อยากกลับไปยูบ้าน

[สุดสาคร]

เนื่องด้วยสุดสาครใด้อ่านกระทู้ของเอื้อยอ้ายหลายๆคนแล้วและใด้เห็ภาพ ท้องทุ่งนาไร่ กะทำให้หวนมาคิดว่าปานใด๋จะใด้กลับเมือไปยูบ้านน้อ
ภาพแรกนี่กำลังคิดว่า เอ...จากบ้านมาทำงาน ตั้งแต่ พศ.2547 ตอนนี่ 2555 กะเป็นเวลา 8 ปีแล้ว บ๊ะ....อดสาอีกจักนอย อิอิ:l-
แล้วกะนี่อีกภาพ คิดว่าอีกบ่อหน่าเกิน 8 ปีกะสิกลับเมือไปยูบ้าน ตอนนี่กะเริ่มปูทางไว้แนแล้วครับ เวลาดูจากรายการทีวี หรือ กระทู้อ้ายเอื้อยนำมาโพสเกี่ยวกับชีวิตลูกทุ่งท้องนา ผมคนนึงหละครับมักอ่านและเบิง เบิง แล้วเบิงอีก คิดอยากกลับไปยูบ้าน

แล้วผมกะขอถามอ้ายเอื้อยที่จากบ้านมาทำงานคิดคือผมบ่อครับ ว่าอีกนานแค่ไหนถึงจะใด้กลับไปยูบ้านเกิดเมืองนอน ใช้ชีวิตเรียบง่ายหนีจากสังคมที่ แออัด รถติดๆ มลพิษมากมาย เฮ้อ.....กลับไปสู่อากาศที่ดีๆ ใด้ยูกับพ่อแม่พี่น้อง บ้านเฮาครับ
ปล. เบิงจาก แอ๊กติ้งแล้วเป็นตาไปเป็นพระเอกหนังใด่บ่อครับ เอิ๊กๆ

[lungyai1123]

การดพสต์ในบ้านมหานั่นน่ะบางครั้งกะเป็นการโพสต์หลังจากเพ่นกลับไปยามทางบ้านนอกเฮาพุ่นหละแล้วกะเอามาโพสต์.เพราะส่วนมากเพิ่นกะซื้อบ้านหรือมีที่ทางอยู่ทางกทม.แต่กะมีบางคนที่เพิ่นสิมาทำงานเป็นข่วงๆแล้วกะกลับไปบ้านเฮา

[ไก่น้อย]

ผจก เพิ่นห้ามลอกพาสติกออกติหล่า เก้าอี้แมะ ฮ่าๆๆ ปานเล่นมิวสิคเหว่ยเนาะ

[ณัฐ ภูไท]

ยังหนุ่มยังนอ้ยยุอนาคตยังสิก้าวหน้ายุผัดคืออยากหวนคืนกลับไปอยู่บ้านแล้วน้อแต่กะคือสิแม้นแค่ความคึดเนาะเวลาเห็นเพื่อนๆๆโพสต์รูปทางบ้านเฮาให่เบิ่งกะมีความคึดว่าสักมื้อเฮากะคือสิกลับไปใช้ชีวิตอยู่กับไฮ่นา อ้ายกะคือกันเห็นรูปบ้านทุงนากะคึดว่าอยากกลับเมืออยู่บ้านกะว่าสิกลับสุปีแต่กะบ่ได้กลับจักเทื่อจน 21ปีแหล่วอยู่เกาะญี่ปุ่นนั้นคือผุได๋กะคึดคือกัน

[หนึ่ง]

อั่น ตอนถ่ายรูปแหมะบ่อมีหม่องวางมือติ 555 ชูสองนิ้วกะบ่อน่าเกลียดเด้อ ไคกว่ากุมยุ อิอิ แซวเล่นจ้า พอแก่แล้วก็เริ่มคิดอยากกลับไปอยู่บ้านเป็นธรรมดาเนาะ

[คนตระการ...]

ผมกะได้เมือแต่ยามวันหยุดครับ เมือดู๋ๆๆ ครั้งล่าสุดกะเมือไส่เบ็ด ครั้งก่อนกะเมือกับพี่น้องบ้านมหา เข้าพรรษา...บางคนเห็นกะทู้ผม ว่าแม่นผมอยู่บ้าน ..

บ้าน กับ กรุงเทพ สำหรับผมบ่อได้ไกลกันเลย
นั่งรถทัวร์พอตื่นขึ้นกะฮอดบ้านแล้ว
อยากเมือยามไดกะเมือ นั่งรถทัวร์จั่งประหยัด นอนบ้านคืนเดียวกะได้..

กะอยากไปอยู่ตลอดอยู่ดอกครับ แต่..การหาเงินหาทองบ้านเฮาสิยากกว่ากรุงเทพ
บ้านกะอยากอยู่ เงินกะอยากไช้ มันยากนำแนวนี้ละ
กะเลยได้อยู่แบบนี้ไปก่อน 5555

อีกอย่างกะคือว่า ยังมักแสงสีอยู่ คิดฮอดปั้มฮ้างกะปานนั่น 555

[คนจนผู้ยิ่งใหญ่]

ท้องไฮท้องนาตอนนี่หอมข้าวไกล้ถอกบรรยากาศเย็นสบาย ชีวิตบ้านนอกม่วนหลาย

[ชิงช้าชาลี]

มาเด้อไทยโส กลับมาอยู่บ้านเฮาเด้อ จะพาไปลงแขกเกี่ยวข้าว ตีข้าวลาน หาลักปลาข่อน กินตำบักหุ่งเฮิ่ม อิ่มแล่วกะนอนเว็น (อารมณ์สุนทรีย์ของพู่เพิ่งอพยพมาอยู่บ้านนา)

[หนุ่มลาวสาวขะแมร์]

ค่าใช้จ่าย ค่าครองชีพ ในเมืองหรือบ้านนอก สู่มื้อนี่บ่ลืนกันเนาะครับ แพงสู่หม่อง

คืออ้ายคนตระการ วาฮั่นละ บ้านกะอยากอยู่ เงินกะอยากใช้

อดสม อดสา หาเงินไปจักว้างสาก่อน แล้วค่อยตามเอื้อยอ้าย ชิงช้าชาลี ไปเนาะเฮา

[paula]

อ้ายณัฐ,เอ๋ คนตระการ ปุ้ยขอหัวซือๆ


เอื้อยก็คิดว่าจะกลับไปอยู่คือกันหล่ะ หม่องอยู่ที่คิดไว้ในใจตอนนี่ก่ามี หัวหิน เพชรบุรี
ปากช่อง เขาใหญ่ และจันทบุรี จะไปปลูกเงาะกับทุเรียน 5555+