อยากซวนหมู่เจ้า มาเว้าต่อกลอนผญา คันไผแน่เข้ามาแหมเข้ามาว่า

NONGNAN · 13-08-2007, 08:45

สาวอุบล คนไกลบ้านมานั่งอ่านคำผญา
ย้อนคิดนำจำนรรจา จั่งหันมาจาเว้า
ผญาเฮายังบ่เศร้า ยังบ่เหงาได้ม่วนอยู่
น้องสาวหล่าคนผู้ฮู้ ขอกระจายเสียงมาเสริมส่อง
คันหม่องได๋บ่ ถูกต้อง กะซ่อยแต้มตึ่มแนเด้อ
บัดลังเทื่อตกสะเพ้อ ยามน้องกลั่นเป็นวาจา
จ่ายผญาเป็นคำกลอนมาวอนแฟน ในวันนี้
เสียงเสียงดี น้องสาวหล่า มาแล้วเด้อพวกคุณพี่
คิดฮอดหลาย ดี้ ดี้ จั่งได้ฟ้าว ดอก แล่นมา......

**ศรีสะท้าน** · 13-08-2007, 10:54

@ พอแต่ไขปักตูบ้าน เสียงหวานๆสาวแนนน้องออกมาเอ่ย มาเฉลยหน้าฮ้านให้มวลท่าน ได้อ่านกลอน
ฟังผญาออดอ้อน ออนซอนส่วงดวงจิต เชิญสหายมวลมิตร หลั่งมาโฮมเต้า
อ้ายทิดศรียังมาเฝ้า เฮือนมหาบ่อป๋าออก มาจาหยอกกล่าวต้าน พระคุณท่านจงรับฟัง เอาแหลว ข่าน้อย ฯฯฯ

เซียงข่อล่อ · 13-08-2007, 16:27

พอแต่เปิดผ้าม้านกั้งนั่งจ่อคอหน้าเวที ออนซอนสาวผูดีสาวผูมีผญาต้าน
ฟังคำหวานออดอ้อนออนซอนหลายแท้น้ออุ่น อยากขอยืมตักหนุน อยากขอเข้านั่งใกล้สิพอได้แน่บอน้อ........

maxlinee · 13-08-2007, 17:18

เข้ามาเบิงสาก่อน ถ่าความคิดจักคาว

**ทองคำ** · 15-08-2007, 00:23

เติมบทกลอนลงในเรื่อง ให้เป็นเรืองนำเสนอ
ตกละเมอในความฝัน คิดกระสันต์สิเป็นบ้า
ยินเสียงวาจาต้าน เสียงหวานๆสาวนางหล่าออกมากล่าว
ซุมผู้บ่าวหน้าฮ้าน ทะยานเต้นจนคุบดิน
ย้อนว่าใจถวิลน้อง ทองคำปอนก้อนน้ำคั่ง
สาวคำนางหยาดย้อย แนนหล่า ว่าจั่งได๋ น้องสาวเอ้ย............

**ตะวันนา** · 16-08-2007, 15:01

สวัสดีเด้อพี่น้อง อ้ายพี่อาวอา ผู้เข้ามาอ่านผญา ผู้เพิ่นมาเว่าแก้
เป็นจั่งได๋มาม่วนแท้ คิดฮอดนางแหน่บ่หน่อ อ้ายคำศรีรูปหล่อ อ้ายโจ่โล่คนโก้ บ่โสถิ่มแม่นจักคน
สาวน้องแนนคนสวยล้น คิดฮอดเอื้อยบ่น๊ออุ่น อ้ายทองคำผู้จุ้นพู่น คิดฮอดนางบ้างหรือไม่ คนไคเอ้ยได้จ่มหา
คิดฮอดหลายอยากเว่าจา อยากเข้ามาคุยให้ม่วน ย้อนการงานยากหลายล้วน บ่หวนให้ได้พบเห็น
ย้อนว่าความจำเป็น หรือเป็นหยังบ่ฮู้แหน่ ...แต่ว่าคิดฮอดแท้..แท้ คิดฮอดซุมหมู่เจ้า ผู้เคยเว่า..ม่วนกัน.... ซั่นดอกหวา..

**ศรีสะท้าน** · 16-08-2007, 16:21

@ อ้ายมักแฮงความจาเว้า เอาความจริงมาเผยแผ่ นางมาเว้าถืกแท้ ว่าศรีอ้ายหล่อเหลา
คนตาถึงแบบเจ้า หายากเด้นาง มีแต่สาวตาฟาง บ้านมหาหลายล้น
มีแต่คนตาเซ่อ บ่อคือเธอคนขอนแก่น สาวกะสินกะแสน ซุมเว้าแปนหมู่นั้นบ่อทันเจ้าเรื่องเว้าจริง ฯฯฯ
....แม่นอยู่ดอกหล่า มีเจ้านี้หล่ะ สาวขอนแก่น ที่เว้าความจริง สาวทางกะสอก กะสิน บ่อค่อยมีคนเห็นภาพสังข์ทองในรูปเงาะดอก ตาจาว จั่งเจ้านี้หล่ะ เขาจั่งว่า คนตาถึง

**ไก่น้อย** · 16-08-2007, 16:35

โอ่น่ออ้ายเอ้ย บ่าวผุดีค้างบ้าน คางย่าน แก่มบั๊ม กินข้าวกับหยังน่ออ้ายจั่งหล่อล้น บ่เอาไผ (โอ๊ะ บ่มีไผเอา 555+ )

**sompoi** · 16-08-2007, 16:42

อะเฮ้ยย..บาดสิว่า...เห็นน้องเพิ่นย่องถืกคิงเพิ่นคักหลาย..ตาจาวพะนะน้องแก้ม..เอิ้กๆๆ.(.สาวทางกะสิน พอฮุจักเด้อน้องไก่ กะสอก กับ กะแสน นิทางได๋ใกล้กับกะสิน บ่อหน่อ?? :P)

**ไก่น้อย** · 16-08-2007, 16:45

ไคแน่ตะไปหาย่อง หามักไทต่างบ้านดอกเอื้อยมิก เมามาแล้วป่วงเคยเห็นบ่พี่น้อง ฮ่าๆๆๆ ..

ปล..เว่าดี ดี เด่ยอ้ายศรี ฟามลับเจ้าข่อยกำไว่เมิดแล้ว ... อย่าน๊า ..555+