ก้อยแมงระงำ

**ฅนภูค่าว** · 15-10-2012, 13:31

มื้อวานวันอาทิตย์ที่๑๔ ต.ค.๕๕ ซ่วงเซ่ายายหมั่นไทพี่น้องข่างบ้าน เลาไปหาส่อนกุ้งในหนองสา ได่ฮอดแมงระงำยายเลยเอามาให่ก้อยกินเข่าเซ่า

ออนซอนหลายใหม่ๆสดๆมีแต่โตงามๆไต่งอมๆยู... ก้อยแมงระงำ

ลุงหล่ายูบ้านกะเลยหาเครืองมาก้อยมี ซีหอม สะระแหน่ หอมเปล หอมหัวแดงหรือหอมต้นกะได่ (สูตรเดียวกันกับกุ้งเต้นหรือก้อยกุ้ง บ่มีหยังหยุ่งยาก)

เอาลงตำพร่อมกันในครกเลยใส่พริกเข่าคั่วบีบบักกอกใส่นำเติมน้ำปลาผงซูรสแล้วกะตำให่เข่าเครืองกัน บ่ต้องให่แหลกหลายกะได่

ซีมเบิ่งให่รสซาดถึกปากกะของ ตักใส่ถ่วยใส่จาน พร้อมที่สิจกเข่าเหนียวจ้ำแล้วบาดนี่

มาๆพี่น้องมาแซบนำกานนนน ก้อยแมงระงำ

ขอขอบคุณพื้นที่ บ้านมหาดอทคอม ที่ให่นำเสนอ ก้อยแมงระงำ และพี่น้องซุฅนที่เข่ามาซม

**เขมราฐ** · 15-10-2012, 13:42

แบบสด ๆ แบบนี้เลยติค่ะ โอ้ว แมงละงำเต้น

**พล พระยาแล** · 15-10-2012, 13:54

ว่าสิเอากะปอมดิบมาเฮ็ดแนวนี้อยู่ครับอ้าย แต่บ่ฮู้ว่าสิกล้ากินบ่บุ...ก้อยกะปอมดิบ....5555

**suny** · 15-10-2012, 14:02

มีฮอดบักกอกใส่เนาะครับเห็นแล้วคิดฮอดก้อยกุ้ง แมงละงำเอามาแกงใส่หน่อไม้ส้มกะแซบครับ

**ชิงช้าชาลี** · 15-10-2012, 14:07

คิดฮอดสมัยเป็นสาวซ่ำน้อยเด้ เอื้อยพาไปส่อนแมงละงำ มาป่นกินกับผักก่อนไปโรงเรียน

**บ่าวหัวเขียง** · 15-10-2012, 14:15

เห็นแล้ว...คึดฮอดสมัยอยู่บ้าน(ตอนเฮ็ดนา)...เนาะครับ

**สหายพง** · 15-10-2012, 14:22

เป็นตาแซบครับอ้ายแบบนี้ต้องมีของดับคาวเด้อครับ

**แหลวแดง** · 15-10-2012, 14:25

เคยกินอยู่คับ แซบคือป่นกุ้งหละ แต่ว่าเป็นโตน้อยเด้ โตใหญ่แบบนี้บ่ค่อยมี เพราะว่าม้นเกิดจากแมงอี่โปก(แมลงปอ)ตัวใหญ่ เดียวนี้หายากแล้ว เพราะว่าน้ำสะอาดให้มันวางไข่บ่มี มีแต่ยาฆ่าแมลง