กำลังแสดงผล 1 ถึง 9 จากทั้งหมด 9

หัวข้อ: หม่ำปลาดุก

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558

    หม่ำปลาดุก หรือ หม่ำไส้ปลา

    ขอนำเสนออาหารดี ของแซบอีสานแต่พ่อแต่แม่ครับ หม่ำไส้ปลา หรือหม่ำปลาดุก


    ส่วนผสม คือ

    ไส้ปลาช่อนหรือปลาค่อ
    ปลาดุกสด
    เกลือ
    กระเทียม
    ชูรส
    ใบหอมหรือใบผักแป้น
    น้ำเข่าหม่า
    และกระปุกแก้วสำหรับบรรจุ


    ขั้นตอนการทำหม่ำปลาดุก หรือหม่ำไส้ปลา

    ๑) เริ่มจากหาไส้ปลามาจำนวนนึง (ไส้ปลาช่อนปลาค่อ) เอาบี(ดี) ออกหรือไม่เอาออกก็ได้
    ล้างสะเด็ดน้ำ หมักหรือเอียบเกลือไว้ห้าหกมื้อให้ไส้ปลาเข่าเกลือหรือเค็มนั่นเอง

    ๒) พอมั่นใจว่าไส้ปลาเค็มแล้ว กะเอาปลาดุกสดมาจำนวนนึง ตัดหัวเอาใส้ออก แล้วทุบตัวปลาให้เปเป
    นำปลาที่ทุบแล้วแซ่น้ำเข่าหม่า(น้ำแช่ข้าวสารเหนียว) ประมาณสองสามชั่วโมง เพื่อให้เนื้อปลาแข่นหรือแข็ง

    ๓) นำปลามาสับฟักให้แหลก พร้อมทั้งฟักไส้ปลาที่เอียบเกลือไว้ก่อนหน้านั่นใส่นำกัน
    ในขั้นตอนนี่ ถ้าอยากให้หม่ำไส้ปลาสีแดงอมชมพูงามเป็นตากินกว่าเก่า ให้เอาหัวปลาที่ตัดออกมาปิ้งไฟแห่มๆ ฟักตื่มลงไป

    ๔) ตำกระเทียม แล้วนำหัวเนื้อไส้ปลาที่ฟักแล้วนั่น มาคั้นใส่กัน เติมชูรส ใบหอมผักแป้นแล้วแต่มัก คั้นจนคิดว่าได้ที่
    แล้วกะบรรจุใส่กระปุกไว้ปิดฝาให้สนิท เป็นอันแล้วเสร็จการเฮ็ดหม่ำไส้ปลาครับ แล้วกะถ่าตักมากิน

    ปล่อยไว้ห้าหกมื้อ กะสิเริ่มเป็นหม่ำ โดยสังเกตุสิมีน้ำไหลออกมาแสดงว่าพอกินหรือกินได้แล้ว
    กินกับป่นปลาย่างพริกป่นนั่นละครับ จ้ำหม่ำจ้ำปลาย่างป่นจ้ำแจ่ว

    สำหรับเนื้อปลา ผู้ที่หมั่นกะเลาะเอาก้างออก ผู้บ่หมั่นกะฟักก้างแหลกๆ ไปเลย

    ปริมาณส่วนผสมเนื้อปลาไส้ปลาผู้เฮ็ดกะสังเกตุเอาครับ ซำได๋สิพอดีบ่เค็มหลาย
    โดยประมาณกะ 4:1,3:1,2:1 เคิ่งต่อเคิ่งหรือตามมักของผู้เฮ็ดครับ

    ปลาสิส้มเองเนื่องจากน้ำเข่าหม่า และกะสิหอมจากกลิ่นของกระเทียมใบหอมผักแป้น
    และนัวจากชูรส แซบอีหลีครับ พี่น้องผู้บ่เคยกะลองหากินเบิ่ง



    หม่ำปลาดุก หรือ หม่ำไส้ปลา



    หม่ำปลาดุก หรือ หม่ำไส้ปลา


    หม่ำปลาดุก หรือหม่ำไส้ปลา สีชมพูอ่อนๆ กำลังหอม

    ขาดซอยหัวคิงไค บักเขือขื่น ป่นปลาย่าง


    อีกแบบนึงกะวิธีการเดียวกันหรือคล้ายกัน แต่ใช้เนื้อปลาดุกย่างพอก้ามแทน
    สิเป็นหม่ำเร็ว เหมาะกับผู้เฮ็ดขาย (เพิ่นเว้าให้ฟัง)



    ขั้นตอนผิดพลาด พี่น้องบ้านมหากะซ่อยเด้อครับผู้ฮู้ ผมกะสอบถามผู้เพินเฮ็ดมาอีกเทือนึงคือกัน
    แก้ไขครั้งสุดท้ายโดย หนุ่มลาวสาวขะแมร์; 13-01-2013 at 12:02.

  2. #2
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    มันสิเป็นแนวได่นอรสชาดกะสบ่คือหม่ำงัวหม่ำไข่ปลาหนิบ่หือแต่มาคือซงแหลวๆ
    กะเป็นตาแซบน่าลองเบิ่งยุ

  3. #3
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    หม่ำปลาดุก หม่ำปลาค่อ ต้องใส่ไส้ปลาๆหลายๆมันจั่งแซบ

    อิพ่อเพิ่นสิเก็บสะสมไส้ปลาเอามาคั่นใส่เกลือไว้ให้หลายๆก่อน จั่งเอามาเฮ็ดหม่ำ
    ฟักปลาดุกแหลกแล่วกะเอาไส้ปลามาฟักใส่
    คั่นใส่เกลือ กระเทียม ข้าวเหนียว เอาไว้จักสิบมื่อจั่งกิน ส่มพอดี ตักใส่ถ้วย ตักบักพริกผงใส่ข้างนึง ปลาแห้งตำแหลกๆข้างนึง ข้าวเหนียวฮ้อนๆมาจ้ำบาดหนิ

  4. #4
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    ซอยตะไคร้ บักเขือขื่นสุกใส่ มีพริกขี้หนูนำนี้แม่นคักละครับ หนุ่มฯ

  5. #5
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    จะหาได้ฮู้ว่าหมํ่าปลาดุกกะมีบ่เคยกินทางบ้านเพิ้นบ่เคยเฮ็ดให่กินแต่เก่าหลังกะมีแต่ปลาจ่อมส้มปลาน้อยหั่นเคยกินยุแต่หมํ่านะยังบ่เคยแต่กะคือสิแซ่บเนาะครับ

  6. #6
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    เป็นแนวได๋น้ออออคือบ่เคยกินหม่ำปลาดุก แต่ว่าเบิ่งหน้าตาแล้วเป็นตาแซบเนาะจ้ำๆๆๆกับคำเข่าเหนียวกัดบักพริกดิบใส่นำ อ่อยยยยเว่าแล้วอยาก

  7. #7
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558
    ขอบคุณอ้ายเซียงสีฯ ที่เพิ่มเติมข้อมูลครับ

    ปลาแห้งป่นแม่นครับของคู่กัน

    เอื้อยมะเหมี่ยวคนวาปีฯ จั่งได๋ว่าบ่เคยกินของแซบน้อบาดนิ ฟ่าวหากินเด้อ เดี่ยวสิว่าบ่บอก

  8. #8
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,206
    กระทู้ต้นฉบับโดยคุณ เซียงสีผีเป้า
    หม่ำปลาดุก หม่ำปลาค่อ ต้องใส่ไส้ปลาๆหลายๆมันจั่งแซบ

    อิพ่อเพิ่นสิเก็บสะสมไส้ปลาเอามาคั่นใส่เกลือไว้ให้หลายๆก่อน จั่งเอามาเฮ็ดหม่ำ
    ฟักปลาดุกแหลกแล่วกะเอาไส้ปลามาฟักใส่
    คั่นใส่เกลือ กระเทียม ข้าวเหนียว เอาไว้จักสิบมื่อจั่งกิน ส่มพอดี ตักใส่ถ้วย ตักบักพริกผงใส่ข้างนึง ปลาแห้งตำแหลกๆข้างนึง ข้าวเหนียวฮ้อนๆมาจ้ำบาดหนิ




    ถ่าเป็นบ้านผมต้อง "หม่ำขี่ปลา(ใส้ปลาหรือพุงปลา) แซบบ่มีหม่องติ กินกับบักพริกหน่วย-หอมหัวแดง ฮ้วยแซบหลายดึงหูกะบ่ออก.....

  9. #9
    ศึกษาหาความรู้ สัญลักษณ์ของ ปูน้อย
    วันที่สมัคร
    May 2012
    ที่อยู่
    ไทกะไสย
    กระทู้
    95
    เอาเข่าเหนียวคุ้ย กัดบักพริกน้อย กระเทียมจั่กกลีบจ้า หย่ำๆๆ บาดนี้

    แซ่บนัวป่านหยัง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •