หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

หัวข้อ: เมือยามบ้าน...ตอนของฝากจากท้องนา

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    มีรูปภาพประกอบ เมือยามบ้าน...ตอนของฝากจากท้องนา

    ธุจ้า สวัสดีพี่น้อง ชาวบ้านมหา และพี่น้องบ้านเฮา เมือยามบ้านเทื่อนี้กะ เพราะว่ามีภารกิจรับใช้ชาติ(เว้าให้ดูดี) เมือยามบ้าน...ตอนของฝากจากท้องนา

    ไปใช้สิทธิ์ตามหน้าที่ของพลเมืองที่ดี เลือกตั้ง อบต.(พี่น้องลงสมัคร) บ่มาแพ้เขาใด๋...ไทพี่น้องฝากมาบอกว่า ฮ่าๆๆๆ ย้าแพ้เขากะเลยเมือซั่นเด้

    เมือยามบ้าน...ตอนของฝากจากท้องนา

    เมือบ้านแต่ละเทื่อกะบ่ลืมที่จะเก็บภาพ บรรยากาศอิสานบ้านนา บ้านทุ่ง ตามแบบฉบับ ชาวนาชาวไฮ่มาฝากพี่น้อง คือเก่าคือเดิมจ้า

    เมือยามบ้าน...ตอนของฝากจากท้องนา

    เมือยามปลายฝนต้นหนาว แบบนี้ แนวกินค่อนข้างมาก ถึงมากที่สุดเมือยามบ้าน...ตอนของฝากจากท้องนา ทั้งใต้น้ำ และ พื้นดิน

    ปลาซิว ปลาน้อย จากน้ำข่อนในแจ่งนา ก่อนที่ พายุแกมี จะ ถล่ม ฮ่าๆๆๆ เห็นมีแต่ลมหนาว

    เมือยามบ้าน...ตอนของฝากจากท้องนา

    อิปูนา หาหย่างเลาะจับเอาตามหม่องน้ำไหล คันแทขาด

    เมือยามบ้าน...ตอนของฝากจากท้องนา

    ปลาเข็งน้อย น้ำข่อน เลือกไว้ ปิ้งกินกับตำบักถั่วปี

    เมือยามบ้าน...ตอนของฝากจากท้องนา

    ปลาข่อน้อย เลือกไว้หมก ใส่ ผักขะแยง หอมๆ

    เมือยามบ้าน...ตอนของฝากจากท้องนา

    แผนกย่างปลา กะ ย่าง ลักเอาหมกไป ไปแจมนำ ค้านดังไฟใหม่ เอิ้กกก

    เรื่องกลิ่นบ่ต้องเว้าถึง...ไทบ้านผ่านไปผ่านมากะ เอิ้นถาม(ดังไฟย่างกันหน้าเดิ่นเฮือน)

    เมือยามบ้าน...ตอนของฝากจากท้องนา ไทเฮือนนี้ เฮ็ดหยังน้อ มาคือหอมแท้ ... เผิ่นว่า

    เมือยามบ้าน...ตอนของฝากจากท้องนา

    ทางย่างกะย่างไป ทาง ไปหาแนวมา ตำส้มกินเที่ยงกะหย่าง เลาะออกหลังบ้าน

    เมือยามบ้าน...ตอนของฝากจากท้องนา

    เลือกเอา ระหว่าง บักฮุ่งกับบักถั่ว อยากกินหยั๋ง(ถามใจเจ้าของเอง) ตกลงกินตำบักถั่ว...ของโปรด

    เมือยามบ้าน...ตอนของฝากจากท้องนา

    เหลียวไปเห็น หมากอั่นนี้ คุ้นๆ แต่เด็กน้อยเคย เก็บไปคั่วกิน ยามนั่งผิงไฟตอนเช้าๆ

    เมือยามบ้าน...ตอนของฝากจากท้องนา

    แนมเบิ่งท่งนายามนี้ มันเขียวขจี สบายดี อิหลี อีกบ่ ดน จากท่งนาสีเขียว จะกรายเป็นสีเหลืองทอง

    ใกล้ได้เวลาหอมกลิ่นข้าวใหม่ อีกแล้ว เผลอแปบเดียว จากปีใหม่ จะ ใกล้สิ้นปีอีกแล้ว อิหยังหลายๆอย่างกะยังเป็นอยู่คือเก่า

    บ่เกี่ยวกับปีกับเดือน เน๊าะพี่น้อง สู้ต่อไปกับชีวิต คนไกลบ้าน...

