พิพิธภัณฑ์หุ่นขี้ผึ้งไทย

[บ่าวบ้านดง]

สวัสดีครับพี่น้องบ้านมหาทุกๆคนเด้อครับ โพสเทื่อแรก
เมื่อวันอาทิตย์ที่ผ่านมาได้ไปเลาะถ่ายรูปที่พิพิธภัณฑ์หุ่นขี้ผึ้งประสาคนมักถ่ายกะเลยถือโอกาสเอามาฝากพี่น้องครับลองเบิ่งว่ามันซิงามคือเขาถ่ายอยู่บ้ ติกันได้ ชมนำเด้อถ้าถืกใจ
ใบแรกนี่ตั้งแต่ก้าวเข้าประตูพิพิธภัณฑ์มามากะบ่ได้ใส่ใจว่าเป็นคนหรือหุ่น ใจจริงกะคึกว่าคนพุ่นละคือพาโล เข้าไปเบิ่งใกล่ๆ จั่งฮู้จักว่าเป็นหุ่น

[บ่าวบ้านดง]

ย่างเข้ามากะมีสาวงามยืนต้อนรับอยู่หน้าประตูเพิ่นกะแนะนำด๊๋ดี ยืนหันซายขันขวาเหลือบไปเห็นผนังตึกเป็นงานแกะสลักไม้มีแสงสอดเข้ามาตามหน้าต่างเห็นแล้วบ๊ะคืองามแท้กดแชะจักภาพเบิ่งก่อนน๋า..

[บ่าวบ้านดง]

ใบนี้เป็นใบที่มักหลายเพราะว่าถ้าได้เบิ่งของจริงซิได้หลงไปทักลุงๆนั่งเฮ็ดหยังกัน มันเป็นกิจกรรมของคนวัยกลางคนของคนไทย ณ สมัยหนึ่ง สมัยนี้กะซิมีอยู่ดอกแต่หายากแล้วบรรยากาศแบบนี้

[บ่าวบ้านดง]

ใบนี่จำชื่อบ่ได้ว่าเป็นผู้ได๋ ไผฮู่จักบอกแน่เด้อครับ นั่งตัวบักใหญ่เป็นตาย่านขนาด

[บ่าวบ้านดง]

มาถึงโซนของการละเล่น กิจกรรมของคนสมัยก่อนมีหลายอย่างอยู่มีเด็กน้อยนำแต่บ่ได้เอามาลงเลือกอันนี้มา ว่าแม่นเซียไก่ตีแถวบ้านเว่ามาละคึดฮอดตีไก่ตอนปีใหม่

[บ่าวบ้านดง]

ใบนี่เป็นที่นั่งวิปัสสนากรรมฐาน เจริญสมาธิของหลวงปู่มั่น บูรพาจารย์แห่งอีสานบ้านเฮาครับซึ่งเป็นที่บูชาสักการะบูชากันทั่วสารทิศ องค์พระกะงาม ผนังรอบๆจัดได้ลงโตมีแสงสีฟ้าแง้มๆออกมาแฮ็ดให้เบิ่งเป็นถ้ำธรรมชาติ

[วัฒนชัย หาริโร]

ได้บัตรฟรีมาใบหนึ่งตะหลายปีแล้วยังบ่ได้ไปใช้บริการยุ เขียนหลังบัตรว่าให้เข้าฟรีตลอดชีวิตพะนะ
ภามคนไข้ผุเผิ่นเอาให้ว่าเผิ่นเอามาตะใส เผิ่นว่าผมเป็นเจ้าของพะนะ555555งามปานนี้สิได้ไปเบิ่งยุแหล่ว

[แดงน้อย]

เคยไปเที่ยวหลายปีมาแล้วค่ะ ตอนนี้เพิ่นเฮ็ดงามขึ้นเนาะจ้า