หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: ปลาข่อใหญ่

  1. #1

    ปลาข่อใหญ่

    ปลาค่อใหญ่ "มนนต์แคน แก่นคูน"

    รบกวนปราชผู้ฮู้แนครับ ผมฟังเพลงนี่หลายเทือแล้ว บ่อเข้าใจจักเทือ อยากถามว่าเพลงนี้หมายความว่าจังได๋ ต้องการสื่ออีหยัง โดยเฉพาะท่อนนี่
    "แพงเอ้ย สาวผู้ไทนั่นเด้น้อง ให้นางอดดอกสาจ้ำ โอ๊ยแจ่วเกลือต่างลาบไก่…ผู้แพงเอ๋ย นางเอ๊ย ปลาข่อใหญ่มาฮอดแล้ว ปลาข่อใหญ่มาฮอดแล้ว อย่าวางถิ่มแม่นห่อเกลือ อย่าวางถิ่มดอกห่อเกลือ เออ…เอ่อ…เอ๊ย…นั่นนา…หล่าเอ๊ย"
    ผมบ่อได้ว่าสิเอาไปปรับใช้หยังดอก แต่อยากเข้าใจให้หลายขึ้น เผื่อมุมมองการใช้ชีวิตสิเปลี่ยนไป

    ขอบคุณหลายๆครับ

    ปลาข่อใหญ่

    คำร้อง/ทำนองโดย ดอกเพชร แดนจำพอน
    เรียบเรียงโดย ธีระพงษ์ ศักดิ์แก้ว
    ตัดทอน ปรับคำร้องเป็นภาคภาษาไทยโดย สลา คุณวุฒิ

    เดือนสามออกใหม่เก้าค่ำ ได้มายามผู้สาวบ้านภูไท
    มาค้ำคูนขวัญข้าว ตามฮีตคองเก่าละของเผ่าภูไท
    ถึงแม้เป็นสังคมยุคใหม่ ยังรักษาไว้ประเพณีอันดีงาม

    สาวเอ้ยมีคู่แล้วบ่ ได้บ่หนอถ้าอ้ายขอมาอยู่นำ
    มาปลูกพริกหน้าแล้ง ช่วยแก้มแดงสร้างแปงทุกยาม
    โปรดสงสารอ้ายแนคนงาม อยากมาทำหน้าที่ลูกเขยพ่อตา

    โอ่..เด๋ เอ้ เอ๋..เอ้..เอ
    โอ่..เด้..เอ้..เอ เอ้..เอ๋…เอ..

    โอ่เด..สาวภูไทเอ๊ย โอ่เด..สาวผู้ไทเอ้ย
    แพงเอ้ย สาวผู้ไทนั่นเด้น้อง
    ให้นางอดดอกสาจ้ำ โอ๊ยแจ่วเกลือต่างลาบไก่…ผู้แพงเอ๋ย

    นางเอ๊ย ปลาข่อใหญ่มาฮอดแล้ว
    ปลาข่อใหญ่มาฮอดแล้ว อย่าวางถิ่มแม่นห่อเกลือ
    อย่าวางถิ่มดอกห่อเกลือ เออ…เอ่อ…เอ๊ย…นั่นนา…หล่าเอ๊ย

    ฮอยยิ้มในตาหวานฉ่ำ นั่งกินข้าวนำจนลืมจ้ำแจ่วข่า
    ยามตำหูกเข็นฝ้าย มางามหลายสาวผู้ไทคนส่า
    งามซิ่นหมี่เสื้อย้อมคามน้องหล้า
    มันซูนสายตาจนอยากเป็นเขยภูไท
    จนอ้ายอยากมาเป็นเขย..ภูไท

    โอ่..เด๋ เอ้ เอ๋..เอ้..เอ
    โอ่..เด้..เอ้..เอ เอ้..เอ๋…เอ..

    โอ่เด..สาวภูไทเอ๊ย โอ่เด..สาวผู้ไทเอ้ย
    แพงเอ้ย สาวผู้ไทนั่นเด้น้อง
    ให้นางอดดอกสาจ้ำ โอ๊ยแจ่วเกลือต่างลาบไก่…ผู้แพงเอ๋ย

    นางเอ๊ย ปลาข่อใหญ่มาฮอดแล้ว
    ปลาข่อใหญ่มาฮอดแล้ว อย่าวางถิ่มแม่นห่อเกลือ
    อย่าวางถิ่มดอกหอเกลือ เออ…เอ่อ…เอ๊ย…นั่นนา…หล่าเอ๊ย

    บ่อได้เข้ามาดนแล้ว บ่อรู้สิโพสห้องได๋ รบกวนผู้ดูแลย้ายไปไว้หม่องที่เห็นสมควรแนเด้อครับปลาข่อใหญ่ปลาข่อใหญ่
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    อันท่อนที่อ้ายว่าน่ะในความเข้าใจของน้องน่าสิเป็นการ อ้อนหรือการขอร้อง ประมาณว่าได้เจอสิ่งใหม่หรืออิหยังกะอย่าที่เป็นของใหม่แนวใหม่ กะขออย่าให้ลืม สิ่งเก่าๆที่เคยมีอยู่ ส่วนเนื้อหาของเพลงเท่าที่ผมฟังมาจนนับรอบบ่ถืกผมเข้าใจว่า น่าจะเป็นการจีบสาวกระเช้าเย้าแย่ ระหว่างผุบ่าวที่ได้มีโอกาสหวนกลับมาพบพ้อผุสาวอีกครั้งครับ ถืกบ่ถืกบ่รู้เด้อครับแต่นิเป็นการตีความของเด็กน้อยรุ่นใหม่คือน้อง อิอิ

