หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

เมนูหมูๆ ตำบักฮุงเหิ่ม

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    456

    เมนูหมูๆ ตำบักฮุงเหิ่ม


    หลังแล้วจากจุดเทียนชัยถวายพระพรพ่อหลวง กะมาหาแนวใส่แลง

    มื้อนี่วันหยุด หยุดอีหลีครับ เบิ่งถ่ายทอดในหลวงเสด็จตอนเช้าฮอดเที่ยง

    หลังจากนั้นกวาดหน้าบ้านนิดหน่อย ปกติกะบ่ฮกปานได๋ดอก หญ้าข้างทางน้ำท่วมตายเบิด


    บ่มีแนวกินแลง ไปโค้เล่เบิ่งในตู้เย็น ได้บักฮุ่งเหิ่มเปี่ยงนึง มาตำบักฮุ่งเฮิ่มใส่แลงครับพี่น้อง


    เมนูหมูๆ ตำบักฮุงเหิ่ม

    ตำบักฮุ่งเฮิ่มใส่บักกอกครับ แล้วกะลวกหมูจ้ำแจ่ว(เมนูลัด)



    เมนูหมูๆ ตำบักฮุงเหิ่ม

    พริกแห้ง กระเทียม บักกอก บักเขียเคีย ต่อนปลาแดก ชูรส น้ำตาลหน่อยนึง ซำนี่ละครับเครื่องปรุง



    เมนูหมูๆ ตำบักฮุงเหิ่ม

    มาครับบาดนี่ มากินแลงนำกัน

    เมนูแบบพอเพียง ตำบักฮุ่งเหิ่มกับแค๊ปหมู หมูลวกจ้ำแจ่ว ทอดซิ้นหมู รสชาดแซ่บแบบพอเพียง(กินได้เฉพาะสองคน)



    เมนูหมูๆ ตำบักฮุงเหิ่ม

    ผมเห็นบักฮุ่งเหิ่มมันสีงาม(พี่น้องเพิ่นเอามาฝาก) กะเลยอยากเอามาสู่อ้ายสู่พี่กินนำ เบิ่งนำซือๆ ดอก

    เอื้อยๆ ทางแอลเอหรือเมืองนอก บักฮุ่งเหิ่มเด้อครับ บ่แม่นแครอทเด้



    เมนูหมูๆ ตำบักฮุงเหิ่ม

    ของดองสาวขะแมร์เฮ็ดเอง ส่วนหน่อไม้ส้มอีแม่ ยังบ่ได้จกจักเทือ

    บักกอกกลับบ้านเที่ยวก่อน มันหลายเสียดาย เพิ่นว่าดองได้ตั้ว กะเลยเดาๆ เบิ่ง ครับ

    ต้มน้ำเกลือเย็นแล้วกะเทใส่กันโลด มื้อนี่กะครบเดือน เค็มคักแล้ว ใส่ตำบักฮุ่งกะพอกินอยู่ครับ


    ปล. ตำบักฮุ่งถ้าใส่บักกอกดอง ใส่ปลาแดก น้ำปลาใส่บ่ได้ มันเค็มแฮง



    ขอบคุณบ้านมหา


  2. #2
    เป็นตาแซบน้อค่ะ กินข้าวพร้อมหน้าพร้อมตาครอบครัวเนาะค่ะ
    อยากกินต้มไข่เค็มนำ อิอิอิ

  3. #3
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    เบิ่งแล้วกะคึดอยากกินเนาะตำหมากหุ่งเหลืองเป็นตะแซ่บได้หมากกอกใส่นำกะเข่ากันกันสั่นแหล่วกินกับข้าวเหนียวแซ่บคักยุครับ

  4. #4
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    เป็นตาแซบแท้ครับตำบักหุ่งเฮิ่มใส่บักกอก แนวมักเด้นิแต่ทางผมนี่บ่เห็นดนแล้วบักกอก อันไข่เค็มกะเฮ็ดง่ายเนาะต้มน้ำเกลือดองเลยติครับ บ่ย้านมันเน่าก่อนติ อิอิอิ (เว่าเล่นเด้อครับ)

  5. #5
    แบ่งปันความรู้และประสบการณ์ สัญลักษณ์ของ paula
    วันที่สมัคร
    Aug 2008
    กระทู้
    473
    มักตำถั่ว กับตำซั่ว บักฮุง พอได้อยู่ :l-

  6. #6
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    ตำบักหุ่งเหิ่มใส่บักกอก มันกะคักปานหยังแหล่วพี่น้องเอ๊ย

  7. #7
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,368
    ไสหละต่อนปลาแดกให่สีกนำแน

  8. #8
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    456
    ต่อนปลาแดกปลาขาวน้อยสามสี่ต่อน ซีกเบิดแล้วละครับอ้าย

    บ่ทันเน่าครับอ้าย suny เช็คไปนำเบิดหลายหน่วยแล้ว บ่ทันเค็มปานได๋


    ขอบคุณทุกๆ ท่าน หลายๆ ครับ

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    เป็นตาแซบขอเผ็ดๆจักครกแน่จ้า ป้าดดดบักกอกกะดองได้เนาะ สิได้เลียนแบบยุดอกจ้า

  10. #10
    ศึกษาหาความรู้ สัญลักษณ์ของ คนมีใจ
    วันที่สมัคร
    Nov 2010
    ที่อยู่
    Nakornsritammrat Province
    กระทู้
    43
    กินนำแหน่น๊า..คิดฮอดอิพ่อ เพิ่นตำไห่กิน
    สีอุ่มทุ่มขนาด อยากกิน..