หมากโก ผลไม้ทางบ้านข่อย หน่วยกลม ๆ ส่ำกำปั้นนี่หละ มีขนคล้ายทรงผม skinhead (จักเขียนถึกบ่ดอก นี่กะดาย) หน่วยดิบสีเขียว หน่วยสุกสีเหลือง สุกเฮงผัดสีดำ ขนมันดำ ๆ ซั่นดอกว่า แต่ว่าข้างในผัดเหลือง สุกเข้าคัก ๆ ผัดเน่า (กินบ่ได้) รสชาติส้มปุ้นลุ่ย ฮู้จัก หมากโก บ่น้อออกหน่วยยามหน้าฝน สุกยามเกี่ยวข้าวพอดี เอามาตำส้มกะได้ เอามาแห่น(แทะ) เล่นกะม่วนดี ไผเคยเห็นหมากกีวี่ (ของฝรั่งนั่นนา) คล้ายๆ กัน แต่ว่าหมากกีวี่หน่วยรีสีเขียว(คล้ายสื่อ ๆ เดอบ่คือกันได๋) ประโยชน์ของหมากโก เอามากินกับแจ่ว , คันแม่นเคียดให้หมู่กะดึกใส่หัวหมู่มัน (บ่อโนกะบวมหละงานนี้) คันไผอยากกินกะขี่เฮือบินไปกินอยู่ศรีสะเกษ เด้อ