อยากซวนหมู่เจ้า มาเว้าต่อกลอนผญา คันไผแน่เข้ามาแหมเข้ามาว่า

[ตะวันนา]

หึยยย..เว่าคือหลายน้องแก้ม...ซังคนเด้น้อ..มะเหงกลงป๊อกนึง..

..........เอื้อยส้มกะดายเนาะ.....มะเหงกลงหัวน้อง กะสิบ่เยี่ยวใส่บ่อนซะบ่น๊อ...
.(แฮ่งขี่คร้านซักผ้าปูอยู่แหม) อิอิอิ ซ่อยกันดมเด้อเฮา.....อิอิอิ

[เซียงข่อล่อ]

ป้าด...............
เอื้อยแก้ม .........เอิ้นส่มป่อยว่าเอื้อย สั้นติ
โอ้ยบัดที่เนี้ย หลานเซียงข่อล่อผิดไปแล้วว

[ตะวันนา]

ป้าด...............
เอื้อยแก้ม .........เอิ้นส่มป่อยว่าเอื้อย สั้นติ
โอ้ยบัดที่เนี้ย หลานเซียงข่อล่อผิดไปแล้วว

.....น้องหล่าเอ๊ยยย......อันว่าเอื้อยส้มป่อยนั้น เลามีดีอยู่ในตัวเด๊คำ
มีความงามคมขำ รำกะสวยอีกซ้ำ คำเว่ากะม่วนหลาย
มีรูปกายชดช้อย เป็นกลอยใจซุมผู้บ่าว
หน้ากะเด็กใจกะสาว ซุมผู้บ่าวกะหลงฮัก..บ่มีเว้น
เป็นขวัญใจผู้ข้า ทั้งขวัญใจบ้านมหา..เป็นสาวส่าในบอร์ดม่วน
เอื้อยพูดจริง..ล้วน..ล้วน..........คันบ่เชื่อเอื้อยแก้มเว่า....ให้ถามเลาเบิ่งเด้อ...หล่าชายเด้อ...

.....................คนงามไผกะมักเนาะเอือ้ยเนาะ หน้าเด็กหลาย...จนเดะน้อยมักแหล่ว...แม่นบ่จ้าเอื้อยส้ม ............. 8) 8)
(ย้องไทเดียวกันกะเป็น...เฮากะดาย ) อิอิอิ

[น้องแพรจ้า]

งามสองคนหล่ะน้อเอื้อย ผู้ยิ้มหวานเอื้อยส้มป่อย ผู้น่ารักบ่น้อย แม่นเอื้อยแก้มกะซ่างเป็น
ผู้ได๋เห็นกะหลงเจ้า หลงบ่เซาเว้าบ่เบื่อ ทางคารมณ์กะคมเหลือ บาดใจบ่าวซ่ำน้อย เจ็บจ้อย ๆ แม่นบ่น้อ
น้องมาขอบรรยายไว้ ขอชื่นชมจากหัวใจ ว่ามักหลายคำเว่าม่วน
จึงได้ขอเชิญชวน ขอให้มวนมิตรพี่น้อง มาจองเจ้าเว้าผญา
เอื้อยส้มป่อยคนสวยล้ำ อยู่ประจำบ้านมหา หน้าจินตะกวีม่วน
เอื้อยแก้มแดงกะเชิญชวน อยู่ผญากวีพร้อม ให้ยอมเว้ากันเบิ่งเด้อ.........เอื้อยอ้ายเด้อ

[ตะวันนา]

........ป๊าดดด น้องแพรเว่าหวานเว่าเป็นเนาะ.....กะซั่นกะงามทั้งสามคนละเนาะน้องหล่าเนาะ บัดนี่ อิอิอิ

[Noom-noi]

อั่นผญาว่านั่น กะคื่อจั่งกับบทกลอน...เด๊เนาะ
ซ่างเป็นตาออนซอน ปู่ย่าสอนถิ่มไว้ไห่ ลูกหลานได้จ่ายแสดง
บ่ว่าหนาวฮ้อนแล้ง กะได้แบ่งบทกวี ทั้งพระเถรเณรชี กะฮ่อนมีผญาฮ้อง
เป็นครรลองให้ยึดแหน่น เป็นสายแนนใยงต่อ จนกระทั่ง...บ่าวหนุ่มน้อย...ได้มาพ่อ... สหายจ้อในบ้านมหา...นี่แล่ว

...........................ขอฝากโตจักคนเด้อ.........พี่น้องเด้อ......

[เซียงข่อล่อ]

อันว่าคนเฮานั้น ผูเป็นแถนปั้นแด่ง เผิ่นบ่แบ่งชาติเชื้อเฮานั้นอย่าว่าหลาย
คันบ่ตี๋บ่ฮ้าย ว่าหลานซานเกิดบ่ท่อ เกิดมาลุนได้มาพ้อ ขอเจ้าได้กล่าวจา
อันว่าโตผูข้า บ่เกียงเรื่องอายุ ให้แต่ว่าเอื้อยดุ เอาผญามาเว้า ซอนเข้าใส่กัน
ความสัมพันธ์สิคงหมั่นพันปีบ่มีขาด หากมีวาสน์คงสิได้ เคียงคู่สู่ซีวัง เด้น้อ

[บ่าวไทเลย]

อั่นผุบ่าวเอ้ย.....ย่อนเจ้าเทียวมาจาต้าน....หาว่ายู่หมู่บ้านคานทองนิเวศน์วะซั่น ..
มื่อวานนิเลยได่สั่งผุบ่าวเดลิเวอลี่พลันด่วนซั่นแหล้ว.. ทางฮ่านเพิ่นกะฟ้าวแจวบอกมาว่า..อิกสามมื่อเด้อสาว สิฟ้าวซ้วนไปส่งให้..พะน้ะ พะนะ......(แม่นหยังแล่ว..)
ปล. อ้ายศรี บ่าวโจ่โล่ เป็นแฟนอ่านผญาของพวกอ้ายอยู่ตลอดเด้อค่ะ..พอมีเวลาว่างกะโพสมาไว้ให้น้องๆอ่านกันเป็นวิทยาทานแน่ะเด้อค่ะ..

น้อ.....ผุบ่าวเดลิเวอร์ลี่หว่าหนิ มีอยู่หม่องได๋หล่ะบาดหนิ สาวส้ม

[hot]

น้องเอ้ย อ้ายอยากถามข่าวน้ำ ถามข่าวปลา ถามข่าวนา ถามข่าวถึงเข่า ถามข่าวเจ้าว่ามีซู้ซ้อนแล้วไป่ หรือว่ามีคู่ซ้อนนอนแล้วละนางเอ้ย

[เซียงข่อล่อ]

สาวบ้านมหาเอย...........
คับแม่นบ่ได้เจ้าซาตินี้ตายไปสิบ่เกิด สิเตลิดขึ้นฟ้าไปคองถ้าอยู่สวรรค์
คันแม่นได้แนบเนื้อเมื่อนางยังสาว สิขอเกิดเป้นดาวถ้านางเถิงฟ้า พะน้า..........