ย่อนอยากเป็นช่างภาพนำเพิ่นซั่นแหล่ว
เฮ็ดมาเบิ๊ดซูอย่างแล้วกะอยากลองหาเฮ็ดหยังใหม่ ๆ เบิ่งครับ เป็นพ่อค้าขายผ้าไหม ขายเกิบ ขายตรง ขายลูกโป่งสวรรค์ ขายลูกอมในงาน ขายลูกชิ้น เป็นนักร้อง นักแสดง ชาวนา ชาวไร่ ชาวสวน เป็นดีเจ กะเคยเป็นมาเบิ๊ดแล้ว ......บ่เคยเป็นแต่คุมซ่องนั่นล่ะ
แต่ปานนั้นกะแอบรับจ๊อบพิเศษอยู่ ย่อนว่าเงินเดือนบ่พอใช้พี่น้องเอ้ย .....555
รับจ้างหาขนขยะนำบ้าน พอได้เงินซื้อปลาทูมาป่น
ได้รับมรดก ชิ้นสำคัญจากเจ้าคุณปู่ คือ รถสามล้อฮ่าง 1 คัน
ถ่าผู้โดยสารตั้งแต่เซ่าฮอดค่ำ กะบ่ได้คนจักคน
ย่อนว่ารถเก่า เวลาขึ้นโนนกะให้ผู้โดยสารลงมายู่ซอยเอา
เพิ่นกะเลยบ่อยากขึ้นนำปานใด๋ บางคนกะบอกว่าย่านเป็นบาดทะยักพะนะ
เห็น อ.พิณอิสระ, เห็นเจ้าซายน้อย, เห็นบ่าวเอส, เห็นพี่แฮ่ (ดอกสะเลเต)
และอีกหลาย ๆ คน เพิ่นมีกล้องถ่ายรูป กะอยากได้นำเพิ่นซั่นแหล่ว
ได้มาแล้วกะเห่อหลายเติบ
พยายามเฮ็ดท่าถ่ายรูปให้คือมืออาชีพไปซั่นล่ะ....อิอิ
ถ่ายไปเบิ๊ด เห็นหยังกะถ่าย ตั้งแต่มด ไปฮอดช้าง
ดอกไม้ดอกไหล่ ถนนหนทาง แนวอยู่แนวกิน ถ่ายโสตาย ...555
หมาหยอกกันกะถ่าย
เบิ่งเอาโลด....ขนาดหมาหาว กะยังถ่าย
ฝืมือบ่ได้แต่ใจรักเนาะ....ถือว่าเป็นความสุขเล็ก ๆ น้อย ๆ ไผสิว่าบ้ากะซาง
อ้างข้อความนี้
:*- :*-
Bookmarks