ต้นกุ่ม ผักก่ามบ้านเฮา

[หนุ่มลาวสาวขะแมร์]

ต้องขอโทษพี่น้องและอ้ายๆ เวบมาสเตอร์ หลายๆ เด้อครับ

ผักกุ่มน้ำ หรือผักกุ่ม ผักก่าม อันเดียวกันนี่ละ เอื้อยใบไม้สีชมพู เพิ่นลงต๊ะไว้โดนแล้วเนาะ
อยู่หน้า ผักสวนครัวรั้วกินได้ ผมบ่ทันได้เปิดหาเบิ่งคัก กะขออนุญาตลงซ้ำไว้หน้าต้นไม้ต่างๆ อีกหม่องนึงเนาะครับ

เน้นเบิ่งรูปกะแล้วกัน ส่วนเนื้อหากะหน้าพู้นละ

[จ่ายงค์ อุดร]

อ้ายบ่าว ฝากมาทางพานทองชลบุรีแนะครับ ผมสิเอาไปปลูกอยู่บ้าน จำได้ว่ากกอยู่บ้านดับแนวแหล่วครับ ตะคราวเป็นเด็กน้อยเคยปีนเก็บให้แม่เพิ่นเฮ็ดส้มอยู่ครับ

[paula]

บางกระทู้เนื้อหาบ่ครบน้องก็เอามาลงซ้ำดีมากเลยจ้า เพื่อเอาไว้ให้น้องๆนักเรียนเข้ามาเบิ่ง และอนุรักษ์ไว้ให้คนรุ่นใหม่ได้เบิ่ง ได้เห็น
สมัยนี้เบิ่งแต่ต้นแมคโดแนล ต้นเคเอฟซี ต้นเอ็มเค

ทางโคราชเอิ้นว่า บักก่าม แม่พี่มักหลายเก็บมาดองกินกับแจ่วปลาป่น (ปลาแห้งตำผสมกับพริกผง)


ตอบเรื่องภาพไม่เท่ากัน เพราะว่า
- ถ้าเป็นภาพแนวตั้ง เวลาเฮาย่อ 700 จะเล็กคะ พี่ย่อ 900
- ภาพแนวนอน ถ้าปกติ ไม่ตัด ไม่คอป ย่อแล้วเท่ากันหมด
- ถ้าภาพตัด ภาพตัดดอกก่าม เวลาตัดต้องกะดีๆ เวลาย่อมันจะบ่ทอกันคะ

[คนตระการ...]

ผักก่าม แต่ก่อนอยู่ทางบ้านเพิ่นสิเอามาคั้นส่ม เอื้นส่มผักก่าม
ทุกมื่อนี่บ่อค่อยเห็นละครับ ถ้าบ่อเห็นกะทู้นี้กะคงลืมแล้วละผักอันนี้

นี้ละเพิ่นว่า ...ขอเก่าบ่อเล่ามันลืม..

[เซียงสีผีเป้า]

ยุเดิ่นบ้านมีต้นนึงคับ พอได้คั่นส่มไปวัด เทิงยอด เทิงดอก หน่วยน้อยกะเอามาดองส่ม กินกับป่นกะได้

หน่วยสุกสีส้มหรือ สีแดง เนื้อในรสชาติหวานปนแสบๆลิ้น กินไปตามกะเยิมเด็กน้อยบ้านนอกครับ

[หนุ่มลาวสาวขะแมร์]

เมือบ้านเทือนี่ เห็นหน่วยผักก่ามน้อยพอดีครับ
เบิดต้นเหลืออยู่ห้าหน่วย ผมนำมาตื่มให้พี่น้องเบิ่ง







นี่ละครับหน่วยผักก่ามชนิดใบใหญ่ ตามที่อ้ายพี่เซียงสีฯ เว้า หน่วยน้อยๆ ท่อบักนาวน้อย




เนื้อนวลข้างในครับ




ในหรือเมล็ด คล้ายกันกับบักหอยคัน ขนาดท่อหัวเข็มหมุด

[เซียงสีผีเป้า]

บักก่ามสุกยามนี่หลายคัก

ขอบคุณที่พยายามเอารูปแนวนั่นแนวนี่มาสู่เบิ่งครับ สุดยอดอิหลีครับ

นี่ถือเป็นการเก็บบันทึกข้อมูลอย่างนึง ซึ่งคนไทยบ่ค่อยเฮ็ดมีแต่จำเอาแล้วกะเว่าต่อๆกันมา บางอย่างกะลืม กะสูญหายไปตามกาลเวลา

แต่แบบนี้ถึงสิโดนไปกะยังให้คนรุ่นหลังได้มาเปิดอ่าน เห็นรูปพ่อม

ขอบคุณจากใจครับ

[หนุ่มลาวสาวขะแมร์]

ปีใหม่ผักก่าม(กุ่ม) ดอกแก่แล้วและเป็นหน่วยน้อย






ส้มผักก่ามกับป่นปลาใส่งายผิงแดดครับ

[หนุ่มลาวสาวขะแมร์]

ไปพ้อหน่วยผักก่ามสุกเหิ่ม สีงามๆ เอามาให้เบิ่งอีกครับ