กำลังแสดงผล 1 ถึง 3 จากทั้งหมด 3

หลอกให้คอยบ่อ้าย..

  1. #1
    แบ่งปันความรู้และประสบการณ์ สัญลักษณ์ของ น้องป้อม
    วันที่สมัคร
    Aug 2012
    กระทู้
    97

    หลอกให้คอยบ่อ้าย..

    มื้อได๋หนอ..ใจอ้ายสิคิดฮอด
    หรือสิไปแอบกอดสาวทางได๋
    อ้ายสิฮู่อยู่บ่หนอว่าคนไกล
    คิดฮอดอ้ายเหลือหลายเสียเหลือเกิน..

    อ้ายมาตีคำเว้าแค่อารมบ่ละพี่
    เ็ฮ็ดให้น้องผู้นี่ฮักอ้ายแล้วกะไป
    สางบ่คิดเลยบ่อ้าย...ว่ามีคนไกลคอยทา
    ถวงสัญญากับโตพี...
    หรืออ้ายทิ้งน้องไปอีหลี..
    .ไปมีผุ้ใหม่ซ้อนนอนข้างกับพี่ชายหนอ..
    เคยโทรหามาจาเว้า..
    นั่งเมิ่งดาวอยู่เคียงคู่
    แล้วมื้อนี่ยอดชู้ของน้องนั้นไปทางได๋..ละหนอพี่ชายหายเงียบเลยหนอ..
    คงสิลืมสัญญาอ้อนคำวอนดอกเคยวา
    อ้ายสิฟ้าวตาวคืนกลับมา...
    ให้น้องมาท่ามารับอ้ายเด้อหล่าเอ๋ย..
    นานหลายปีอ้ายบ่กลับมาคืนถิ่น..
    หรือว่าอ้ายนั้นทิ้งสัญญาน้องแล้วเปลี่ยนใจแล้ว...พี่ชายเอ๋ย..
    น้องสินั่งรออ้ายรอพี่ชายอ้้ายส่งข่าว
    ถึงสิเข้าหน้าหนาวหัวใจน้องสะท้านโตน้องกะสิคอย..
    เมื่อลมวอยเข้ามาำไกล้..น้องคนไกลคิดฮอดพี่..
    อ้ายคือสิบ่มาอีหลี...ทิ้งให้คนทางนี่
    คอยทาบ่ตาวคืน....เลยหนออ้าย...

  2. #2
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63

    หลอกให้คอย

    หลอกให้คอย
    หลอกให้คอย

    หลอกให้คอยบ้ออ้าย

    เฮาหากเทียวทางพ้อ นำกันหลายเทือ
    น้องบ่จำจือหน้า ผะอวนอ้ายกะเลาลืม ซั้นแล่ว
    ใจประสงค์ต่อไม้ จังได้แบกขวานมา
    ใจประสงค์ต่อปลา จั่ง แบกแหมาพร้อม
    คันแมนเป็นตาได้ สีสานไซมาใส่
    คันบ่เป็นท่าแล้ว สิแจวดั้นด่วนคืน ซั้นแหล่ว
    อ้ายอยากถามข้าวอ้อย ป้องห่างลำงาม นั้นนา
    มีเครือหนาม เกี่ยวพันแล้วยังน้อง

  3. #3
    แบ่งปันความรู้และประสบการณ์ สัญลักษณ์ของ น้องป้อม
    วันที่สมัคร
    Aug 2012
    กระทู้
    97
    อ้ายเอ๋ย..คนผู่ฮ้ายจังน้อง
    บ่มีไผปองเป็นคู่ครองดอกคุณพี่
    คนน่าตาจังซี่....นี่บ่อ้ายวางาม..
    น้องบ่มีดอกอ้ายคนมาฮัก
    ไผเขาสิมักคนบ่งามจังน้อง
    เขาพากันใฝ่ปองคนงามกันตั๋วพี่
    เหลือแต่น้องผู้นี่..นี้แล้วจะขึ้นคาน..พี่เอ่ย..
    คนเคยมักแต่ก่อนนั้นโตน้องกะมีอยู่
    บุญบ่ส่งยู่ให้น้องได้คู่กัน
    เขานั้นไปหมายหมั้นสาวใหม่ตั๋วละพี่
    กะย้อนน้องผู่นี่นั่นอยู่ไกล..พี่เอ๋ย...
    นี่ตีี่...คือเหตุผลที่น้องได้แต่เฝ้าคอย
    เขาไปมีใหม่จ้อยกะเพราะความห่างไกล..พี่เอ๋ย....