................... อย่าลืมเด้อ ................................

[บ่าวโจ่โล่]

เก้าสิฮ้างสิบสิฮ้าง กะฮ้างแต่ไฮ่นาสวน แต่ว่าใจสองเฮาอย่าสุมีวันฮ้าง
คันเทียวทางบ่สุดเส้น อย่าเหลือฮอยให้คนย่ำ นำเทียวทางใจน้อง เจ้าตัดทิ่มอ้ายจั่งเซา
ได้กินแมคโดเน่า อย่าลืมเฮาปั้นข้าวจี่ กินเท็มปุระทางพี้ ซุบบักหมี่เจ้าอย่าลืม
หากดื่มไวน์บายเบียร์นอก อย่าลืมจอกก้อนขี้ครั่ง คิดเห็นมั่งน้ำซ่างน้อย ยังคอยเจ้ามาดื่มกิน
ฝนตกรินอยู่ทางบ้าน ซากุระบานอยู่ทางเผิ่น หิมะตกเวิ่น ๆ หม่องทางเดินบ้านอ้าย ขี้ดินฟุ้งเต็มทุ่งนา
คิดเห็นแน่เด้อหล้า ศาสนายังบ่อเสื่อม วัดยังเลื่อมโม่ง โม่ง คงสิพ้อเฮ็ดกระฐิน
คนติดดินนั่งแนมฟ้า ซ่างไกลกันหนักหนา วาสนาเจ้าสูงส่ง อ้ายยังคงเขี่ยดินแห้ง เบิ่งนาแล้ง แล้วคิดถึงซั่นดอกหว๋า

อย่าลืมเด้อ แบบ บ่าวโจ่โล่ เนาะครับ อ่านเพลินเนาะครับ ศิลปะทางอิสานเฮา

[บ่าวเต็งคนโก้]

อย่าลืมเดอ อย่าลืมเด้อ............... อิอิอิ ได้เงินหลายกะหอบเมืออีสานบ้านเฮาแหน่

[sompoi]

เทมปุระพอถูไถเด้ออ้าย อั่นแมคโดเน่านิ...เป็นตาอ่วยหลังเด้ะน่อ...บ่ลืมๆ..โดยเฉพาะซุปบักมี่....คิกๆ..ของแซบเนาะ..

[Chumpa]

เศร้าแท้หน้อ ...................

[บ่าวโจ่โล่]

เอ๋า ให้อ่านม่วน ๆ มะซ่างพากันเศร้าแท้ ผู้เขียนสิบ่ให้ซะตี้...................สาวส้ม สิเฮ็ดให้กินเด้อซุปบักมี่หน่ะ อยู่บ้านหล๊ายหลาย
เด็กน้อยมันพากันเอาไป เฮ็ดโพนเล่นหลายยุ มันหลาย ๆ

[peitai]

อยากถามบ่าวโจ้โล่ อาวุโสผุภูมิสูง คันบ่ยุ่งยุ่งเหยิงคัก กะอยากถามเรื่องอิสาน ด้านประเพณี ฮีดสิบสองคองสิบสี่ มีหยังแหน่ เคยได้ยินผ่อแม่ผุแก่เฒ่า เพิ่นบอกเว่าอย่าลืมฮีด อย่าลืมคองอย่ามองข้าม แต่ยามนี่เพิ่นลาโลกแล้ว แนวคองฮีดเลยบ่ฮู้สิถามไผ
คันบ่าวโจ้ฮู้ไห่บอกแหน่ สิได้จำจื่อไว้พอได้เว่าสู่หมู่ฟัง หรือผุอื่นได๋กะได้ที่เพิ่นฮู้ ไห่ทานแหน่......จากผุฮู้หน่อยอยากฮู้หลาย

[สาวบ้านนา]

อ่านผญานี้แล้วหลับตาลง เห็นชุปหมากมี่กับกล่องเข่าเหนียว ท้องฮ้องอยาก อยาก อยาก อยากกิน คน โอ๊ะ อยากกินชุบหมากมี่

[บ่าวโจ่โล่]

ฮีดสิบสองคองสิบสี่ อันนี้ผมว่า อ้ายทิดคำศรี คือ มีภูมิ มีบา หลายกว่าผมยุเด้อ แต่ว่าผมกะทราบมายุดอกครับ
มันยาวคือกันเด๊หล่ะ ฮีตสิบสองแม่นงานบุญ 12 เดือน คองสิบสี่ เป็นแนวทางวิธีปฎิบัติ ถ้าผมจำบ่ผิดรวมเรื่อง
การปรกครองบ้านเมืองนำ ผมสิมาแจ้งให้ทราบเนาะครับ เรื่องรายละเอียดแต่ละอย่าง อันที่ผมรู้เด้อครับ
แต่อันได๋บ่รู้ กะแม่นอ้ายทิดคำศรี เด้อครับ ท่านเป็น ญาครู ทางด้านศิลปวัฒนธรรมคนอิสานยุ ส่วนผู้ได๋
อยากกินซุบบักมี่ กะเด็ดอยู่ต้นมาฝานต้มเด้อครับ ผมสิไปหาเก็บยอดขิง ยอดขมิ้น มากินนำดอก เอ้อ
ลืมบ่ได้แม่นผักอิเลิศ เนาะ คริ ๆ ๆ ๆ

[sompoi]

เอาไปเฮ็ดโพนเหล่นพะนะ..มะเว่าเป็นตาเหลือใจแท่ะ..อยู่นิละเป็นกระป๋องๆอยู่เว่ยน่อ..ฟาดมาทางพี้จักโพนแน่ะหนา....
ปล..ฮีตสิบสอง คองสิบสี่ อืห์มม เข่าท่าๆ อยากรุคือกันค่า เป็นวิทยาทานเนาะ...

[ตะวันนา]

...หวัดดีจ้าอ้ายชาย สำบายดีอยู่หรือบ่
เข้ามาพบมาพ้อ ถามข่าวอ้ายเป็นจั่งได๋
บ่พ้อดนเอาฮ้าย งานการหลายตี้คุณพี่
บ่คือคนทางนี้ บ่มีเวียกดอกเฮ็ดหยัง


.........บ่ได้พ้อกันนานเนาะอ้ายเนาะ....กะยังหล่ออยู่คือเก่า พะนะ อิอิอิ
เว่าเรื่องซุบหมากมี่ กะอยากกินนำเพิ่นเนาะเอือ้ยส้มเนาะ .......จักจานแหน่เด้อ คันเฮ็ดแล้วกะดาย อิอิอิ