อ้อยต้อยต่อนผญา (บั้นตกกะเทิน)

[บ่าวหัวเขียง]

ตกกะเทินว่าได้สู้ บ่มีถอยให้เขาด่า
นับแต่มื้อสิหย่างไปหน้า สิถอยก้นนั่นอย่าหวัง

ตกกะเทินว่าได้มานำแล้ว บ่คืนเมื่อให้แม่ด่า
คันแม่นเจ้าปล่อยถิ่ม ตัวข่อยส่วนสิตาย

ตกกะเทินว่าได้เฮียนแล้ว สิเฮียนไปเหมิดสู่ช่อง
เฮียนให้เผิ่นได้ย่อง เหมิดถ้วน คู่สู่แนว

ตกกะเทินว่าได้งมแล้ว สิคัวหาปลาข่อใหญ่
คันบ่ได้แท้ๆ ปลาหลดน้อยกะสิเอา

[sompoi]

หึยย เว่าเป็นตาซัง ปลาหลดน้อย พะนะ ฮ่าๆๆ ม่วนๆจ้า มาให้กำลังใจเด้อท่าน
ปล.ย่องอ่านไปซั่นล่ะ ย่านเล้าบ่มาเว่าสู่ฟังอิก อิอิอิ