กำลังแสดงผล 1 ถึง 4 จากทั้งหมด 4

อย่าลืมสองมือน้อย ๆ เหี่ยว ๆ เด้อ

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา อย่าลืมสองมือน้อย ๆ เหี่ยว ๆ เด้อ

    ***ไผเด้น้อ... เคยถือเสียม คอนคุน้อย หาขุดกลอย ขุดมันเผือก
    เลือกเอาแนว ใส่ป้อน ให้เฮาได้ อิ่มหนำ
    แม่นไผนอ ทำงานสร้าง ทอแพร ผืนแผ่น
    แม่นไผนอ คอยเซ็ดล้าง สรงน้ำ ส่วยคิง
    ไผเด้น้อ กล่อมให้มิดอิ้งติ้ง ยามเข้าบ่อน เฮือนนอน
    ไผเด้เอาสองกร มาหอบโซม ให้กินจู้
    ไผเด้น้อ สอนให้เป็นคนฮู้ เตินเตือน ให้ฮู้ฮ่อม
    ไผเคยทาแป้งหอม น้ำอบน้ำขมิ้น ให้ผิวได้ ผ่องใส
    ยามเฮาทุกข์ฮ้องไห้ ไผเล่าปลอบ คอยประโลม
    ยามหัวลมพานพัด ล่ะแม่นไผ ผู้คอยตุ้ม
    ซุมหมู่ดารณีน้อย ให้พากัน ครวญใคร่ แหน่เด้อ
    มื้อนี้... มือเคยไกวอู่น้อย อ่อนแฮงล้า สั่นเทา
    เวียกเคยเอา เดียวนี้เอื้อน เฮือนเคยถู กะต้องหล่า
    ปูปลาเคยอ่อมต้ม กะเลยเว้น เฮ็ดบ่ไหว
    นางเอ้ย..เจ้าอย่าไลลืมเฒ่า ผู้เคยเพียร เคยฮักห่อ
    อดสาเลี้ยง เจ้าแต่น้อย อย่าลืมเฒ่า ให้นั่งเหงา
    เตรียมเอามาลัยน้อย ประคองกร ไปก้มกราบ
    บาทผู้คุณเลิศล้น เหนือฟ้า ล้นแผ่นดิน
    แม่เอ้ย...เหมิดชีวินของลูกนี้ ขอประกอบแต่ความดี เอามาปลงไว้บาทแม่
    ต่อไปนี้สิดูแล บ่ให้แม่เดือดร้อน ต้องโหยล้า เมื่อยคิง เด้อแม่เอ้ย...
    ธุจ้าธุจ้าธุจ้า
    แก้ไขครั้งสุดท้ายโดย หนุ่มหน้าลาว; 10-08-2012 at 21:03.

  2. #2
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    โอ้ยอ่านกลอนนี้แล้วคิดฮอดแม่อยู่บ้านหลายเด้อครับ

  3. #3
    แบ่งปันความรู้และประสบการณ์ สัญลักษณ์ของ หนุ่มบุรีรัมย์
    วันที่สมัคร
    Dec 2007
    ที่อยู่
    บุรีรัมย์เปอร์
    กระทู้
    23
    เขียนได้เห็นภาพคัก ฮักอีแม ครับ

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961
    เยี่ยมครับ ผลงานดี มีคุณภาพ อีกแล้วครับท่าน 5 5 5

    เป็นกำลังใจเสมอครับ

    :l-