หน้าที่ 1 จากทั้งหมด 5 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 43

ผญาในรูปแบบที่เรารู้จักกันดี เคน ดาเหลา

  1. #1
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    70
    บล็อก
    1

    ผญาในรูปแบบที่เรารู้จักกันดี เคน ดาเหลา

    ผยาในรูปลำกลอนที่ยังหลงเหลืออยู่บ้าง

    ลิขสิทธิ์บน YouTube Credit By : https://www.youtube.com/watch?v=XUPLUoGm6Do
    แก้ไขครั้งสุดท้ายโดย ทิดมี; 18-01-2013 at 17:18. เหตุผล: มีข้อผิดพลาด

  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    ขอบคุณทิดมีเมืองหนองคาย..ที่นำบรรยากาศเก่าๆมาให้รับฟัง
    ถ้าเป็นมวยกะเป็นมวยถูกคู่ลำหักลำโค่นพอฟัดพอเหวี่ยงกัน(รุ่นเดอะ)
    ลูกล่อลูกชนบ่ต้องห่วงได้ทุกวาสทุกทรง เคยได้ติดตามรับฟังตั้งแต่สมัยแผ่นครั่ง
    เจ้าตำรับ..แตงสังหารสาว..ฉายาเคนฮุด..

  3. #3
    โอ้ยหมอลำจั่งแม่นม่วนฮ้าย ขอบคุณผุ่นำเสนอ ฟังแล่วคิดฮอดบ้านเกิด

  4. #4
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    ขอบคุณหลายครับที่เอามาสู่ฟัง ได้ฟังลำกลอนชุดนี้คึดออดยามบุญบ้านเฮา บ้านผมใกล้วัดยามบุญเปิดเครื่องขายเสียงกะมีลำกลอนพ่อใหญ่เคน แม่ใหญ่บุญเพ็ง แม่ฉวีวรรณ พ่อทองคำนี่ละครับ ม่วนคัก

  5. #5
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5
    แมนเจ็บส่ำใดใจกะยังฮักแต่อ้ายสู้ทนบ่ลืมลา
    ฮักแบบมีน้ำตายังพาใจทนเศร้าเฝ้าฮักอยู่สุมื้อ
    เป็นหยังคือบ่หักห้ามหัวใจเจ้าของไว้เผื่อใจเจ็บแน
    บัดเทือเขาบ่แลมีสแปรสำรองสินองแก้มเด้น้ำตา
    หอบฮักมาให้อ้ายมื้อนี่บ่แมนที่ใจง่ายแต่ฮักจริงใจ
    หวังให้เป็นหลักพักพิงอิงไหล่ให้ใจทนสู้ยามเหงา
    บ่เคยคึดว่าอ้ายมีเขาก่อนน้องสิมาปลอบโยนหัวใจ
    ฮักที่น้องทุ่มเทให้เป็นแค่ยาทาใจยามอ้ายซึมจากเขา
    บัดเทือวาจาเว้าลืมเขาได้แล้วในใจอ้ายคือนางน้อง
    บัดยามใจอ้ายเผลอเศร้าอ้ายยังคึดนำเขาบ่เซาห่าง
    ปากบอกปล่อยวางบัดทางใจอ้ายแมนบ่ง่ายสิลืมป๋า
    เห็นอ้ายน้ำตาย้อยอยากคอยซับให้ฐานะใจน้องบ่แมน
    บัดแมนยามเจ็บเหลือแสนกะฮักน้องแทนยามใจเศร้า
    บัดเทือทรวงเซาแนวคำเว้าสายตาอ้ายเป็นลายต่าง
    โอ้ย..อ้ายเอ้ยแมนทางใจน้องสิฮักอ้ายแป๋ตายกะตามซาง
    คั่นเปรียบใจนางเป็นยาแก้ยามเกิดแผลฮักมาจากเขา
    สิบ่ทวงคำเว้าว่าลืมเขาฮักแต่น้องให้มันหมองใจพี่
    หน้าที่น้องนี่ขอทำดีเพื่ออ้ายชายจากใจน้องสาวหล่า
    แมนน้ำตาสิไหลล้นเจ็บจนทนบ่ได้บ่ฝืนใจเป็นคนฮัก
    เจ็บคักหลายเทือนี้เห็นน้องเป็นยาฟรีทาใจให้อ้ายส่วง
    บ่มีสิทธิ์เดินควงแขนคำว่าแฟนคือเขาเห็นเฮาเป็นแค่ยา
    ทาหัวใจให้หายเจ็บยามหัวใจทรวงเซากะถิ่มเฮาแบบไร้ค่า
    น้องนี้หนาบ่แมนยาทำใจให้อ้ายฐานะเฮ็ดได้แค่น้องสาว
    เด้ออ้ายเอยยย..............น้องบ่แมนเขาเด้นี่..ฮ้วยย
    แก้ไขครั้งสุดท้ายโดย แมงปอบ้านนนา; 20-01-2013 at 12:35.

  6. #6
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    70
    บล็อก
    1
    ขอเว่านำจั๊กนอย
    เคยเห็นสาวมาหลายบ้าน ไปทำงานมาหลายที
    แต่บ่อเคยเห็นมี สาวผู้ดีคือจังเจ้า จังมาเว้ากายวอน
    ยามมื้อแลงลงค่อย ใจมันหงอยเหงา-งวง
    คิดฮอดคำปากเว้า ออย-เอื้อน-เอ่ยคำ
    ความปากยากนำย่าน แต่เป็นดังคือเขา
    ย่านถึกเฮาเฮียมสอง ย่านถึกครองเฮียงซ่อน
    มาสะออนใจเด๊...ย่านแต่หัวใจเพ...ย่านแต่เซซวนลาย
    ย่านตกถึกบ่อนฮ้าย อยากอาย-อั้ง อังใจ

    อ้ายอยากไปเห็นหน้า เห็นหลังคาบอนน้องยูเด๊น้อ....
    ไปเห็นอู๋แอ่งน้ำ เฮือนเย่า สิอุ่นใจ
    เสียดายเด๊...เสียดายเกิดฮวมบ้าน สถานถิ่นเมืองเดียว
    เสียดายเทียวทางนำ ตั้งแต่นาถึงบ้าน
    เจ้าผู้เขียวใบหว่าน ตาหวานผู้อ้ายห่วง
    เจ้าผู้พวงดอกซ่อน พี่วอนเว้าอย่าหน่ายแหนง เด้อนาง....
    แก้ไขครั้งสุดท้ายโดย ทิดมี; 19-01-2013 at 13:54.

  7. #7
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5
    โอ้ยอ้ายเอ้ยอย่ามาตี๋แถลงล้มตมบ่มีคะลาดหมื่น
    คนอื่นทั้งหลายเผิ่นหมืนน้ำโตน้องย่านหมื่นคำเด้อ้ายเอ้ยยย
    คั่นแมนมาเว้าหยอกแหย่เล่นพอเป็นกษัยให่ใจส่วง
    ให้อ้ายไปควงคนอยู่บ้านแนวนั่นแมนสิคือเด้อ้าย
    เห็นว่านางผู้ฮ้ายกะอย่าสิได้เทียวแซวเล่นให้ใจหวั่น
    บัดห่าคึดหลายไปกว่านั้นย้านใจหวั่นกลั้นน้ำตาเด้น้อ
    คั่นสิมาหลอกล่อเชิญอ้ายคนหล่อให้ฟ้าวไปสาเด้ออ้าย
    แนวว่าชายฮักจริงแท้เห็นแต่แฟนของแม่นางดอกเด้อ
    บ่แมนนางเว่าเพ้อเจ้อแต่เคยเจอมาจนว่าหัวใจป่วง
    ชายหลอกลวงหวังควงร่างนางบ่ยอมผัดเปิดหน่าย
    บ่แมนว่าอ้ายหลายใจแต่น้องเสื่อบ่ได้แนวว่าใจยังเจ็บจื่อ
    คั่นแมนอ้ายบ่ถือคำเว้าให้สองเฮามาเว้ากล่าวผญาสู่กันฟัง
    สานสัมพันธ์หมู่พ้องจ่องใจให้หมั่นแก่นสาเนาะอ้ายยย
    :b-b:l-
    แก้ไขครั้งสุดท้ายโดย แมงปอบ้านนนา; 21-01-2013 at 13:54.

  8. #8
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    แมนเคียดบ่น้ออออ

    แมนเคียดอันใดใจอ้ายคือเงียบหายบ่ส่งสื่อ
    คั่นแมนถือคำเว้าวาจาผญานางได้โพสต์ผ่าน
    ทุกคำที่เว้านั่นบ่ได้เว้าเอาอ้ายเปรียบใส่ชายบ่ดีดอกเด้อ
    ย้อนว่าใจน้องเจอเจ็บเหลือแสนแฟนมาป๋าถิ่มปล่อย
    ใจดวงน้อยๆทีคอยฮักแท้จริงใจผัดได้แต่ระทม
    ความสุขสมบ่เคยพ้อมีแต่เหงาเฝ้าจ่อในหัวใจ
    แมนชายใดผ่านมาพ้อให้ถามส่อนางแหน่เด้อ
    อย่าให้นางเหงาซึมเซ่อละเมอเว่ากล่าวผู้เดียว
    แมนบ่หมายมาเกี้ยวกะเทียวข่าวเป็นหมู่กันกะได้เด้อ
    อย่าให้นางหลงเ่ว่าเพ้อจ่มเว่าอยู่ผู้เดียวปานคนบ้า
    กรุณาแหน่เด้อท่านย้อนว่านางคนอีสานพึ่งมาใหม่
    ใจนั่นฮักผญาเว่าแต่แนวกล่าวบ่ทันเป็นซั่นดอกเด้
    คั่นแมนบ่okให้แต่งเติมส่อยเว้ากล่าวแนะนางแนเด้อออ...
    แมนเคียดบ่น้ออออแมนเคียดบ่น้ออออ:l-:l-:l-แมนเคียดบ่น้ออออแมนเคียดบ่น้ออออ:b-b:l-
    แก้ไขครั้งสุดท้ายโดย แมงปอบ้านนนา; 21-01-2013 at 10:07.

  9. #9
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    70
    บล็อก
    1
    เพิ่นว่า คันบ่อไขเปิดท่าง บ่อเห็นทางน้ำทังตัวหละนาง
    มีแต่ขังปองไว้ปลาสิดิ้นโดดตาย......

    สานนี้ซื่อวา อักษรไซ่บรรยายเขียนส่ง
    เพื่อประสงข่าข่อ..ขอซ่อน ฮวมผะมัย
    กะจังแปลงสานไซ้ ไขผะหยามาแต้มแต่ง
    มาแสดงต่อน้อง ไขข้องคลั่งกะหาย
    วาโอ๋นอ เจ้าผู้จันทนาเนื้อ แก้มอ่อนๆ ละมัยผิวเฮียมเอ๊ย....
    ขอให้แยงยองเถิง บ่าวพี่ชายปางนี้
    เจ้าผู้จันทร์ถจรแจ้งแปลงใจสมสวาท
    นับแต่ผ้อพบน้อง(เห็นแต่ฮูป) บ่มีมื้อสิรายลืม
    แนววาใน มโนอ้าย ทะลายลงล้มทาว
    สาวหมื่นแสน นังอ้อม บ่ปานน้องผู้อยู่ไกล
    จังซั่น...
    พี่นี่ จึงลิขิตไว้ หมายขอดผทัยฮัด
    ขอให้ กูนาผาย โผดเฮียมยามแค่น
    แมนสิขังมโนไว้ ย่านหลายเด๊ อกสิเพพังมุนเอาแหลว
    จังได้ปุนแต่งแต้ม กลอนแก้ข่าวสาน....


    ***จังได๋กะถือเป็นการตอบโด้ ผยากาพย์เกี้ยวกาย เด้อนาง...
    บ่อได้หมายจาเว้าพาน้องให้หม่นหมอง***
    แก้ไขครั้งสุดท้ายโดย ทิดมี; 21-01-2013 at 11:18.

  10. #10
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    ขอบคุณหลายๆจ้าาา

    ขอบคุณหลายอ้ายเอ้ยบ่ป๋าถิ่มคำเว้ามาส่อยกล่าวต่อผญา
    นางบ่เคยถือซาดอกคำเว้าแห่งเฮ็ดให้หายเหงาบ่เศร้าหมอง
    น้ำตาเคยนองอาบแก้มแนมหาไผสิเบิ่งส่อยคอยปลอบแม่นบ่มี
    ได้มาพ้ออ้ายคนดีสุขวจีใจล้นความหมองหม่นคงจางหาย
    แต่ขอถามแนเด้ออ้ายคนไคมาจากไสหว่างเคยอยู่อู่เคยนอน
    จั่งได้มาแต่งกลอนออนจ้าเว่ากล่าวผญาม่วนหลายคักแท้น้อ
    อย่าหาว่านางนี่ขี้ส่ออ้ายคนหล่ออย่าสุฟ้าวเปิดหน่ายแหนง
    คนขายแฮงห่างไกลบ้านภูมิต้านทานหัวใจน้องยังอ่อนแอ
    รบกวนแนเด้อจ้าคอยทักมาเว่านำน้องพอบ่ให้ใจหมองหม่น
    เกิดเป็นคนมาผู่ฮ่ายแต่กะยังอยากไดกำลังใจสู้ส่อยอยู้เด้ออออ
    :l-:l-:*-:l-:l-