หน้าที่ 2 จากทั้งหมด 5 หน้า หน้าแรกหน้าแรก 1234 ... หน้าสุดท้ายหน้าสุดท้าย
กำลังแสดงผล 11 ถึง 20 จากทั้งหมด 43

หัวข้อ: ผญาในรูปแบบที่เรารู้จักกันดี เคน ดาเหลา

  1. #11
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    มาคิดฮอดแท้น้ออออ

    คั่นแมนใจของเจ้าบ่มีเขามาสวมแทน
    เฮากะคงควงแขนเป็นแฟนกันฮอดวันนี้
    หลายปีเดือนผ่านพ้นเจ้าคนไคคือสิมีใหม่แล้วน้อ
    ลืมผู้เคยคึดต่อรอเจ้าที่เฮาได้เว่าสัญญามั่น
    แยกทางฝันคนละหม่องสองหัวใจอย่าได้ห่าง
    แมนหนทางสิแตกม้างแต่ฮักเฮาอย่าแตกแยกกัน
    คั่นแมนหวนวันย้อนคืนได้สิประคองหัวใจบ่ให้หม่น
    สิอดทนเก็บฮักไว้มื้อใดพร้อมจั่งแต่งกัน
    สิ่งที่เคยฝันไว้มื้อนี้คงสิไกลกันห่างคักละน้อ
    ฝันที่เคยตั้งต่อคงมีคนคอยจ่อต่อเติมใจให้แทน
    สิทธิ์เป็นแฟนคงเบิดแล้วแนวทางใจได้แยกห่าง
    เบิดหนทางสิคืนหวนทวนคำเคยเว้ามาเศร้าคักแท้เด้
    แมนโอเคกับเขาแล้วแนวทางเดินเจ้าบ่มั่นแก่น
    คำว่าแฟนถ้าเขาคืนให้หัวใจซ้ำให้อวยคืน
    ยังยืนถ่าอยู่ทางนี้สิร้ายดีบ่ถือโกรธโทษว่าชาย
    คำว่าอภัยยังมีให้รองรับไว้รักษาใจอยู่คือเก่าเด้อ
    คั่นแมนนางฝันเพ้อขอเทอร์อย่าฟ้าวเปิดหน่าย
    ย้อนฮักยังเหลือหลายแต่หัวใจเจ้ามีเขาเป็นผู้ครอง
    บ่หมายปองให้เจ้าทั้งสองแตกแยกแค่ให้เจ้าจื่อจำไว้
    แมนจั่งใดถ้าเจ็บเหงามาจากเขาให้คืนมาหาคนคอยแนเด้อออ
    มาคิดฮอดแท้น้ออออมาคิดฮอดแท้น้ออออมาคิดฮอดแท้น้ออออ

  2. #12
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    ย้านหลายเด้

    ย้านแต่เป็นยาแก้ แผลใจพอหายส่วง
    ตั๋วกระต่ายถืกบ้วง ไปนอนหยุ่งอยู่ซิง
    ย้านตั๋วลิงลงส่าง ขึ้นกกยางกกดู่
    ลูกกับผัวถ่าอยู่บ้าน มาลองเหล่นให้ส่วงใจ
    คันแหม่นจริงใจแล้ว แนวได๋ให้เจ้าหว่า
    รับฟ้าผ่ากะได้ ไปลองเหล่นแข่งฝน
    อันหว่าคนเฮานี่ มีหลายอันแสนลำบาก
    ยากคอบปากและท้อง จั่งเทียวหม่นอยู่บ่เซา
    คันแหม่นเหงาคือกินเข่า(ข้าว) สินำกินให้มันอิ่ม
    ฝากคารมกับอมยิ้ม สิพาไปถิ่มดอกหง่วมเหงา..นางเอ๋ย
    ขออนุญาตเด้อ..ครับทิดมี เมืองหนองคาย..ขอแหย่ฮังมดแดงแหน่
    ย้านหลายเด้ย้านหลายเด้ย้านหลายเด้:,1-:,1-:,1-ย้านหลายเด้ย้านหลายเด้ย้านหลายเด้

  3. #13
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    69
    บล็อก
    1
    ตอบน้อง
    ก่อนนั่น...อ้ายนี่อยู่ทางก้ำเมืองหนองคาย คนเขาซา
    พญานาคปู่เค่า คนเฒ่ากล่าวขาน...
    ก่อนแรกเริม สิได้มาจาต้าน...แจกจายกลอน ผะยา นางเอ๊ย....
    มีอาจารย์คำผาย ฝั่งหลวงผะบางพุ่น
    เป็นคนขิดไขแต้ม ติเติมมาแจกจาย สั่นดอกว้า...
    จังได้ยืมเพิ่นมา เพียงพอจากับซุมเจ้า ให้ได้มวนยิน
    ได้ยินแมนถามบอนบ้าน ว่าอ้ายอยู่ทางได๋ ซั่นบ้อ...(ได้ถามบ่...)
    บ่อฮอนไกล อฮอนใกล้ พอแต่ไกบิ่นตก นี่ดอก
    พระสอง... บางบอน คือสิมายามได้ (บ่หล่ะนาง…?)
    ข้าวงาย
    สิพ้าวเฮ็ดลาบเทา ก้อยกะปอม ขั้วกุดจี่ ตลาดลาวฝั่งนี่ มีพร้อมอยู่สู่อัน
    ต่อจากนั่น.........
    สิพาไปกินปู ซายทะเลตอนเที่ยงๆ (ถ.บางขุนเทียน-ชายทะเล)
    แถมไปชิมแหนมเนือง พันเมี่ยงของกินยาก ให้ซุมเจ้าได้จมหา(มันห่อยาก)
    พอตะเวนคำค่อย จังกลับตาวเคหา เป็นเพลาอันสมควร
    จังปล่อย....นางเมือบ้าน ซั่นดอกวา.....อิอิ

  4. #14
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    69
    บล็อก
    1
    บ่อแมนธรรมดาเด้อ อ้าย หยอกสาวกะเป็น ระวังหุยานเด้อ ลูกให้แล้ว....55 แซวเล่น...

  5. #15
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    ใกล้วาเลนไทน์แล้วใด๋

    วาเลนไทน์ปีนี้สิมีผู้บ่าวให้ดอกไม้นำเขาแนบ่น้ออ....
    คือสิได้นั่งค่ำคางจ่อลอคลอน้ำตาที่ผ่านคือปีก่อน
    สะออนเด้ผู้เผิ่นงามโก้ผู้บ่าวคือสิเป็นโหลมาขอใจ
    วาเลนไทน์ยามใดให้ดอกไม้หอบบ่ไหวจนล้นมือ
    บัดโตนี่หนานั่งไห้อยู่ฮื้อ..ฮือ.ผ่านปีใดยังคือเก่า
    อยู่แต่กับความเศร้าเว่ากับเงาเจ้าของหลายปีผ่าน
    ฟ้ากะบ่สงสารประธานคู่ให้พอได้ทรวงหัวใจแนหนอ
    ฮู้บ่นางเมื่อยจนท้อน้ำตาคลอสุมื้อหยังคือบ่หลููโตน
    หรืออยากให้นางโตนโพนตายฟ้าจั่งสิให้คู่ใจมา
    คือสิให้น้ำตานองท่วมประเทศจั่งสิเฮ็ดนำคำขอนาง
    เฮ๊อ..เฮ้ออ..พะเวอร์เกิ๊บบบบ....อิอิ
    :,1-:,1-:,1-:,1-ใกล้วาเลนไทน์แล้วใด๋ใกล้วาเลนไทน์แล้วใด๋ใกล้วาเลนไทน์แล้วใด๋ใกล้วาเลนไทน์แล้วใด๋

  6. #16
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    นอนบ่หลับอีกแล้ว

    ดึกๆข่อนใจมาอาวรณ์นอนคึดนำเจ้าผู้ลาจากแท้ละเด้
    สองใจที่เคยฮักเคยทุ่มเทมาเพแตกม้างย้อนทางฝัน
    สิ่งที่เคยผูกพันธุ์มาผันแปรเจ้าบ่แคร์ดูแลใจให้คือเก่า
    บ่เสียดายฮักเคยก่อตั้งแต่เค้าที่สองเฮาเคยสู่ยู้ส่อยกัน
    บ่เสียดายคืนวันเทือสิศึกษาฮู้ใจนั้นต้องใช้วันเวลาส่อย
    เจ้าผัดยังมาปล่อยลาจากมาพลัดพรากถิ่มความฮักไป
    ไปอยู่ไสน้อคนฮู้หรือมีผู้ดึงใจเจ้าเอาใจนางถิ่มแล้วบ้อ
    เป็นหยังคือบ่ติดต่อลืมคนรอแล้วตี้จั่งมิดจี่หลี่บ่เห็นไง่
    คั่นแมนทางใจเจ้ามีเขาใหม่แล้วสิเจิดแจ้วแซวหนีกะบ่วา
    แต่ให้ส่งข่าวมาฉีกสัญญาฮักร้าวเอาหัวใจคืนให้กันได้บ่
    อย่าปล่อยให้น้ำตาคลอไหลรอแต่เจ้าเฝ้าสัญญาฮักฮ้างอยู่ผู้เดียว
    เด้อชายเอ้ยยยย.....ฮู้บ่มันหนักใจฮ่ายกว่าแบกภูเขาไว้พุ้นเด้อ
    :l-:l-:d:jดีเจละเมอสื่อๆดอกจ้า:d:j:l-:l-

  7. #17
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    69
    บล็อก
    1

    เหลือใจหลายจังแมนจ่ม
    แสงตาเวนพ้นขอบฟ้า มื่อใหม่กะเวียนมา
    กาลเวลาเวียนหมุน จากคำคืนเป็นฮุงเซ่า
    สิเอาหยังมาขวางกั้น ปรากฏการ ธรรมชาติ บ่ได้แหลว
    บ่อาจดึง จองน้าว เอาไว้ให้อยู่เดิม... ดอกหนา
    ตะเวนขึ้นเบื้องนั้น พอเบิดมื่อ..กะลาลับ
    ปรับเปลี่ยนเป็นฤดูกาล แลนไปบ่มีถ้า
    แล้วสิวา..คนเฮานี่ เอาอิหยังมาหมั่นเทียง ได้เด๊....
    มีเกิดแก่-เจ็บ-ตาย... ไปได้ดังกัน
    บ่มีหยังเที่ยงหมั่น คงอยู่ถาวร ดอกนางเอ๊ย...
    ก้อนศิลาที่ว่าแข็ง ยังเปลี่ยนแปลงไปได้
    หลายเพลาล่วงเข้า เหล็กแข็งๆยังผุตืม
    กลายเป็นเหล็กขี้ลึ่มเหี้ยน บ่ดีซ่ำดังเดิม
    หัวซาหยัง... กับพ่อซายผู้นั่น ผู้บ่เที่ยงในวจี
    อ้ายทิดมียังอยู่ บ่กล่าวลวงพะนางน้อง

    ควรบ่ควรกะอดสาอ่านเอาเด้อ
    แก้ไขครั้งสุดท้ายโดย ทิดมี; 22-01-2013 at 15:22. เหตุผล: ตอบสาวแมงปอบ้านนา

  8. #18
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    คันแข่วเนาะ

    โอ้ยอ้ายเอ้ยนางนี่หนอ เกิดมาบ่เคยพ้อความหล่อเขา
    ถืกคำหวานหว่านลวงเว้า เอาความหล่อมาอวดโชว์
    เผิ่นแต่งโตกะแมนเท่ห์ๆ หัวใจเลยเขวสิขาดแล่น
    หากได้เป็นแฟนควงแขน คือสิสุขหัวใจเอาหลายหนี่
    ตกมาฮอดระหว่างปลายปีนี้ อ้ายทิดมีกะคึดเบิ่งแน
    เผิ่นมาส่างตอแหลคำเว้า บอกว่าเฮาบ่เคยฮู้จักกัน
    บ่ทันผ่านปีผ่านวันมาผันแปร เป็นตาเอาบักตำแยสั่นใส่
    ให้คันไปฮอดหว่างทรวงเนาะอ้ายว่า...........อิอิ
    :l-:l-:l-:l-คันแข่วเนาะคันแข่วเนาะคันแข่วเนาะคันแข่วเนาะ

  9. #19
    แบ่งปันความรู้และประสบการณ์ สัญลักษณ์ของ แมงปอบ้านนนา
    วันที่สมัคร
    Sep 2012
    ที่อยู่
    แนวว่าใจที่ฮักแท้ยังมีมื้อต้องแปร
    กระทู้
    32
    บล็อก
    5

    จ่มวันละนิดจิตแจ่มใส

    เดิกๆข่อนมื้อนี่ข้อยสิจ้อนสิ่นใส่เสียงแคน
    แจ๊น แจ๊น แล๊น แจ่น แล๊น แจ่น แล๊น แจ่น
    ประชดเจ้าของยามแลงบ่มักนอนสั่นดอกว่า
    มาเด้อไผสิมานั่งเบิ่งฟ้ามาตบยุงนับแข่งกัน
    มื้อนี่เป็นอีกนึงวันที่ใจหวั่นคึดนำตั่งแต่เขา
    มื้อวานกะเกือบเช้าเอาความเพลียกล่อมโตนอน
    มามื้อนี้กะยังอาวรณ์ย้อนเขาบ่เซาป่วงแท้ละน้อ
    สิตายสั่นบ้อหัวใจเอ๊ยคิดไปหยังเลยๆไปทีปทั่ว
    เขาบ่ฮักเขามาตั๋วลืมสั่นตั๊วจั่งสิแมนแนวควรทำ
    แนวควรจำคือสิ่งดีแนวบ่จ่มวันละนิดจิตแจ่มใส:l-ดีให่ป๋าปล่อยตั่วละใจเอ้ยยย
    เป็นหยังคือเจ็บบ่จื่อแท้ละหืออออ...เหลือใจเด้

    จ่มวันละนิดจิตแจ่มใส

  10. #20
    แบ่งปันความรู้และประสบการณ์ สัญลักษณ์ของ ทิดมี
    วันที่สมัคร
    Jan 2013
    กระทู้
    69
    บล็อก
    1

    จักดิ

    จักสิตอบจังได๋ดอก.....................................

หน้าที่ 2 จากทั้งหมด 5 หน้า หน้าแรกหน้าแรก 1234 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •