เห็นยิ้มเจ้าเข้าเต็มหน้า พร้อมแววตาพาอบอุ่น หวานละมุนซูนคำอ้อน ศรฮักย้ำตำสู่ใจ
เฮ็ดบุญได๋กันน้อหล่า ถึงมีค่าได้เคียงกาย เกิดผูกสายสัมพันธ์ฮัก พักใจฝันกับวันล้า
เจ้าพฤษาพาดอกซ้อน เอิ้นภมรซอนดมกลิ่น มื้อฝนรินน้ำหมอกย้อย ยังลอยคลุ้งฟุ้งกลิ่นหอม
อยากบินตอมถนอมเจ้า ขอเปรียบเอาเจ้าแมงภู่ คอยบินชูดูดอกไม้ รักษาไว้ไคร่เบิ่งแยง
เจ้าผู้แซงบักตาลต้น เจ้าผู้ผลบักตูมเหิ่ม อ้ายคนเดิมอยากได้เชื้อ สิเหลือให้แน่บ่นอ
บ่อาจขอรอฮักเจ้า เว้าฝากฮักเพียงเดียวดาย แต่ความหมายอยากฮักเธอ อยู่เสมอคนเดียวนี้
........ไม่อยากเป็น “คนรักเธอข้างเดียว” แต่อยากเป็น “คนรักเดียวข้างๆ เธอ”.......
[4SHARED]http://www.google.co.th/embed/1881632061/d29d3594[/4SHARED]
ขอโพสนำแน่เด้อครับ บ่เก่งผญาคือหมู่ แต่งได้แต่กลอนลาวหนิหล่ะ ย่านพี่น้องเว้าไส่มันบ่คือซั่นดอกหว๋าาาาา
Bookmarks