    เมือยามบ้าน...ตอนของฝากจากท้องนา

    ทิ้มท้ายทริปนี้ ด้วย ภาพข้าวกำลังออกฮวง อีกบ่ดนจะได้กินข้าวเม่า แล้ว ถึงจากบ้านมาได้บ่จักมื้อ

    แต่...ใจกะคิดฮอด อยู่คือเก่าละ เมือนอนบ้านเทื่อละ สองสามมื้อกะเอา เมือยามบ้าน...ตอนของฝากจากท้องนา

    ความจำเป็น หน้าที่การงาน เฮ็ดให้จากบ้านเกิดเมืองนอน หม่องมีอดีตและความสุข ความทรงจำ ... เมือยามบ้าน...ตอนของฝากจากท้องนา

    เมือยามบ้าน...ตอนของฝากจากท้องนา

    :*- พื้นที่เวปบ้านมหา ที่เอื้อเฟื้อสถานที่ ธุจ้า พี่น้องที่แวะมาเยี่ยมชมกะทู้ จ้า พ้อกันใหม่ กะทู้หน้าเด้อ :l- จะพาไปเบิ่งหมูน้อยคลอดใหม่ๆ


  2. #2
    ศึกษาหาความรู้ สัญลักษณ์ของ สุดสาคร
    วันที่สมัคร
    May 2012
    กระทู้
    237
    คิดฮอดบ้านหลายเด้ครับ บาดเนี่ย ขอบคุณหลายๆที่เอาบรรยากาศดีๆมาฝาก หมกปลาสุกแล้วกะมาซิมนำจักคำแนเด้อครับ เอาหละใกล้ปีใหม่แล้ว ใกล้ใด้กลับแล้ว

  3. #3
    อยากกินหมกปลาเนาะค่ะ ข้าวเหนียวฮ้อนๆ หอมๆใบผักอิตู่แซบอิหลีเด้อ อิอิ
    LET IT BE...

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    อุดมสมบูณร์คักเนาะทางสีเกดกะได๋อยากกินหมกปลาสะออนหมากหุ่งเพิ้นเนาะบ่แม้นเป็นแต่ขี่ดินพุ้นบ้อขึ่นไปจังแม้นดกหลายคักยุของอยู่ของกินอยู่ใสกะคันปลูกไว้เนาะบ่อึตแต่แนวกิน:*-:*-

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    หมกสูงปานนั้นสิบ่เป็นอาหารชั้งสูงติหล่า555

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    อยากกินหมกปลาเล็กปลาน้อย ให้แคลเซียมสูงกระดูกแข็ง....

    อ้ายเคยหมกปลาไว้แนวนี้ล่ะ หันหลังให้ หมาคาบไปกินจ้อย แล่นนำคุบเอากะบ่ทัน...

    นี่คือลูกเดือย บ้านเฮาเอิ้น "บักเดือย" เด้อนาง

    แก้ไขครั้งสุดท้ายโดย พล พระยาแล; 16-10-2012 at 09:01.

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    :*- ทุกการเยี่ยมชมเด้อจ้า

    ใกล้ฮอดเทศกาลเมา อีกแล้วเน๊าะ จ้าอ้ายสุดสาคร บอกอิพ่อใส่เหล้าสาโทไว้ถ่า ได้แล้วเด้อ เตรียมการแต่ เนินๆ ย้านบ่ทันเผิ่น ฮ่าๆๆ

    เอ่อ คือว่า มันแซบอิหลี เด้อจ้าแม่ป้า เว้าเรื่องแนวกินพื้นบ้านอิสานเฮาแซบสุแนว เน๊าะจ้า อิอิ


    :l- อ้ายนัฐ บักละกอ หรือบักฮุ่ง ที่จริงมีหลายต้นยุจ้า แต่มันโค่นจะเบิ้ด ย้านว่าหนักหน่วย เสียดายยุ๊ เหลือ พอได้ตำ 2-3 ต้นนี้ละจ้า

    ท่านฟี่หาย หมกปลาที่เห็น มันสุกแล้วจ้า เอาค้าง ไฟไว้ชื่อๆ เขาเอิ้น เตาไมโครเวฟ พื้นบ้านเด้ฮั่น

    ซั่นละ อ้ายยพล หมกปลาไว้ละ บ่เบิ่ง คาตะ แนมผู้สาว มือดีเลยลักไป รับทาน ตามระเบียน

    :*- บักเดือย ติ คึดพ้อแล้ว ขอบคุงจ้า

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    สังเกตุเห็นหลายกระทู้แล้วของพี่น้องทางอิสานใต้นิ
    อุดมสมบูรณ์อิหลีเนาะค่ะ
    ออนซอนนำเพิ่นซั่นดอกหว๋า.. :b-b
    มองต่าง..อย่างปลง

  9. #9
    แบ่งปันความรู้และประสบการณ์ สัญลักษณ์ของ paula
    วันที่สมัคร
    Aug 2008
    กระทู้
    356
    ปูน้อย เป็นตาเอามาลาบเนาะน้อง ลาบปู ยอดกระถิน เข้ากันคัก

  10. #10
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    380
    ออนซอนนำเนาะ ดีแล้วครับกลับบ้านยังมีบรรยากาศแบบนี้ให้เบิ่ง บ้านผม กลายเป็นสวนอ้อย สวนยางเบิดแล้ว ได้อาศัยเบิ่งรูปนำพี่น้องบ้านมหานี่ล่ะครับ

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •