หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: เฒ่าเก่าอายุยืน.....รักษาสุขภาพกันเด้อครับพี่น้อง

  1. #1
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212

    เฒ่าเก่าอายุยืน.....รักษาสุขภาพกันเด้อครับพี่น้อง

    มื่อเช้านี่ผมโทรไปหาแม่คุยกันสัพเพเหระหลายอย่าง แม่เล่าเรื่องคนบ้านเฮาพุนั่นกะตาย พุนี่กะตาย คนที่ตายมีแต่หนุ่มๆบ่เกิน 60 จักคน ตายด้วยโรคภัยไข้เจ็บหลายอย่าง

    จักแม่นโรคภัยไข้เจ็บสมัยนี้มันหลายขึ้น หรือว่า วิถีชีวิตที่เปลี่ยนไปทำให้คนอายุสั้นลง
    ลองคิดเบิ่งผุเฒ่าในหมู่บ้านผมที่เพิ่นเฒ่าอิหลี กะยังอยู่หลายคน

    แม่ใหญ่หวด 95 ปี
    แม่ใหญ่ออน 90 กว่า
    แม่ใหญ่อึ่ง 90 กว่า
    แม่ใหญ่สังกา 90 กว่า
    แม่ใหญ่โป๋ 80 กว่า ( แม่ใหญ่ อึ่ง สังกา โป๋ สามคนนี้พี่น้องกัน )


    ผุเฒ่าซุมนี่ตั้งแต่ผมเกิดมา 30 กั่วปี ผมบ่เคยเห็นเพิ่นเจ็บไข้ได้ป่วยจักเทีย
    อิแม่ผมกะว่าคือกัน " กูเกิดมา 60 ปี กูกะบ่เคยได้ยินว่า แม่ใหญ่สี่ห้าคนนี่ป่วยจักเทีย "
    เพิ่นยัง เลี้ยงม่อน ต่ำหูก เสียหญ้าป่ามอน เกียเป็ดเกียไก่ นึ่งข้าวให้ลูกหลานกิน ไปจังหัน ไปจำศีลบ่เคยขาด จนทุกวันนี้

    อาจจะสิเป็นด้วยการเฮ็ดเวียกเล็กๆน้อยๆถือเป็นการออกกำลังกายไปในโต และด้วยวิถีชีวิตของเพิ่นสมัยก่อน อยู่กับธรรมชาติที่สะอาดบ่มีแนวที่เป็นอันตรายต่อสุขภาพ กินผักกินปลาตามมีตามได้ เข้าวัดทำบุญ จิตใจสดชื่นแจ่มใส เมื่อสุขภาพจิตดีกะทำให้สุขภาพกายดีไปนำ

    ที่เว่ามากะบ่แม่นหยังดอกครับ อยากให้พี่น้องบ้านมหาของเฮาดูแลสุขภาพเด้อครับ เทิงสุขภาพเจ้าของและคนรอบข้าง ทำงานหนักกะหาเวลาผักผ่อนหย่อนใจ ผ่อนคลายความเครียดเข้าวัดทำบุญตามโอกาส

    คือพระพุทธองค์เพิ่นว่า " ทำความดี ละเว้นความชั่ว ทำจิตใจให้ผ่องใส "


    มื่อนี้จ่มให้ฟังส่ำนี่เนาะครับ มื่อลุนสิมาจ่มใหม่ ซำบายดีทุกท่านครับ

    :,1-:,1-:,1-

    :*-:*-:*-

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ว่างไปนั่งคุยเล่นนำเล้าเบิ่งแน่ะเป็นหยังน้องเซียงหล้า
    เพิ่นใช้ชีวิตประจำวันจั่งได๋แน่ะตั้งแต่เช้าจนค่ำแต่ละมื้อน่ะจ้า
    เผื่อสิได่แนวทางซั่นดอกหว๋า ตกมาปีนี้เป็นบ่ออยากเถ่าจั่งได๋บุเอื้อยกะดาย..ฮ่าๆๆ
    มองต่าง..อย่างปลง

  3. #3
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    ตื่นแต่เช้าย่อนเสียงนาฬิกาปลุก มื่อคืนนอนเกือบตี 1

    ฟ้าวอาบน้ำแล่นมาโหนรถเมล์ ฮอดหม่องเฮ็ดงานกินข้าวแกงอยู่โรงอาหาร ขึ้นมานั่ง

    เก้าอี้กินโกโก้หวาน ๆ อีกแก้ว จ้องหน้าจอคอมตลอด 4 ชม. ฮอดยามเที่ยง

    ลวกม่าม่าคัพกินอีก 1 ถ้วย เฮ็ดงานต่อ บ่าย 3 กินขนมจุบจิบอีก 1 ถุง จนฮอด

    ทุ่มหนึ่งสะโหลสะเหลลงจากที่ทำงานแวะกินก๋วยเตี๋ยวปากซอย ฮอดห้องพัก 3 ทุ่มเบิ่ง

    โทรทัศน์ฮอดห้าทุ่มกว่าอาบน้ำ เข้านอน เสาร์อาทิตย์ตื่นสวย ๆ ซักผ้า กินมาม่า

    แล้วมานอนเว็นอีกจนตะเว็นบ่าย โอ๊ย.. ไลฟ์สไตส์ คือเป็นตาอายุสั้นแท้น้อบาดนี่

    อิอิ .. อยู่ได้ฮอด 60 ฮอดเกษียณนำหมู่เพิ่นบ่น้อ..........

  4. #4
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    มาจ่มดู๋ๆแหน่เด้อคุณหมอครับ...
    ไลฟ์สไตล์แบบคุณหมอนี่หละครับจั่งบ่ค่อยมีความเครียดคนรอบข้างกะคือสิบ่เครียดคือกัน
    :l-:l-:l-:l-:l-:l-

  5. #5
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558
    ขอบคุณอ้ายเซียงฯ ผมเองกะสนใจเรื่องนี่คือกันครับ
    บ้านผมเองรุ่นพ่อรุ่นแม่กะตายเร็วคือว่าครับ ห้าสิบ หกสิบ เจ็ดสิบ ตายแล้ว
    แม่ผม เพิ่นว่าแต่ก่อนแม่เป็นเด็กน้อย ทุกเฮียนสิมีผู้เฒ่าอายุ แปดสิบ เก้าสิบ ร้อย
    เดี่ยวนี้เหลือย่าใบผู้เดียวที่อายุเกินเก้าสิบ

  6. #6
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    เอื้้อยมิก ผมไปหาเพิ่นสุเทียยามเมียบ้านคับ ลึ่งกับเพิ่นย่อนว่าเพิ่นเป็นรุ่นเดียวกันกับย่าผม ซื้อบักหมากอ่อน แก่นคูนแดง บักขามหวานพอได้บ่ายข้าว เพิ่นกะบอกวา หามาได้กะเข้าวัดทำบุญแหน่เด้อ สร้างน้ำทำบุญไว้แหน่

    น้องหลิน อ้ายว่าเฮากะบ่ต่างกันดอกคับ ชีวิตในเมืองเนาะ อยู่ไปตามกะเยิมไปสั่นล่ะคับ

    อัายพี คับกะมีเครียดนำบางเทีย แต่หม่องได๋ปล่อยวางได้กะปล่อยคับ พยายามบ่คึดหลาย จั่งบ่ยากหัวใจคับ อิอิ

    อ้ายหนุ่มฯ แม่นอิหลีคับ สมัยตะกี้ยุบ้านเฮาสิมีปู่เฒ่าย่าเฒ่า พ่อใหญ่เฒ่า แม่ใหญ่เฒ่า สมัยนี้อยู่เป็นครอบครัวเดี่ยวๆ จนเด็กน้อยามัยนี้สิเลี้ยงพุเฒ่าบ่เป็นแล้วคับ

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ตั้งแต่จำความได้ จนอิพ่อเสียชีวิตเมื่อวันที่ 1 ธ.ค.54 ที่ผ่านมา รวมอายุได้ 84 ปี อิพ่อบ่เคยไปนอนโรงพยาบาลย่อนเจ็บไข้ได้ป่วยจักเทือครับ เลาหย่างตลอดเพราะเลาเป็นนายฮ้อยค้าควาย เจ็บป่วยเล็กน้อยกะหายาสมุนไพรรอบบ้าน

    เจ็บท้องปวดท้องกะถากเปลือกบักสีดา เปลือกบักแคมาต้มกิน ขี่เข็บตอดแมงงอดตอด กะเอาป๊อกเกิล (วอกเกิล) ลูกเสือมาฝนผสมน้ำแล้วนำมาทา แป๊บเดียวหายปวดครับ

    แก้ไขครั้งสุดท้ายโดย พล พระยาแล; 27-11-2012 at 22:33.

  8. #8
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    380
    เว้าเรื่องอายุกัน ผมกะย่านอยู่ครับ ย่านอายุบ่ยืน เฮ็ดงานโรงงาน มลพิษกะมีอยู่แล้วแถมเรื่องเครียดกะหลายย้อนงานบ่ออกตามเป้า งานเสียบ้าง ญี่ปุ่นกะสิว่า อาหารการกินกะมีแต่มันๆ(ไขมัน)หลาย อายุ 35 ผมหงอกเริ่มมีแล้วหลายเส้นครับ

  9. #9
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    อ้ายพล ยุบ้านผมเพิ่นกะใช้คือกันครับ ยามตาแดง เพิ่นสิเอาเหรียญสตางค์แดงมาฝนใส่น้ำแล้วเอามาหยอดตา กะเซายุคือกันครับ

    คุณฉุยเลย ผมกะหงอกคือกันครับ 555 ได้หลกอยู่บ่เซา คันบ่หลกคือสิเต็มหัวแล้วคับ

  10. #10
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    ผมหงอกเป็นเรื่องธรรมชาติของพันธุกรรม แต่ ผมแตกปรายนี้มัน รับบ่ด้ายยย :l- ดูแลสุขภาพดีดี นะจ๊ะ จะได้ สุขภาพดี อายุยืนยาว

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •