ภารกิจหาสถานที่จัดงานพาแลงปี 56

[พล พระยาแล]

ปั้มฮ่าง สถานที่นัดพบ เพื่อพูดคุยปรึกษาหารือกัน และเป็นสถานที่พักผ่อนหย่อนใจของพวกเฮาหลังจากเหน็ดเหนื่อยจากการทำงาน โดยมีสโลแกนว่า "ปั้มฮ่างแชร์" และ "ไผบ่ไปถึกเว่าพื่น" มื่อนี่เป็นสถานที่นัดประชุมเพื่อปรึกษาหารือเรื่องสถานที่จัดงานบ้านมหาพาแลงปี 56

และนี่คือตัวอย่างอาหารบางตอนที่ถูกกลืนลงไปในท้องในมื่อนั่น และย่อยเป็นปุ๋ยในมื่อต่อมา.....

เมนูอาหารนี้ถูกเสนอเข้ามาเป็นรายการอาหารเสริมในงานพาแลงครั้งนี้ และยังมีอีกหลายเมนูแต่ขี่ค่านอัพรูปมาให้เบิ่ง ย่อนว่าเครื่องคอมมันช้าคัก กะเลยเอามาพอซำนี่ล่ะ พอให้น้ำลายไหล :l-

ย้ำ....โปรดฟังอีกครั้ง...นี่คือรายการอาหารเสริม เพราะอาหารหลักคือ 285+โซดา+น้ำ+น้ำแข็ง เป็นหลัก...5555

ข่อยเว่าเล่นซือ ๆ ดอก มีแนวให้กินอยู่ดอกเห็นว่ากะดาย เดี๋ยวสิว่าบ่ไปดอกบ่ได้กินข้าวสิว่าเด้.. ถึงแม้บ่มีข้าวให้กินกะมีไนบักขามขั่วให้หย่ำแก้เหงาอยู่ดอกเห็นว่ากะดาย

เนื่องจากสถานที่ที่เล็ง ๆ ไว้ในใจ เกิดเหตุขัดข้องทางเทคนิค ท่านประธานจัดงาน "กำพร้าผีน้อย" จั่งได้เรียกประชุมด่วน ...ต้องมาให้ได้ภายใน 10 นาทีพะนะเลาว่า....ข่อยย่านข่อยลืมโทรศัพท์ไว้บ้านกะพองกัน...(อิอิ) ...มาฮอดกะบ่ฟังฟ้า ฟังไฟพากัน จกเอา ๆ บ่ปากบ่ติง....555

หลังจากทำลายหลักฐานเสร็จแล้ว จุดแรกที่สิไปเบิ่งกะคือโรงแรมแถว ๆ ถนนรัชดาภิเษก ตามคำบอกเล่าของผู้ก้วงขวงแถว ๆ นั่น บอกว่าให้ไปเบิ่งก่อน เพื่อยกระดับงานพาแลงบ้านมหาให้โกอินเตอร์พะนะ รู้สึกซาบซึ้งใจในน้ำใจเด้อ ผู้ที่พาไปเบิ่งกะดาย

ป๊าดดดดดดดดด....คือคักแถะหือ...งานพาแลงปีหน้านี่แมะจัดอยู่โรงแรมระดับห้าดาวพุ่นตี๊....ฮ่วย..ไปยืนถ่าตั้งดน ซุมหมู่ที่นำก้นมาจักไปไส ...เอ๋า..บาดใด๋แมนไปผิดหม่อง....

ไปฮอดหม่องเพิ่นพากันจัดงานลีลาศอยู่ พากันไปยืนชี้ไม้ชี้มือ คนในงานพากันตื่นเบิ๊ด เพราะหน้าตาแต่ละคนบ่หน่าไว้ใจ พิจารซอมได้สักพัก ข้อโต้แย้งมีในใจ แต่บ่ปากย่านคนพาไปเสียกำลังใจ....เพิ่นสิได้ยินบ่หือ นี่ซืมค่อย ๆ แล้วเด้นี่ ลงมานั่งเบิ่งหน้ากัน ท่านประธานสีหน้าซงเคร่งเครียด....

สถานที่จัดงานอยู่ชั้น 10 เป็นห้องแอร์ แต่รู้สึกสิแคบไปหลายเติบ หม่องหย่างออกไปสูบยากะที่คั่นบ่ค่อยสูงปานใด๋ เพียงราวนมคนเตี้ยนี่ล่ะ แนมลงมาเสียวท้องน้อยวาบ ๆ เป็นห่วงย่านผุลางคนพากันไปพิสูจน์รักแท้ในงานพาแลงกะพองกัน ร่มบ่กาง....555


พากันอ่วยกลับมาทางแถว ๆ หลักสี่ เพื่อมาเบิ่งร้านที่ตรงกับคอนเซ็ปอีกร้านหนึ่ง อันนี้ตรงกับคอนเซ็ปอีหลี บรรยากาศให้ กว้างขวาง การเดินทางสะดวกสบาย แต่ข้อเสนอที่เพิ่นเสนอมา ฟังได้ แต่เฮ็ดนำบ่ได้

ถ้าเอาใจเขามาใส่ใจเฮา กะเข้าใจเพิ่นอยู่ เพราะค่าใช้จ่ายเพิ่นหลาย...แต่เพิ่นสิเข้าใจเฮาหือบ่ เป็นอีกเรื่อง...

จริง ๆ แล้วว่าสิบ่นั่งอยู่โดนปานใด๋ดอก ซุมที่ไปนำกันกะบ่พาข่อยลุกจักเทือ...จักว่าพากันเบิ่งหยัง......

สรุปว่าบ่ต้องเป็นห่วงเด้อ ทีมงาน ส.กินเกลี้ยงกะสิพยายามหาต่อไปเพื่อให้ตรงกับคอนเซ็ปหลายที่สุด หรือถึงแม้บ่ตรงกะให้ใกล้เคียง หรือถ้าบ่ใกล้เคียงกะคล้าย ๆ ล่ะ ถ้าบ่ได้อิหลีกะสิมาทางร้านอาหารสีกุก แถว ๆ ผักไห่นี่ล่ะ เป็นคำตอบสุดท้าย.....5555