ตึกแห กินปิ้งปลา บรรยากาศบ้านนา ทีมงาน นั่งยังโหง่ย

[บ่าวจัย]

สวัสดีครับพี่น้องบ้านมหาและพี่น้องที่เข้ามาเบิ่งแต่บ่ได้เป็นสมาชิกของเฮา ถ้ามักกะฝากให้ติดตามตอนต่อๆไปนำเด้อครับ
แต่ถ้าสิเอารูปผมไปกะให้เครดิดผมนำแน เห็นหลายภาพแล้วครับตามเว๊ปต่างๆ ตามบทเพลงกะเห็นมีคือกันครับเอาไปเฮ็ดเป็นภาพประกอบเพลง ดังคักแท้หลาวบาดนี้ตู:l-

ตัดภาพมาตอนลงกางดางโลดเนาะครับเพื่อบ่เป็นการเสียเวลา:l-พี่เล็กกับน้องเปียลงก่อน น้ำเย็นคักมื้อนี้

เหลียวเบิ่งตามคลองไปยาวอาดหลาด ส่วนผมกะไปไล่ปลามาอีกทางฝากหนึ่ง

เสร็จแล้วกะลงตึกแห ตามหาปลาค่อใหญ่ พี่เล็กบอกว่าไผ๋บ่ได้ปลาค่อบ่ให้กินน้ำอันนี้:b-b

เพื่อนปมได้มาก่อนหมู่แต่ว่านอกกฏกติกา ปลาบู่บ่นับ อด:b-b

น้องเปียถืกต้องตามกฏ ปลาค่อใหญ่ไปกินน้ำได้:b-b


ส่วนผมหว่านแหไปเทื่อเดียว เชื่อบ้อว่า.........บ่ได้งมแหเลยโทรศัพย์เป็นสิบสาย
หมู่ที่สิตามมามันไปบ่ถืกโทรถามทาง น้ำกะอยากกินแต่ต้องทำตามกฏสงสัยสิบ่ได้เลียเป็นแน่

พี่เล็กได้มาแล้วรอดโตไป เชิญกินน้ำได้เลยครับ:b-b

เพื่อนปมได้ปลาค่อมาแล้ว ไปกินน้ำได้ ส่วนผมกะยังงมหาปลาค่อไปนำ คุยโทรศัพย์ไปนำ

เอาอีกแล้วแต่ว่ารอบนี้ปลาดุกครับ ฟาวเด้อโตนี้พี่เล็ก