กำลังแสดงผล 1 ถึง 7 จากทั้งหมด 7

ทุกข์ยาก

  1. #1

    ทุกข์ยาก

    ..ทุกข์ยาก...ทุกข์ยากย้อน อยากมีเป็นนำหมู่
    สู้งานเมื่อยเมิดมื้อ เกือบมอดม้วยกะบ่มี พี่น้องเอย
    ..ทุกข์ยากย้อน จูงมอร์ไซด์ยางแตก
    ฝนตกฮำหมาเห่าหุ่ม ซุมควายฮ้ายไล่ชน
    ...ทุกข์ยากย้อน หลงทางไกลยามค่ำ
    น้ำมันรถเมิดแล้ว ปั้มหลังหน้าจั๊กอยู่ใส
    ...ทุกข์ยากย้อน มีเมียสองคือเพิ่นว่า
    ไปหาหลวงกะถืกตื้บ ไปหาน้อยกะถืกตี
    ...ทุกข์ยากย้อน ลูกติดเกมส์เฮือนบ่อยู่
    หมู่โทรเอิ้นไปคู่มื้อ นอนหลับแล้วจอบหลอย
    ...ทุกข์ยากย้อน ลูกติดเกมส์ไปเฮียนต่อ
    พออาจารย์ส่งเกรดให่ หงายหลังตั้มได้แต่ศูนย์
    ...ทุกข์ยากย้อน ยืมเงินมาดาวน์รถ
    ยามสิ้นเดือนงวดต้องเสีย ดอกเบี้ยนำต้องหาใช้
    ...ทุกข์ยากย้อน นอนผู้เดียวบ่มีคู่
    นอนตะแคงคดคีคู้ หงายคว่ำกอดแต่หมอน
    ...ทุกข์ยากย้อน เป็นนายค้ำประกันเขา
    เขาเอาเงินแล้วหนี ถิ่มให้เฮาเป็นลูกหนี่
    ...ทุกข์ยากย้อน ออนซอนสาวใช้ใหม่
    เหลียวเบิ่งหลายกะบ่ได้ เมียฮ้ายสิไล่หนี
    ...ทุกข์ยากย้อน ออนซอนสาวขึ่นใหม่
    เหลียวเบิ่งหลายกะบ่ได้ เมียฮ้ายว่าหัวงู
    ...ทุกข์ยากย้อน ออนซอนเมียผู้อื่น
    เมียเจ้าของงามแต่กี้ เดียวนี้บ่เป็นตา
    ...ทุกข์ยากย้อน นอนกรนคนหนีหน่าย
    เมียบ่นอนอยู่ใกล้ กางมุ้งให้นอนผู้เดียว
    ...ทุกข์ยากย้อน หมอตอนหำแต่ยังหนุ่ม
    กลุ้มใจของบ่ขึ้น ยืนเยี่ยวฮวดบักไข่หำ
    ...ทุกข์ยากย้อน เป็นคนดีเขาให่ซ่อย
    เดิ้กดื่นลุกนั่งป้อย เป็นลูกหนี่บ่ได้ยืม
    ...ทุกข์ยากล้ำ ผิวก่ำดำหมอง
    หัวกะหยองท้องมาน ปานกันกับเป็นเอดส์
    ...ทุกข์ยากล้ำ ผิวก่ำดำหมอง
    นอนคองถ่ามื้อตาย เป็นมะเร็งกับเอดส์
    ...ทุกข์ยากล้ำ ใส้ลงหำไข่อึงลืง
    นอนกืงดืงเฝ่ามุ้ง ยุงไห่อ้อมอยากอยู่นำ
    ...ทุกข์ยากล้ำ หากินนำบ่อนไก่
    ลางเทือโชคบ่ให่ เสียสามข่างจั่งแมนซวย
    ...ทุกข์ยากไฮ้ หากินงายได้กินค่ำ
    จนหน้าดำค้ำม้ำ นำไง้หาอีปู
    ...ทุกข์ยากไฮ้ บ่มีแฮงแข้งขาล่อย
    ต้อดไปเทือละหน่อย ทางไปส้วมจั่งแม่นไกล
    ...ทุกข์ยากไฮ้ เถ่าหลายแข่วกะหล่น
    คนที่เคยฮ่วมบ้าน ตายนานแล้วเหลือแต่เฮาซั้นแหล่ว พี่น้องเอย

  2. #2
    ...คันอยากพ้นทุกข์นั้น จงทำใจให้ว่างเปล่า
    บ่ปรุงแต่งว่าดีฮ้าย ความทุกข์นั้นสิเหือดหาย พี่น้องเอย

  3. #3
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447
    ทุกข์เป็นตาไปเกิดใหม่แท้น้อ...เฮ่ออออออออออ....ไปหาฟังลำดีกัว แก้ทุกข์ อิอิอิ...กรู๊รรรรรรรรรรร....

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    บะเข้าท่าเด้เน๊าะคนมีฝีมือหนิมาครับมายินดีต้อนรับมาม่วนนำกันทันงานพาแลงพอดี 16 ก.พ.หย่าวโลดเด้อ

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    ทุกข์ยากฮ้าย...ใส่สร้อยทองกะหนักบ่าพี่น้องเอย
    ทุกข์ย้อนเงินคำก้อน..หม่องสินอนกะบ่มี...แท้แล่ว
    ....มันหลายเก็บในบ้านจนบ่มีหม่องอยู่หม่องนอนแล้ว.....ขำๆเด้อครับ

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ฮ่าๆๆๆ จะแม่นเพินทุกข์ยากหลาย..
    อ่านไปจักอยากไห้หืออยากหัวเนาะ ..

  7. #7
    ซะมาทุกข์ยากแฮงแท้น้อครับ ^_^