ออนซอนเทียนพรรษาเมืองอุบล

[ข้าวต้มมัด]

ออนซอนเด้พี่น้อง ฮีตเก่าประเพณี

ศรีอุบลเป็นพยาน งามตระการแห่เผิ่งผึ้ง

งามดั่งดาวว์ดึงเมืองฟ้า เหล่าเทวดาเนรมิต

งามวิจิตรแกะแต่งแต้ม ขบวนเอ้ส่างงาม

งามฝีมือประดิษฐ์ช่าง เทียนแห่เมืองอุบล

งามเพราะคนใจงาม ทุกเขตครามส่าลือค่าย

งามตามสายแต่งแต้ม หกสิบกระบวนแห่

งามเป็นศรีอีสานแท้ เชิญพี่น้องมาแห่เทียน



:l-:l-:l-



ถึงงานแห่เทียนพรรษาเมืองอุบลทุกปี ออนซอนภูมิใจนำเพิ่นค่ะ

อดไม่ได้แต่งผญาหย่องมา 2 ปีแล้ว

ขอขอบคุณแรงบันดาลใจจากภาพ อ.หนุ่มน้อย บ้านมหา ในเฟรสบุ๊ค

และภาพงามๆๆจาก อ.หงส์(คนโก้) จากเวฟข้าวต้มมัดดอทคอม

[หนุ่มน้อย]

ขอขอบคุฯ คุณข้าวต้มมัดที่แต่งกลอนออนซอนเทียนพรรษาเมืองอุบล หม่วนหลายครับ พี่น้องที่อยากเบิ่งความสวยงามตระการตาเทียนพรรษาเมืองอุบล กะเข้าไปเบิ่งได้เด้อครับ ตามลิงค์นี้ครับ

http://www.baanmaha.com/community/thread46239.html

[sompoi]

ได่ไปเลาะเบิ่งลิงค์นำอ้ายหนุ่มน้อยเพิ่นแล้ว..แม่นอยู่ดอกน้องข้าวตัมมัด
เอื้อยว่าน่าสิได่มีโอกาส ยกไปวางโชว์ไว้ที่สุวรรณภูมิได่เนาะ
ไว้ไปอวดต่อสายตาต่างชาติคือสิคักแม๋ะเอื้อยว่า.. :l-