อ้อยต้อยต่อนผญา (บั้นบ่ได้ลัย)

[บ่าวหัวเขียง]

บ่ได้ลัยแพรฝ้าย หนีไปชมแพรป่าน
บ่ได้ละม่านกั้น หนีไปซ่นเทิบมอง

บ่ได้ลัยลาชิ้น หนีไปกินปลาแดกอึ่ง
บ่ได้ละต่อนชิ้น ไปกินก้อยอ่อมกระแต

บ่ได้ลัยลาน้อง ไปมีสองซ่อนอื่น
แม่นสิมีหมื่นสาว แม่นสิซาวยอดฟ้ามาเลี้ยง กะบ่เอา

[sompoi]

ภาษาอิสานวันนี้เสนอคำว่า.."เทิบมอง"
เอิ้กๆๆ..วานผู้รู้...อธิบายด่วนคะร้าป...

[pcalibration]

..."เทิบมอง"..หลังคาที่ต่อเติมมาจากเล้า..
สมัยแต่ก่อนบ่มีโรงสีใช้ครกมองตำข้าว ครกมองส่วนมากแล้วกะสิตั้งไว้ใกล้กับเล้า
และจะทำหลังคาต่อจากเล้ามาคลุมเพื่อกันแดดกันฝนให้ครกมองเลยเอิ้นเทิบมอง..

[sompoi]

โอ๋ว.. จ้า.. แจ่มแจ้ง..ชัดเจนแล้วบาดนิอ้ายพี
ขอบคุณสำหรับวิทยาทานค่ะ ..

ปล..หึยย น้องเอ๋แม๋ะ.."แอบมอง"พะนะ..เกียบแม่นปักเข้าไปในซิริบั๊มน๊อเอื้อยกะดาย ฮ่าๆๆๆ

[บ่าวหัวเขียง]

เทิบมอง = โรงกระเดื่อง

เกิดบ่ทันดอกครับ...ได้ยินผุเฒ่าว่า