:,1- สวัสดีจ้า พ้อกันอีก เทื่อกับ ช่วงเมือยามบ้าน หลังจากที่เสร็จภารกิจต่างๆทางบ้าน
กะได้เวลาแปลงกายเป็นคนเลี้ยงหมู ตามก้นพ่อ ขึ้นไปไฮ่ไปสวนแต่เช้าๆ เกือหมู ตามปกติ จ้า
เมือยามบ้านเทื่อนี้ หมู อิพ่อเลาขายออกเกือบเบิ้ด เหลือ สองคอก ที่ยังบ่ทันพอส่งเขียงหมู พึ่งจะได้ 70 กั่วโล พะนะ
จะเหลือแต่ พ่อแม่พันธุ์ ที่ต้อง ดูแลเอาใจใส่ อย่างดี
หมูนอนเวน
กะถือว่าเป็นช่วงพักคอก ชำระล้างและกำลังเชื้อโรค ก่อนที่จะเอา หมู ล๊อตใหม่มาลงอีกและ คนเลี้ยงกะได้พักเซาเมื่อยนำ จ้า
แต่... กะ เป็นคนโชตดี ที่ ได้เห็น หมูน้อย พึ่งคลอดใหม่ๆ บ่ทันพออาทิตย์ 14 โต
กำลังตาฮัก :l-
ซุมดื้อกะดื้อคัก บ่อยู่ชื่อๆ
ตื่นมากะหิว ตามประสาเด็กน้อย
และโชคดี ได้เห็น หมูออกลูก แบบบ่ต้องเซนเซ่อร์ แต่ ขอเซนเซ่อภาพบางตอน เพราะว่ามันบ่เป็นตาเบิ่งปานใด๋
โตนี่เผิ่นน่าจะ ออกมาก่อนหมู่ หิวโลด ตาบ่ทันได้มืน ยู๊ หมูแม่นี้ได้อีก 11 โตจ้า สมมบูรณ์ดี ทุกโต
รอพยาบาลวิชาชีพ(เลี้ยงหมู) มา ตัดสายดือ และ ตัดหาง แกะเล็บ
คนเว้ายุ๊ นี้เฮ็ดบ่เป็น ยืนเบิ่งให้กำลังใจอย่างเดียว จ้า
จากนั้นกะ ไปหย่างเลาะ เบิ่ง สวนยาง ยามสีเขียวๆ จักกะหน่อย มีวางท่อน้ำ เพื่อยามหน้าแล้ง สูบน้ำฮดตลอด
อ้ายภูค่าว บอกว่า ยางถ้าเอามือโอบบ่หุ้มต้น กะ ถือว่า พอกรีดได้แล้ว กะเลยเอามือไปโอบเบิ่ง บ่หุ้มอิหลี
แต่ อายุยาง ยังบ่พอกรีด รออีกจักปีก่อน ย้านต้นยางบ่แข็งแรง ให้น้ำยางบ่หลายคือไทบ้านเผิ่น
ขากลับลงมาจากสวนยาง กะ แวะ ยามผ้ากะแย่งต่งปลาในห้วยน้อยๆ พอเอ๊าะเจ๊าะ เทื่อได้ หมก
หากินหมานยุ๊เด้ เฮา พะนะ ฮ่าๆๆ
เหลียวเบิ่งข้าวท่งนานี้ เป็นตาได้เกี่ยว ยุ๊เด้น้อ เพราะว่า ฝนแล้งไปช่วงหนึ่ง เกือนตายเบิ้ดข้าวกะดาย
เห็นไฮ่มันละกะ คึด พ้อ พายุแกมี สามาพร้อมกัน กับยาม แบกมันออกจากไฮ่แท้ละน้อ
แต่โชคดี ที่ แกมี บ่กล้าผ่าน ไปทางสีเกด เพราะว่า มีแม่แล้ง เมือยามบ้าน
เมือยามบ้าน เทื่อนี้ สีเกดอุดมสมบูรณ์ พอสมควร
แต่ถ้า ย้อนเวลากลับไป จัก 20 ปีก่อน จะมีป่าดอกกระเจียว ป่าเห็ด
หม่องเลี้ยงงัว เลี้ยงควาย ถนนหนทาง ยังเป็นแบบทางเกวียน
ธรรมชาติ ยังบ่ ถืกทำลายโดย การถางปลูกพืชเศรษฐกิจ อย่าง มันสัมปะหลัง กับ ยางพารา
จะเฮ็ดแค่ ไฮ่ปอ(ปอป่าน ปอแก้ว) เลี้ยงงัว เลี้ยงควาย เฮ็ดนาเป็นส่วนใหญ่
วิถีชีวิตจะยังคงความสวยงาม ตามแบบอิสานบ้านนอก ไร้เทคโนโลยี่ เครื่องจักรกล
เด็กน้อย ได้เล่นน้ำ ตามท้องไฮ่ท้องนา คูคลอง ได้หาปู หาปลากินตามประสา
บ่เคยฮู้จัก เลย ไก่ KFC พิซซ่า หมูสะเต๊ะ เป็นแบบใด๋ เคยได้กินแต่ ไก่ย่าง ปิ้งแหมๆ ปิ้งปลา
ดนๆจะได้กิน เนื้อหมู (เฉพาะยามบุญ) เนื้องัว ...ของทะเลแทบจะบ่ฮู้จักรสชาต
สวรรค์ของเด็กน้อยกะคือ ดนๆได้เข้าเมือง ไปซื้อของ(ปีหนึ่งมีสองเทื่อ เปิดเทอมใหม่ กับ ขายข้าว)
อย่างหนึ่งที่ ขาดบ่ได้ ที่ได้เข้าเมือง กะคือ แอ่วแม่กินลูกชิ้นปิ้ง และ ขอซื้อกลับมากินบ้าน จักถุง รางวัลสำหรับเด็กน้อย บ้านนอก ตาดำๆ
สุดท้ายนี้ ขอขอบคุณพี่น้องที่แวะมายามกระทู้ อาจจะซ้ำเนือ้หา หรือ เคยลงไปหลายเทื่อแล้ว แต่กะอยาก นำเสนอ ในมุมมองที่ต่างเวลา กัน
ธุจ้า ลาไปก่อนสำหรับ มื้อนี้ พ้อกันใหม่ เด้อจ้า สวัสดีจ้า....:*-
Bookmarks