  3. #3
    น่าสิแม่น ว่าอย่าลืมของเก่า
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    แต่ถ่าเป็นในเพลงกะน่าสิสื่อให้หมายถึงอย่าลืมผุบ่าวเก่าละเนาะอ้าย อิอิ

  5. #5
    เขาเปรียบว่าให้กินแจ่วเกลือ ต่างลาบไก่ แล้วกะถ้าได้ปลาค่อใหญ่ กะอย่าลืมแจ่วเกลือ
    หมายความว่าจังได๋ แจ่วเกลือนี่หมายถึงผู้บ่าวคนนี่แม่นบ่อ ส่วนปลาค่อ คือผู้บ่าวคนโก้คนอื่น

    บ่อรู้เด้ คิดว่าจังซี่
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  6. #6
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1
    พอกะเทินกะเข้าใจถืกแล้วนี่น่า หึยยย ทำเป็นถ่อมตน(คือผุบ่าวในเพลงเลยจ้า) วัฒนชัยกะเว่าถืกแล้วจ้า ป้าเติมให้หน่อยหนึ่งเดอจ้า ปลาข่อใหญ่เปรียบเป็นของดีของแพง(สมัยป้าไปตึกแหนำพ่อมื้อได๋ตึกแหได้ปลาข่อใหญ่ส่ำถืกหวยพู้นละ) ผุบ่าวในเพลงเพิ่นถ่อมโตว่าบ่อแม่นปลาข่อใหญ่ แต่เป็นเพียงแจ่วหรือเกลือ(ที่ราคาถืก) ขอให้สาวอิโต๋นเพิ่นหลายๆ ผุบ่าวอีสานสิบ่อคุยใหญ่ดอกจ้า นอกจากเวลาเหล้าออกฤทธิ์......แม่นบ้อจ้า

  7. #7
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    "ให้เจ้าอดสาจ้ำ แจ่วเกลือตางลาบไก่ ปลาค่อใหญ่มาฮอดแล่ว อย่าวางถิ่มห่อเกลือ"

    ถอดความ = ให้น้องทนกินข้าวกับเกลือไปก่อนแม้จะไม่มีลาบไก่ บางทีน้องอาจจะไปเจอปลาช่อนตัวใหญ่ ก็อย่าลืมแจ่วเกลือที่ถืออยู่นะ

    แปลความ = พี่เป็นคนจนมาจีบน้อง ขอน้องอย่าได้รังเกียจเลย หากวันใดมีหนุ่มคนรวยมาจีบ น้องก็อย่าทิ้งพี่คนจนคนนี้นะ ( ได้โปรด...... อันนี่แถม )


    ฝึกแปลผญาต่อ ลองเบิ่งครับ

    " ให้เจ้าอดสาแง่น อดกินข่าตางขิง อดกินลิงตางกระต่าย อดสาเบิ่งคนผุฮ่าย ซามพ่อผุเพิ่นดี "
    "ให้เจ้าอดสาหิ่ง อดกินขิงตางข่า อดสากินปลาร้า ซามพ่อปลาแดกบอง"
    "ให้เจ้าอดสาเลี้ยง ควายโซไว่ถ่าห่า ลางเทียห่าบ่พ่อ ยังสิได้ใส่นา อยู่เด๋ "
    " คันได้กินลาบก้อย อย่าลืมแก่วแพวผัก คันได้กินพาเงินพาคำกะอย่าลืมกะเบียนฮ้าง"

  8. #8
    ผมบ่อมั่นใจครับป้า นึกว่าประเพณีคะเจ้ามีหยังหลายกว่านี่ กะเลยถามเบิง อิอิอิ

    เซียงสี อ่าผญาเจ้าอันสุดท้าย คิดฮอดกลอนลำสาทิต ทองจันทร์ อย่าสิลืมกะเบียนฮ้าง

    ตั้งแต่น้อยจนใหญ่ กะบ่อทันเห็นกะเบียนยุ หารูปมาให้เบิงแน สิได้ฮู้ เทือเอิ้นบ่อคือกัน
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  9. #9
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    เฒ่าปิ๊ก ...... กะเบียนตามที่บ้านข่อยเอิ้น หมายถึง กระด้งมนไว้สำหรับหาพาข้าว

    กระด้งบ้านข่อยมีสองอย่าง

    กระด้งมน ใช้หาพาข้าว ใช้เลี้ยงม่อน ตากปลา ตากบักพริก

    กระด้งส่วย เอิ้นว่า กระด้งฝัด ไว้ถ่าฝัดข้าว

    และจากที่สังเกตเบิ่ง สิบ่ได้ยินพุได๋เอิ้น กะเบียนม่อน กะเบียนฝัด
    เห็นเอิ้นว่ากะเบียนเฉพาะที่ใช้หาพาข้าว ที่เป็นกระด้งกลม กระด้งส่วยบ่เห็นเพิ่นเอิ้นกะเบียน

    ถืกบ่ถืกจั่งได๋กะซอยกันเด้อครับ ผมกะเกิดใหม่ใหญ่ลุนเว่าตามที่เห็นคับ พุได๋เอิ้นแบบได๋กะซอยบอกกันครับ

  10. #10
    ศึกษาหาความรู้ สัญลักษณ์ของ tenko
    วันที่สมัคร
    Aug 2012
    กระทู้
    11
    บล็อก
    4
    เป็นคำออดอ้อนจากหนุ่มต่างถิ่นต่างวัฒนธรรมครับ ให้สาวผู้ไทหันมาสนใจคนนอกวัฒนธรรมบ้าง และก็อย่าได้มองว่าคนต่างถิ่นเป็นแค่ของ "กินเล่น""ฆ่าเวลา"ประมาณนั้นครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •