กำลังแสดงผล 1 ถึง 7 จากทั้งหมด 7

........................ สุขภาพรัก .........................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ........................ สุขภาพรัก .........................


    [wma=380,70]http://kruaesrip.googlepages.com/Healthoflove.wma[/wma]
    สุขภาพรัก - หนู มิเตอร์ (ฝากให้เจ้าคือเก่าเด้อ)

    อยู่ห่างกันแสนไกลฮ่าย คิดฮอดหลายย่อนกายห่าง ไกลสุดตาพุ้นเด๊นาง เจ้าอย่าร้างฮ่างฮ่าย ย่อนไกลร้างห่างกัน
    อ้ายเพียงฝันเก็บใจไว้ เก็บใจรอพออ้ายห่าง หวังสัมพันธ์บ่จืดจาง แม้เส้นทางกางกั้น สัญญาไว้บ่ไล่ลืม
    อ้ายขอตื่มความห่วงไว้ ถ้าคิดฮอดยามได๋ หวังหัวใจบ่ไกลห่าง ส่งสายตาหาอ้ายบ้าง อยู่ทางฟ้าถ้าเบิ่งดาว
    แสงใสพราววาวเต็มฟ้า มีผู้หนึ่งส่งเนตมา ถ้าสบตาเจ้าฮู้บ่ คิดเห็นอ้ายแน่บ่น้อ คนที่รอถ้าเจ้า เหงาใจแท้แต่มื้อลา
    สุดเหว่หว้าน้ำตาเปื้อน ได้เบือนหมอนยามนอนตื่น ฝันฮอดเจ้าอยู่สู่คืน ตื่นห่วงหาแต่หน้าเจ้า หัวใจเศร้าบัดคิดถึง
    เคยบ่น้อฝันซึ้ง ซึ้ง ฝันถึงอ้ายบ้างแน่บ่ ดนท่อได๋กะสิรอ อ้ายบ่ท้อบ่หวั่น ไผสิกั้นคั่นฮักเฮา
    หวังแต่เอาสองใจแต้ม แถมตื่มความห่วงหา เช้าฮอดค่ำทุกเวลา คือรักษาสุขภาพ ฮักเฮาน้อบ่ออ่นแอ
    หวังเหลียวแลเบิ่งอ้ายบ้าง ย่อนว่าไกลหนทาง อย่าวางใจให้ผู้อื่น ฮักเจ้าหลายก่ายสะอื้น ได้ยืนให้บัดคิดถึง.......M..เอ๊ย

  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ........................ สุขภาพรัก .........................

    ฮ่าๆๆ บาดลงท่อนสุดท้ายแมะ แบบนี้ผู้เผิ่นเว้าหนํากะจุกผญาตายซั่นแหลว อิอิ ม่วนหลานลึกซึ้งขนาด
    เอาโล้ดไห่เต็มอีกคือเก่า

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: ........................ สุขภาพรัก .........................

    อืห์มมม กระชากใจคัก Re: ........................  สุขภาพรัก   ......................... ม่วนๆ (เพลง :P)
    ขอหอมแน่ะเด้อ..ผุบ่าวไผกะดาย Re: ........................  สุขภาพรัก   ............................อิอิ..
    Re: ........................  สุขภาพรัก   .........................

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: ........................ สุขภาพรัก .........................

    เว่าผญานำแน่ะเด้ออ้าย...มักเพลงเพิ่นนิหนาถืกคิงโพดล่ะ.. 8) 8)

    อ้ายเอ้ย คั่นฟากฟ้ากั้นกางทางร้างห่างกัน ขอให้เป็นเพียงนั่นคั่นคือเรื่องของทาง ส่วนพีกับนางอย่าห่างไกลลาไหลลืมหนี ฮักแต่อ้ายหลายอิหลีมันเต็มทีแล่วอ้าย...บ่าวผู้ใสของน้อง คล้องขวัญเอาแน้อ้ายคนผุฮ่ายคือจั่งน้อง เทียวมาเหลียวเกี่ยวข้องเพราะใจฮ้องเรียกหา อ้ายผุดีคนงามตาสาวได๋กะส่าว่าสวยสม พะอวนน้องสิค่อยก้มงมนำแต่คำอ้าย ฝากใจกายเอาไว่แน้อย่าฟ้าวแว้ทางหนี
    ห่างทางกายแต่ใจนี่สุดสิลี้หนีฮักอ้าย.....ซายเอ้ย..

  5. #5

    Re: ........................ สุขภาพรัก .........................

    มาเบิงซือๆเด้อครับ...ผญาบ่เป็นครับ..

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ........................ สุขภาพรัก .........................


    ได้พ้อหมอใจดีฮ่าย รักษากายอ้ายอบอุ่น คันได้หนุนตักน้อง ความหมองเศร้าแฮ่งสิหาย
    แม่นสิตายจั่งได๋น้อ อ้ายผู้ตั้งตารอ คนผู้ขออยากเป็นคู่ กะคิดเบิ่งแน่ดู้ อยากสิชูรักไว้ ให้เคียงฟ้าอยู่นิรันดิ์
    เธอคือฝันในใจอ้าย คนผู้หมายอยากซ้อนบ่อน คิดฮอดเจ้าอยู่ซู่ตอน แม่นสินอนนั่งเว้า อ้ายยังเฝ้าแต่คิดถึง
    คำรำพึงคำออ้น อาจะสิคือบทละคร บัดถึงตอนมันน้ำเน่า แต่ว่าความฮักเฮา คันสิเน่าจั่งน้ำ ยามจันทร์จ้ากะส่องเห็น (ถึงน้ำจะเน่าแต่ก็มีเงาจันทร์ พะนะ)
    ไผบ่เป็นคือบ่ฮู้ ไผบ่ดูเห็นบ่แจ่ม ถ้าฮักอ้ายคือจันทร์แรม กะซ่อยแนมเบิ่งบ้าง ทางใจอ้ายสิส่องถึง เด้อจ๊า

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: ........................ สุขภาพรัก .........................

    แม่นเจ็บหยังน้ออ้าย แม่นเจ็บหลายแท้บ้อพี น้องพออยากพัดวี เป็นหมอดีประจำอ้าย
    เจ็บป่วยไข้แม่นสิปัว ย่านแต่มัวทางอ้ายทางพี่ซายที่เว้าอ่อย เพิ่นเว้าหวานป่านนําอ้อย สิตายจ้อยแม่นมดเด้อ
    หลงละเมอแต่นำอ้าย สุดบรรยายแล่วเด้อพี น้องผู้หนึ่งทางนี้ที่ยินดีเฝ้ารอ หรือมีผู้มักหลายคักน้อ ผุสาวจ้อนำญาอ้าย
    แม่นสิปันใจไว้พอให้ไผได่บ่อพี ที่ฮักอ้ายเหมิดชีวี เหลือจ่งทางนี้แน่ะบ่อน้อ....อ้ายเอ้ย...