หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

ข้าวหลาม แบบง่ายๆ

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    436

    ข้าวหลาม แบบง่ายๆ


    ปีใหม่กลับบ้านลุงจาน(อ้าย) เฮ็ดข้าวหลามให้กินครับ


    ข้าวหลามธรรมดาๆ อีกวิธีนึง

    ส่วนผสมกะมี ข้าวสารเหนียว กะทิ น้ำตาล เมล็ดถั่วดำ และไม้ไผ่บ้านลำอ่อน ๆ งาม ๆ

    วิธีทำ ง่าย ๆ บ่ยุ่งยาก

    เริ่มไปตัดไม้ไผ่บ้านอ่อน ลำงามๆ กำลังพอดี เป็นลำที่เกิดปีนี่(ล่าสุด) มาไว้ก่อน

    นำในถั่วดำแช่น้ำให้พุหรือนิ่ม และกะหม่าข้าวสารไว้

    ผ่าบักพร้าวแห้ง ขูด คั้นกะทิ

    เซอะข้าวหม่า มาผสมกับ กะทิ น้ำตาล และในถั่วดำ ซาวให้เข้ากัน

    ตัดบั้งไม้ไผ่ และบรรจุส่วนผสมของเข้าหลามลงทีละกระบอก

    หางกะทิกะเติมลงไปนำ และเอาฝอยกาบบักพร้าวปิดปากกระบอก

    หลังจากนั้นกะดังไฟครับ พอไฟติดกะเริ่มเผาได้เลย

    แต่ที่ว่าข้าวหลามแบบง่ายๆ กะคือเพื่อลดขั้นตอนการเผาให้สั้นลง กรณีฟ้าวไปฟ้าวมา

    เฮากะเอาบั้งข้าวหลามมาต้มในปี๊บสาก่อน บ่มีปี๊บใช้หม้อหนึ่งแทน

    ต้มไปสักระยะหนึ่งโดยประมาณ กะเอาออกจากหม้อมาเผาไฟต่อครับ

    ถ้าสิต้มให้สุกเลยโลด กะสิกลายเป็นข้าวต้มบั้งไปซะและกะสิบ่มีกลิ่นหอมจากถ่านไฟ

    เอามาย่างผิงถ่านไฟจนมั่นใจว่าสิสุกแล้วละ กะลองผ่าบั้งน้อย

    ถ้าบั้งน้อยสุก บั้งใหญ่กะเผาต่ออีกจักหน่อย ก๋าให้เกี้ยเหลืองแห่มเป็นอันเรียบร้อยครับ



    ข้าวหลาม แบบง่ายๆ



    ข้าวหลามชาวอีสานที่ผมรู้จักและเข้าใจมาตลอด คือ ต้องเฮ็ดตอนปีใหม่ ข้าวใหม่ ไม้ไผ่อ่อนลำใหม่

    อากาศหนาวๆ เย็นๆ ได้ผิงไฟไปนำ ถ้าปีใหม่อากาศฮ้อนกะสิบ่เฮ็ดข้าวหลามกิน เพราะสิหนิ่งกันเผา(เกี่ยงกัน)

    ถ้าหาไม้ไผ่บ้านอ่อนลำพอดีบ่ได้ ปีนั้นเบิดปีกะสิบ่ได้กินข้าวหลาม

    เว้าถึงบ้านผมให้ฟังเด้อครับ พี่น้องบ้านอื่นอยากยามได๋เพิ่นอาจสิเผากินโลด บ่ต้องพิธีลีตองให้มันยาก



    ข้าวหลาม แบบง่ายๆ


    ข้าวหลามไซสมาตรฐานไม้ไผ่บ้าน ใหญ่ยาว เต็มความจุ บ่เอาเปรียบผู้บริโภค
    กินเบิดบั้งเฮ็ดอีหยังต่อบ่ได้นอกจากนอนเวน

    ขออภัยพี่น้อง ตอนผ่าออกกินบ่ได้ถ่ายรูปไว้ กะคือเข้าหลามที่เห็นๆ ทั่วไปนั่นละครับ
    ขาวๆ เหลืองแห่ม ดำในบักถั่วและหอมข้าวใหม่

    ไม้ไผ่บ้านลำอ่อนมันสิติดเกี้ยงามครับ ผ่าออกเป็นท่อนคุ่นลุ่น ผิวเกี้ยขาวเนียนงาม
    ส่วนไม้ไผ่แก่กะบ่ฮู้จักนำคือกัน พ่อแม่เพิ่นบ่พาเฮ็ดจักเทือ



    ข้าวหลาม แบบง่ายๆ


    ไม้ไผ่บ้านลำไหม่ของปี เลือกเอาลำพองามๆ นำมาเฮ็ดบั้งข้าวหลาม



    แม่ค้าเฮ็ดขายหรือพี่น้องเฮ็ดแบบได๋น้อ

    ขอบคุณบ้านมหา


  2. #2
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5
    วิธีนี้ ขอลอกเลียนแบบแน่เด้อจ้า คือบ่เผยโฉมข้างในให้เบิ่งนำแน่จ้า หน้าตาเป็นตาแซ่บบ่เนาะ อิอิ

  3. #3
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    436
    ครับเอื้อยหมูหวาน ผมกะเพิ่งเคยเห็นนี่ละครับ ตั้งแต่เกิดกะเผาอย่างเดียว สุกข้าง ดิบข้าง ไหม้ข้าง

    แบบนี่สุกทั่วบั้ง บ่มีมันบ่มี(ตด)ครับ

    บ่ได้ตั้งใจสินำมาโพสต์แต่แรก ผ่ากินอิ่มแล้วกะคร้านไปเลยครับ

    มีโอกาสสินำมาให้เบิ่งให้ได้ครับ

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    ผ่านไปทางพุ้นกะสิขอให้เฮ็ดให้ชิมเบิ่งแนอยู่ดอกซงเป็นตามันๆนัวๆเน๊าะ

  5. #5
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    ปานบักพร้ามเผาเนาะ ซุมเฮ็ดบักพร้าวเผาขายกะเฮ้ดแนวนี้ละครับ ต้มแล้วจังเอามาเผา (บางเจ้าเด้อครับ)

  6. #6
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    น่ากินอยู่เนาะข้าวหลามนานแล้วบ่ได้กินเป็นตะแซ่บครับเผาสุกใหม่ๆๆ

  7. #7
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    คะเจ้าเฮ็ดขายหลายๆ เพิ่นกะต้มเอาจั่งซี่ล่ะครับ ต้มสุกแล่วจั่งค่อยไปเผาพอให้หอม
    วะซั่นบ่ซะนะเผา ซะนะพลิก

    เผาบ่ดีกะบ่สุก เผาไฟแฮงกะไหม้ บ่สุก + ไหม้ = ขาดทุน

    เพราะว่าเฮ็ดขายคือการลงทุน ทางได๋บ่เสี่ยงขาดทุนกะเฮ็ดทางนั่น
    แถวบ้านผมเพิ่นเฮ็ดขายเป็นล่ำเป็นสัน กะมีตะต้มแล้วจั่งเผาแบบนี้ล่ะครับ กะแซบคือกัน

    แบบเผาเลยกะสิหอมกั่วยุดอกผมว่ากะดาย

  8. #8
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    436
    ด้วยความยินดีครับลุงใหญ่ แต่ต้องไปช่วงเกี่ยวข้าวดอถึงปีใหม่เด้อครับ เพราะบ้านผมเผาข้าวหลามเฉพาะช่วงนั้น

    ถ้าเป็นคืออ้ายเซียงสีฯ อ้ายSUNY เว้า มันกะซำลาวต้มลาวตั้วครับ

    ผมละคิดว่าข้าวหลามหรือบักพร้าวเผาที่เพิ่นเฮ็ดขาย กะต้องเผาอีหลี บ่มีตั๋ว บ่มีต้ม

    นี่ละพากันต้มกัน วะนิแม๋ โอ้ยมาต้มกันคักกันแน่แท้น้อข้าวหลามเจ้ากะดาย

  9. #9
    แบ่งปันความรู้และประสบการณ์ สัญลักษณ์ของ หนุ่ย..บ่าววีโก้
    วันที่สมัคร
    Jan 2013
    กระทู้
    127
    เป็นตาแซบอยู่ข้าวหลามบ่อได้กินโดนเเล้ว:*-

  10. #10
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    สมัยตะกี้เผาอิหลียุครับ แต่สมัยนี้เผาเทียมหลายคัก

    แต่ทางนครปฐมกะเผาอิหลียุ เผาด้วยกาบหมากพร้าว แต่เพิ่นใส่กะทิหลายโพดมันแหลว ผมบ่มัก

    เผาแบบบ้านๆเฮานี่ละแซบกั่ว ไม้ไผ่บ้านอ่อนๆ เกี้ยหอมๆ ข้าวใหม่อ่อนๆ ฝีงไฟไปนำ เผาข้าวหลามไปนำ ซุมพี่น้องไปนำ มีความสุขคัก


Tags for this Thread