หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หนึ่งเดียวในใจนาง...

  1. #1
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    หนึ่งเดียวในใจนาง...

    เป็นหยังน้อหัวใจนิคึดฮอดอ้ายอิหลิ เต็มทีแล่วความห่างย่านฮักแท้แพ้เส้นทาง
    ระยะห่างมากางกั้นสัมพันธ์อ้ายย่านหนายแหนง เบิ่งแสงดาวแทนตาอ้ายจนตาลายกะหลายเทือ
    มาคึดฮอดเอาเหลือ........อยากสิเมื่อตั้งแต่บ้าน...ไปหวานใกล้ใส่พีซาย ห่างเพียงกายคืออ้ายเว่า....แต่ใจสองเฮาบ่เคยไกลไปจักเทือ
    ทุกห้องใจบ่มีเหลือบ่มีเผื่อผุอยากได่......มีแต่อ้ายอยู่ผุเดียว หนทางเทียวในใจน้องมีแต่คองอ้ายเป็นคู่
    แต่ละมื่อคึดฮอดดู๋หลงนั่งหัวนั่งไห่ คึดไป่ว่าบ้าบ่น้อ..... จักพอสอสิเปลี่ยนย้ายฮักเหลือหลายบ่มายฮ่าง
    เรื่องรักแท้แพ้ระยะทาง บ่เคยจางจากอ้าย สิตายแล้วย่อนฮักหลาย...อ้าย เอ้ย..

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: หนึ่งเดียวในใจนาง...

    @ คึดฮอดไผนอน้อง ได้คอยคองเฝ้าจ่ม ไผปล่อยเจ้าอกตรม ระทมทรวงป่วงบ้านางหล่าบอกพี่ศรี
    พอสิมีทางแก้ ยาปัวแผลบาดใหญ่ มันเป็นแป้วอยู่ใจ อ้ายสิหาซ่อยแก้แผลน้องให่ส่วงเซา
    หรือแม่นบ่ออยากเว้า บอกเล่าในอาการ สิอดเอาทรมาน อยู่ผู้เดียวซั้นบ้อน้อง
    อ้ายขอลองเป็นหมอแก้ ปัวแผลใจบาด ฮ่าแม่นคาดสิส่วงสิ้น ยินดีน้อมสิรักษา นั้นแหลว....ป๊าดดดคารม แมะ อิ อิ อิ

  3. #3
    atirat
    Guest

    Re: หนึ่งเดียวในใจนาง...

    คักแท้น้ออ้าย...ย้องกะของกะเป็น...แต่กะม่วนอีหลีนั่นหละ

    นางเอ้ย...ให้เจ้าเปิดใจเว้าวาจาอย่าสุจ่ง อย่าคือปูใต่กระด้งเว้าโค้งไปบ่เป็น
    ย้านเจ้าคือน้ำเย็นวังวนเห็นใสอยู่ บัดห่าหมู่ใต้น้ำทางขุ่นปานขี้ตม...
    ย้านแต่เว้าพอม้มหลมปากแล้วบ่จ้ง ปากกะเว้าโป้งโป้ง ใจน้องบ้อเฮ็ดนำ...ทอนั่นแหล่ว..

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: หนึ่งเดียวในใจนาง...

    บ่อมีผู้ย้องหลาย กะย้องเอาเองโลดหล่ะ อิ อิ อิ

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: หนึ่งเดียวในใจนาง...

    ทุกข์ยากหลายนำแต่เพิ่นตกกะเทินหลายแล่วพี อันว่าโตน้องนี่ไปหลงฮักดอกคนไกล
    ควมเว่ามากปากบ่ได่ ย่านเพิ่นไหลลืมทิ่มปล่อย น้องคองคอยแต่กาย บัดทางพุ่นโตอ้ายป่ายล่ายแล่วลืมคำ
    นางเฝ้าถ่าอยู่อำฮํ่า ย่อนหลงคำพรําวาจา หวานลิ้นปล่อยอ่อยลอยมา จังนั่งหน่าคองแต่เศร่า เหงาทางใจกายกะห่าง...ซั่นแหล่ว อ้าย..

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: หนึ่งเดียวในใจนาง...

    ไผมาซ่างสิกล้าถิ่มเจ้า เซาสาอย่าหาว่านางเอ๊ยย คนกะซ่าว่าน้องนางนี้ผู้ควร แท้แหลว

  7. #7
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: หนึ่งเดียวในใจนาง...

    นางเฝ้าถ่าอยู่อำฮำ เติมไม้เอกแหน๋เอื้อยป้อย อิอิ ล้อเล่นคะ แม่นพี่ศรีขร๋า

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: หนึ่งเดียวในใจนาง...

    จักเด้ออ้ายอยู่ไกลตาน้อ จักเพิ่นสิพ้อผุใหม่หือจังได๋แล่ว... บ่เคยได่ยินบ่อจ้า..รักแท้แพ้ใกล้ชิดแหม่ะอ้าย..

    ปล. มันพิมบ่ได่แม่ะนางหล่า หลายคำอยู่อยากเติมเทิ้งไม่เอก ไม่โท แต่ว่าน้องนางเพิ่นอ่านผญาเก่ง เลยซ่อยเติมให้เอื้อยแล่วล่ะ Re: หนึ่งเดียวในใจนาง...
    อ้ายศรีเล้าบ่ถือดอกนาง เล้าใจดีคือหยังนิ เนาะอ้ายเนาะ 8)

  9. #9
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: หนึ่งเดียวในใจนาง...

    หนทางเทียวบ่สุดเส้น แสงตะเว็นยังแจ้งฮุ่ง ฝนตกรุ่งกินน้ำ ขอตามแท้แต่ฮักเธอ
    คักหลายเด้อในใจอ้าย ซ่ำฟังลายหมอแคนล่อง ลายว่าคิดฮอดน้อง อ้ายอยากฮ้องไส่สู่ยาม
    ถ้าสิถามหัวใจอ้าย บ่แม่นตายแล้วบ้ออุ่น ตายย่อนคิดฮอดคุณ จนหัวหมุนคิดฮอดน้อง น้ำตาต้องหลั่งเป็นสาย
    ได้นอนหงายน้ำตาเตื้อง นอนหัวสุบกองเฟือง จนเหลืองไข้พอได้อยู่ อยากให้น้องรับรู้ว่าทางอ้ายนี้ซ่ำได๋
    น้องกะซ่างว่าได้ ไผรักแท้แพ้ความห่าง อ้ายหลงตายแต่นำนาง ได้ส่องทางอยู่มื้อ คือสิบ้าอยู่หยั่งเว็น
    ตายหรือเป็นซ่ำกันอ้าย สุดบรรยายแล้วทางพี่ ย่อนฮักเจ้าอิหลี สิเป็นผีกะฮักเจ้า ทุกคำเว้าว่าคิดถึง น้องหล่าเอ่ย

  10. #10
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: หนึ่งเดียวในใจนาง...

    นางน้องฮักอ้ายหลายคั่กดอกอิหลี ความอุกอั่งมันอยูในใจเกินคําสิจา

    เอาซํ่านี้ล๋า คําผญานางบ่เป็นดอก อยากอายผู้เผิ่นอ่านสินั่งหัวร้อ

    อ้ายผู้ใส่เสื้อแดงเอาไป๑กําลังใจ