กำลังแสดงผล 1 ถึง 10 จากทั้งหมด 10

หัวข้อ: วันเกิด+วันครบรอบแม่เสีย

  1. #1
    ศึกษาหาความรู้ สัญลักษณ์ของ สาวตากล้อง
    วันที่สมัคร
    Apr 2012
    กระทู้
    18
    บล็อก
    4

    วันเกิด+วันครบรอบแม่เสีย

    เนื่องจากวันนี้วันคล้ายวันเกิดและวันครบรอบแม่เสียจึงได้แต่ทำบุญถวายสังฆทานส่วนงานฉลองคงสิบ่มีดอกเนาะเพราะก็ฮุ้อยู่แล้วว่าวันเกิดลูกวันตายแม่อันนี้บ่ต้องยกกลอนมาอ้างอิงแต่มันเกิดขึ้นจริงๆๆกับโตน้องจันทร์เองจังได้เห็นสัจธรรมกว่าคนอื่นหลาย จึงขอยกบทกลอนมาร้อยเรียงเป็นสำเนียงสดับเสนาะและเพราะพริ้ง

    :l-:l-


    สิงหาเดือนเวียนอีกครั้ง เวลาย่างถึงกำหนด

    ลูกประนมมือนต ทดบุญอันคุณล้น

    สาธุชนได้กราบก้ม น้องบังคมพระคุณแม่

    ยอเหนือเศรียรให้ปกแผ่ ตุ้มปกแก่ลูกเต้า นานเท่าชั่วกาล

    แม่ของเฮามีสองท่าน สำคัญยิ่งเหนือแนวได๋

    ผู้หนึ่งให้กำเหนิดมา เลี้ยงอ่อนตาคือเฮานี้

    เผิ่นหากมีอดทนกลั้น ตั้งแต่มานอุ้มลูกอ่อน

    นอนกะทุกข์กะถอน อุ้มอุทรก้อนเนื้อ ถนอมไว้กว่าหน่วยตา

    ยากบาดย่างไปซ้า ถกขาค่อยพยุงไป

    ย้านเบียดกายอุ่นนอน ผุอ่อนในระคายเนื้อ

    นับว่าเหลือจักเดือนมื้อ ถือผ้ารอตุ้มลูกอ่อน

    ยากบาดหลับยากบาดนอน ยากบาดตอนกินเข่า ย้านโตเจ้าบ่มักนำ

    แพ้กะฮากออกซ้ำ แม่คอยหลำลิงดู

    ฮักถ่อภูถ่อผา กว่าสิมาเป็นคนได้

    เก้าเดือนปลายกุมารเคลื่อน เหมือนหัวใจได้ล้านค่า

    แก้วหน่วยใสบังเกิดมา น้ำตาไหลอาบแก้ม แนมแล้วอิ่มบ่เป็น

    ยากปานได๋กะแล่นเต้น เข็นจ่องมาหา

    หย่ำข้าวปลาอาหาร เป็นมิ่งทานแต่คราวต้น

    สาธุชนนี้ควรฮู้ แม่อุ้มชูทำบุญก่อน

    ทุกข์ในอกบ่ถ่ายถอน บัดฮอดตอนได้ลูกแก้ว แนวนั้นบ่ห่วงนำ

    เมตตาสูงยิ่งล้ำ ความฮักซ่ำดอกภูผา

    ปราถนาแต่สิ่งดี บ่ห่อนมีแฝงเล่ห์

    ฮักบ่เพฮักจริงแท้ สิแลหานอไผซ่ำ

    บริสุทธิ์บ่มีก่ำ เอิ้นลูกคำก้อนถ่อซ้าง บ่มีฮ้างจวบซัวตาย

    กรุณาซอยลูกไว้ ฮิ้นบ่ไตไฮบ่ตอม

    ฮักถนอมเพียรแพง ค่ำแลงออยเว้า

    ตกยามหนาวแม่เอาซ้น อุ่นกมลไอกอดแม่

    ความใกล้ชิดดูแล ยามไข้แม่อยู่ใกล้ ปลอดภัยเพี้ยงฮักสวรรค์

    ยามเห็นลูกเป็นทุกข์นั้น พอปานแมสิเป็นตาย

    เจ็บม่องได๋ซาวมือหา ออยน้ำตาให้หยุดนิ่ง

    ลูกปวดคิงแม่ปวดร้าว พออยากเอาแทนความป่วย

    ยามลูกเจ็บแม่หนหวย เห็นความป่วยลูกเต้า อยากเอาเข้าใส่เจ้าของ



    ลิขสิทธิ์บน YouTube Credit By : https://www.youtube.com/watch?v=/ixDyGKmrkmk

    เบิ่งโฆษณาแล้วไห่ อยากให้ทุกคนสำนึกฮักในพระคุณแม่อย่าสิไลลืมถิ่มแม่ได้ผัวได้เมียกะอย่าลืมเอาแม่ไปอยู่นำเด้ออไผกะดายฝากมาส่ำนี่ละเนาะhbd:

  2. #2
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63

    วันเกิด+วันครบรอบแม่เสีย

    ยูทูปกะเบิ่งมาหลายเทื่อแล้วแต่พอเอามาประกอบกับผญ๋าชุดนี่แล่วมันเข่ากันแบบบ่หน่าเซื่อเลย
    และฝีมือผญ๋าต้องยกนิ้วให้ว่าเยี่ยมและ...ผ่านได้สบายๆ

    วันเกิด+วันครบรอบแม่เสีย :l- วันเกิด+วันครบรอบแม่เสีย :l-

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    เก่งจ้าน้องหล่า เอื้อยเป็นกำลังใจให้เด้อจ้า สู้ต่อไปแม่ผู้อยู่เทิงฟ้า นั่งแนมเฮาอยู่ :l- สุขสันต์วันคล้ายวันเกิดจ้า คิดดี ทำดี เพื่อแม่ เจ๋ง.......สุดๆ

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    สวยงามมากทั้งผญาและคนโพส อิอิ

  5. #5
    แบ่งปันความรู้และประสบการณ์ สัญลักษณ์ของ คนคลองห้า
    วันที่สมัคร
    May 2011
    กระทู้
    275
    สุขสันต์วันคล้ายวันเกิดเด้อครับผม ขอให้มีความสุข สุดชื่น สมหวัง คิดสิ่งใด ให้สมใจปรารถนาทุกประการ อุดมสมบูรณ์ด้วยพร 4 ประการ อายุ วรรณะ สุขะ พละ เด้อครับผม แต่อย่าลืมเทวดาที่อยู่บ้านเฮาเด้อ ให้ท่านมีความสุขตลอดไป

  6. #6
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    สุขสันต์วันเกิดเด้อครับ มีความสุขหลายๆ เป็นกำลังใจให้เด้อครับ จังซี้ละครับชีวิตกะต้องดิ้นต่อไป เพิ่นซะแม่นเจ้าบทเจ้ากลอนเนาะ เป็นตั้งหลายอย่าง อ่านบทกลอน(ผญา)แล้วกะเบิ่งโฆษณานำแม่นเข้ากันคัก คิดฮอดเฒ่าแม่อยู่บ้านคัก

  7. #7
    ศึกษาหาความรู้ สัญลักษณ์ของ สาวตากล้อง
    วันที่สมัคร
    Apr 2012
    กระทู้
    18
    บล็อก
    4
    ขอบคุณกำลังใจมากๆๆๆค่ะ แค่นี้กะมีแรงต่อสู้ไปอีกเรื่อยๆๆแล้วค่ะขอบคุณหลายๆๆค่ะ

  8. #8
    ศึกษาหาความรู้ สัญลักษณ์ของ ประภาส
    วันที่สมัคร
    Mar 2009
    กระทู้
    123
    ขอให้ น้องสาวตากล้อง มีแต่ความสุขในวันคลายวันเกิดและวันต่อๆไป ขอเป็นคนที่เข้มแขงและเป็นคนกล้าในสิ่งที่ทำดี ขอให้บุญบารมีของแม่จงคุ้มคลอง มีความสุขมากๆ

  9. #9
    ศึกษาหาความรู้ สัญลักษณ์ของ สุดสาคร
    วันที่สมัคร
    May 2012
    กระทู้
    237
    เพินวา บุคคลใดที่บ่อลืมบุญคุณบิดรมารดา ถือว่าเป็นคนดีไปไสกะมีแต่คนอุ้มชู สำหรับสาวตากล้อง กะขอให้มีความสุข เด้อ ขอให้สุ้ต่อไป:l- :l-

  10. #10
    ศึกษาหาความรู้ สัญลักษณ์ของ สาวตากล้อง
    วันที่สมัคร
    Apr 2012
    กระทู้
    18
    บล็อก
    4
    :l-:l-สาาาาาาาาาาาาาาธุ ขอบคุณหลายๆๆค่ะ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •