-
ดูแลตรวจสอบเนื้อหา
รถยางเลม
รถยางเลม หรือ รถยางเล้ม
รถยางเลม เป็นคำที่แสดงอาการที่เกิดขึ้น แปลว่า รถยางอ่อน รถยางแหลว รถยางนิ่ม รถยางแบน รถยางแฟ้บ แต่บ่รวมถึง ยางฮัว ยางฟิว
เฉพาะคำว่า แฟ้บ น่าสิหมายถึงลมฮัวออกเบิด
รถยางเลม เป็นคำอีสานที่รู้สึกวาสิตกยุคไปจั๊กหน่อย แต่ก็ยังมีเว้ากันอยู่ครับ ทางวาปีฯ สารคาม บางหมู่บ้านหรือบางคน
รถยางเลม บ้านผมเองกะบ่ได้ยินเว้า สิใช้แต่รถยางแหลว รถยางแบน หรือยางรถบ่มีลม แต่ "รถยางเลม" ผมว่าฟังเบิ่งกะตะฮักดีเนาะครับ
เลม หรือ เลน กะสิมีความหมายคือกัน คือ มันแหลว มันอ่อน มันเละ
แต่ เลน เท่าที่เคยได้ยินสินิยมใช้กับหมากไม้สุกหลายกว่า เช่น บักมี่ขี่เหล้า บักเขียบ แตงไทย ฯลฯ แต่สิบ่ใช้กับหมากไม้ที่เปลือกแข็งซุม แตงโม บักตูม ฯลฯ
ถ้าเป็นกล้วยมักสิได้ยินวา งอม หรือ กล้วยมันงอม
คิดพ้อกะเลยเอามาฝากพี่น้อง
คำวา เลม ที่เอาไปใช้กับประโยคอื่นๆ กะบ่ค่อยมีปานได๋
ผิดถึกกะขออภัยครับ
-
ศึกษาหาความรู้
ป้าดๆๆๆๆ เกือบลืมแล้วครับคำนี้ บ่ได้ยินดนแล้วครับ ขอบคุณหลายๆที่เอามากระตุ้นความจำ คิดฮอดสมัยเป็นเด็กน้อยหาเก็บหมากไม้ พ้อหน่วยที่มันสุกกะบีบเบิ่งก่อน ว่ามัน เลม บ่พะนะ
-
ศึกษาหาความรู้
ฮื่อกะเคยได้ยินเหมือนกันแต่ตอนนี้นานมากแล้วเพิ่งจะมาได้ยินอีกวันนี้เอง
-
ศึกษาหาความรู้
เคยได้ยินเหมือนกันแต่ตอนนี้นานมากแล้วเพิ่งจะมาได้ยินอีกวันนี้เอง/จริงๆแล้วแต่ละหมู่บ้านเขาเรียก
ไม่เหมือนก็คือแตกต่างกันไปตามท้องถิ่นแถวบ้านเขาจะเรียกว่า "เหล่ม"หมายถึง..เล๊ะก็เรียกหรือหลวมหรืออ่อนปวกเปียกนุ่มเขาก็เรียกกันครับ
-
ฝ่ายบริหารระดับสูง
ถ้ากล้วยหอมบีบเบิ่งแล้วมันบ่แข็ง แสดงว่ากล้วยสุก หรือบ่ซั่นกะเหี่ยว บ้านผมเอิ้นว่ากล้วยแหลวแอ้แล่ ครับ
-
แบ่งปันความรู้และประสบการณ์
บ้านผู่ข่า ลาวบ้านอรัญ บ่ว่าสิยางนิ่ม ยางฮั่ว ยางอ่อน ยางฟิ่ว สิใซ้คำเดียวกันเลยคับว่า "ยางแป"
แต่สู่มื่อหนี่ส่วนหลายสิใซ้คำว่า ยางแบบ คับ จบเลย....อิอิอิ
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks