อยากตายเป็นมัดกล้า

[ทิดจ่อย]

หล่านางเอย....
อ้ายนี้เหลือใจเด่ เหลือใจนางผู้เกลี้ยงก่ำ
แม้แต่ดำนากะยังโก้ งามล้ำบ่อสร่างซา
อ้ายนี้วาสนากุ้น พอปานกันกับหางอ่ึ่ง
ยี้อบ่อถึงดอกหล่า ผลาได้แต่นั่งแนม
เจ้าผู้เป่ิ่นเวิ่นแก้ม สวยงามไทบ้านส่า
อยากตายเป็นมัดกล้า อาสาห้อยอยู่หว่างแขน
แต่สายแนนบ่อสุดส่าว ยาวไปบ่อฮอดเผิ่น
พอกะเทินเป็นแค่ตอกมัดกล้า ดำนาแล้วเหยียบใส่ตม....นางเอย

เครดิตภาพจาก "อีสาน คำแพง Facebook"

[lungyai1123]

เป็นแนวอื่นกะเป็นบ่ได้แมนบ่อ้ายทิดฮ่าาาาาาาาาาาาาา

[พ่อใหญ่เซียงเบ้า]

พ่อใหญ่เซียงเบ้า บ่ฟ้าว ถ้าให้ข้าวออกฮวงสาก่อน จั่งสิแปลงกายไปเป็นต้นข้าว ให้น้องเพิ่นเกี่ยว บัดยามถืกเกี่ยวคือสิเสียวคัก 555

[PLA2KEM]

สิโอ๋ละเค บ่นอ อ้อๆๆๆๆๆ(ลูกคอ)น้อง

[ทิดจ่อย]

อยากเป็นอย่างอื่นอยู่ดอก หั่งบ่อกล้าเว้า อิ อิ อิ

[sompoi]

ลองเว่ามาฟังเบิ่งแน่ะตั้วะอาวจ่อย
บาดถ่า ถืกใจแม่ป้า คายอ้อยหนักๆนิแม๋ะจ้า ฮ่าาาา

ปล. เห็นอาวทิดจ่อยแล่ว คึดฮอดน้องหญ้านางเด้เนาะจ้า..

[ไทบ้านพระเสาร์]

คึดฮอด เจ้าแฮง ดอกเด้หล่า
ตื่นขึ้นมา คึดฮอดเจ้า หน้ำหนี่หน้ำ
สองเฮาเคย กำมัดกล้า ผืนนาน้อย ซ่อยหว่านไถ
เจ้าไปไทย ไกลอ้ายแท่ โนนคันแท อ้ายแหนมส่อง
ห้วยบึงหนอง น้ำไหลวึ่น โขง-ชี-มูล กะไหลหลั่ง
ใจอ้ายอุกอั่งเอ้า ฟังเพลงเศร้าอยู่เทิ่งเถียง
เทิ่งเสียงนก อีกาฮ้อง คือจั่งกลอง เสียงฆ้องลั่น
ใต้ห่มมันปลาของมื้อนั่น บ่คึดพ้อ แหน่บ้อนาง

[ทิดจ่อย]

อ้างถึง sompoi

ลองเว่ามาฟังเบิ่งแน่ะตั้วะอาวจ่อย
บาดถ่า ถืกใจแม่ป้า คายอ้อยหนักๆนิแม๋ะจ้า ฮ่าาาา

ปล. เห็นอาวทิดจ่อยแล่ว คึดฮอดน้องหญ้านางเด้เนาะจ้า..



แม่ป้าเอย เว้าพื้นน้องหญ้านาง กะคึดฮอดเลายุ สงสัยเลากำลังเตรียมโตเข้าสู่อาเซี่ยน
เว้าแต่ภาษาต่างประเทศ เลยลืมผญาทิดจ่อยแล้ว 55555

[sompoi]

ว่าด๋ายน้อน้องสาว(หญ้านาง)เอื้อย
ส่างมาเฮ็ดให้บ่าวบ้านใกล้หลงฮอย..แท่ะน้อน้องหล้า
คือบ่มาส่อยซ้อน สะออนโอ้บ่าวพี่ซาย..แน่ะน้อ..นางหล้าเอ้ย.. (พะนะ.. )