากสิมีคนซ้อน นอนข้างคือหมู่ แท้น้อ
เกิบฮ้างยังมีคู่ แต่บ่าวฮ้างคืออ้าย ไผ๋สิกอดกะบ่มี..นางเอย
-
ฝ่ายบริหารระดับสูง
เกิบฮ่าง อ่อยไฟกะได้เด้อ อย่าถิ่ม
-
แบ่งปันความรู้และประสบการณ์
พี่เอ๊ย..กะยังวาเกิบฮ้าง
ใส่เทียวทางคือสิฮอด.....น้อพี่
มันบ่คือเกิบดีๆ
ใส่เหยียบหนาม(หมากเล็บแมว)มันกะซอด
มันเจ็บฮอดตีนเจ้าของ......พู้นเด้
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks