หมากกอก (มะกอก) มีรสชาติเฉพาะตัวของมัน บ่ว่าสิใส่แจ่ว บีบใส่ถ้วยป่น ใส่ก้อยดอกสะเดา ใส่ส้มตำ กะแซบไปหมด ยามมันสุก มักสิสุกพร้อมกัน แล้วกะบ่กี่มื้อกะสิเน่าถิ่ม ไผ่หวานเอาวิธีเก็บรักษาหมากกอก เอาไว้กินโดน ๆ มาบอกจ้า นอกจากวิธีดองที่น้องวิด (หนุ่มลาวสาวขะแมร์) เฮ็ดแต่มันสิเค็ม มีอีกวิธี รสชาติ และ สียังคงเหมือนเดิมทุกประการนั่นกะคืิอ แช่แข็งในช่องฟรีชเลยจ้า
วิธีทำ
- เลือกมะกอกลูกที่สมบูรณ์ ไปล้างให้สะอาด ผึ่งให้สะเด็ดน้ำ
- นำไปใส่ถุงพาสติค มัดปาก ใส่ช่องฟรีชตู้เย็นค่ะ
- ยามสิใช้ กะเอาออกมาแช่น้ำธรรมดา ประมาณ1-2 นาที่
- เอามาปรุงอาหารได้เลยจ้า
วิธีนี้เก็บได้เป็นปีเลยจ้า แต่ไผ่หวานกินเหมิดก่อนสิครบปีจ้า
น้ำใบย่านางกะแช่แข็งได้เด้อจ้า ตอนเฮาคั้น ใส่เกลือนำจักหน่อย
ใส่ถุงแช่แข็งไว้ ยามสิเฮ็ดกิน เอาออกมาให้มันละลายกะเขียวสดคือเก่า
แต่มันสิจับกันเป็นตะกอน ให้กวน ๆๆ จนเป็นเนื้อเดียวกันก่อนสินำไปปรุงค่ะ
Bookmarks