ผญาความรัก

[ตะวันนา]

.......................
อันความฮักผมนั้นบ่มีมักแม่นผูใด๋ แต่ข่อยมักยอดชายผู้เป็นสาวนายในกลางบ้าน
บ่มีความขี้ค้านคันสิพรรณา ฟังเพิ่นมาจา อกอุราแทบม้าย
สาวกะเทยขวัญใจอ้ายแทบสิตายแต่นำเพิ่น เว้าบ่เขินแล้วมื้อนี้ เต็มที่ให้แก่นาง
เปรียบคือดอกไม้ยางเก็บไว้ได้นานปี บ่ต้องเปลี่ยนหลายที่ มีเทื่อเดียวใช้งานได้.............พะนะหว้า

........บรึ๋ยยยยยยยยย บ่าวข่อล่อ อักมักกะเทย พะนะว่า หาบ่ยากดอกแถวนี้กะดาย เอิ๊กกกกก...

[โป้ยก่าย]

ได้ฟังเซียงข้อล้อต้านขานเอ้ยเป็นพญา
ว่าเพิ่นมีแฟนสวยกว่าคนทั้งค่าย
ตายแล้วน้อคราวนี้มาเต็มทีบาดเพิ่นว่า
อันแฟนเพิ่นนั้นนาเป็นกระเทยว่าสั้น
มาปันข้อยแบ่งทดลองนำแน่เด้อเซียงข้อล้อ 55

[เซียงข่อล่อ]

ถึงแม่นสาวสิเบิดโลก ข่อยกะบ่โศกเสียน้ำตา
ให้เบิดไปจากโลกา บ่เสียน้ำตาพอน้อย
ไปฮักไผ๋มักไผ๋ บ่สนจอยบ่เอาจอย
เพราะหัวใจน้อยๆ ให้กระเทยน้อยนั้นผูเดียว

[โป้ยก่าย]

จักว่าเป็นจั้งใด๋แหล้วแนวบ่เคยนำเพิ่น เซียงข้อล้อเอ้ย อิๆ
ตกกะเทินที่ว่าไว้มันเป็นแท้อี่หลีบ่น้อ
โตข้อยคิดอยากพ้อพอซิมเบิ่งหายสงสัย
หาขวัญใจประเภทสองให้ทอลองนำเด้อท่าน อิๆ

ขำๆ เนาะเซียงข้อล้อเนาะ อย่าถือซากันเด้อ

[เซียงข่อล่อ]

ผู้บ่าวเอย ผู้สาวเอย
ความฮักสองเฮานั้นบ่มีวันสิผันเปลี่ยน มันบ่เลี่ยนคือหมากกิ้งบ่มีมื้อสิเปลี่ยนผัน
ให้เฮาสองฮักหมั่นเซื่อใจกันให้หมั่นเที่ยง อย่าได้คิดเลาะเลี่ยวเทียวเล่นกับสาวได๋ กับบ่าวได๋ เด้อสาวเด้อ เด้อบ่าวเด้อ

[โป้ยก่าย]

หล้านางเอ้ยแม่นน้องมีเจ้าของแล้วฮือส่ายังว่างเปล่า
แม่นเจ้ามีคู่ซ้อนนอนข้างแล้วไป้นาง

[ศรีสะท้าน]

@อันว่าความฮักฮ้อน โฮมฮอดฮุนแฮง แทงพระทัยโทม ท่าวระทวยทนท้อ
โอละหนอนางน้อง ผู้เนาในนอนนั่ง อยู่ในจิตจอดจั้ง ใจอ้ายอ่อนเอน
ยามคึดเห็นหวนให่ หนหวยยามเหินห่าง ฟ้าแบ่งกลางเกิดกลุ้ม กรรมกี้ก่อนกาล...แท้บ๋อ ฯฯฯ

[ekaphysics]

อ่านนำเเนเด้อครับ