หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ลงปลา ทอดแห ประเพณีหาปลาของชาวอีสาน

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558

    ลงปลา ทอดแห ประเพณีหาปลาของชาวอีสาน

    มื้อก่อนผมกลับอีสานไปงานแต่งหมู่ อยู่ชุมพวง โคราช แวะนอนบ้านสาวขะแมร์
    ไปสบจังหวะทางเขาพนมรุ้งเพิ่นเอาบุญลงปลาเดือนสี่คือกัน กะเลยได้ถ่ายรูปบรรยากาศมาให้พี่น้องเบิ่ง


    ลงปลา ทอดแห ประเพณีหาปลาของชาวอีสาน

    บ่ายวันเสาร์ที่ 23 มีนา ก่อนมื้อบุญมื้อนึ่ง ทางกองปะรัมพิธี ประโคมเครื่องไฟ เปิดกันตรึมหมอลำครึกครื้น
    พร้อมประกาศเชิญชวน บอกกติกาเงื่อนไข ข้อตกลงต่างๆ


    ลงปลา ทอดแห ประเพณีหาปลาของชาวอีสาน

    เซียนปลาขนอุปกรณ์เดินทางจากแดนไกล มาจับจองเดิ่นท่าน้ำก่อนมื้อลงจริง


    ลงปลา ทอดแห ประเพณีหาปลาของชาวอีสาน

    เซียนปลารุ่นจิ๋วกะพากันวอร์มอัพ โตนน้ำเพื่อให้โตคุ้นเคยกับกระแสน้ำนิ่ง


    ลงปลา ทอดแห ประเพณีหาปลาของชาวอีสาน

    รถขนโป๊ะเรือแพ เข้ามาลงเครื่องมืออุปกรณ์หาปลาเบิดมื้อ


    ลงปลา ทอดแห ประเพณีหาปลาของชาวอีสาน

    ผมออกเดินทางจากบ้านสาวขะแมร์แต่เช้า เพื่อให้ทันแห่เจ้าบ่าวที่ชุมพวง
    ตีห้า ทางผ่านเลยแวะเบิ่งอีก พรานปลาจากทั่วสารทิศ ทยอยกันมาฮอดและจ่ายค่าธรรมเนียม ผืนแห ละ 100 บาท


    ลงปลา ทอดแห ประเพณีหาปลาของชาวอีสาน

    รถแน่นเอี๊ยดรอบอ่างตั้งแต่เช้ามืด
    กำหนดเริ่มเป่านกหวีดจุดพลุกันแปดโมงเช้า เสียดายที่ผมจะไม่ได้เห็นบรรยากาศช่วงวินาทีนั้น
    เสียดายหลาย ปีถัดๆ ไป สิหาโอกาศมาเบิ่งมาชมให้ได้
    แต่ขากลับจากงานแต่งสิแวะมาเบิ่งอีกเทือ เผื่อเพิ่นยังบ่เลิก


    ลงปลา ทอดแห ประเพณีหาปลาของชาวอีสาน

    ขับรถกลับจากชุมพวง ลำปลายมาศ เห็นกะบะหกล้อ ตุ๊กตุ๊กอีแต๋น พร้อมอุปกรณ์ สวนทางเป็นสาย
    ทันบ่น้อ พากันเซาก่อนซะน้อ ฮ่ำฮอนย่านบ่ได้ถ่ายรูปครับ


    ลงปลา ทอดแห ประเพณีหาปลาของชาวอีสาน

    หาหม่องจอดรถได้ ฟ่าวแล่นขึ้นไปเบิ่ง โฮ้….ยังอยู่ครับพี่น้อง หลังจากกลับไปเกือบเบิดแล้ว กะยังพอมีอยู่
    เริ่มจัดการเก็บภาพ
    รอบเขาพนมรุ้งมีอ่างเก็บน้ำหลายอ่างครับ นี่เป็นอ่างฝั่งอำเภอประโคนชัย บ้านสาวขะแมร์ อ่างใหญ่เติบ
    เป็นประจำทุกปี ก่อนสงกรานต์ ก่อนเทศกาลขึ้นเขาพนมรุ้ง เพิ่นกะสิลงปลากัน


    ลงปลา ทอดแห ประเพณีหาปลาของชาวอีสาน

    ค่าผืนแห หรือค่าผ่านทาง หรือค่าธรรมเนียม 100 บาท แลกกับปลาตามที่เห็นสำหรับผู้บ่หมาน
    ผู้หมาน บางปีกะได้ถุงปุ๋ยนึง
    เป็นปลาปล่อยครับ เก็บเงินได้เพิ่นกะซื้อลูกปลามาปล่อยปีละหลายแสนโต รอดจากธรรมชติแต่บ่รอดคน
    ปลาทะเพียน อีสบ ยี่สก นิล ไน หมู่นั่นละ แต่ปลานิลน้อยหรือปลานิลหินสิหลาย อาจเพราะออกแม่แผ่ลูกนำ


    ลงปลา ทอดแห ประเพณีหาปลาของชาวอีสาน

    พรานปลาเจ้าถิ่นหรือมือดีจากบริเวณใกล้เคียง สุรินทร์ ศรีษะเกษ โคราช ขอนแก่น สารคามกะมีสำหรับผู้เคยหมานกะสิบ่พลาด


    ลงปลา ทอดแห ประเพณีหาปลาของชาวอีสาน

    อาจสิเป็นพรานปลาเจ้าถิ่น บ่ค่อยหมานปานได๋ เอาอยู่จนบ่าย


    ลงปลา ทอดแห ประเพณีหาปลาของชาวอีสาน

    เวิ่น….แหบ่ได้ย้อม


    ลงปลา ทอดแห ประเพณีหาปลาของชาวอีสาน

    แหสานใหม่ๆ สำหรับงานนี่โดยเฉพาะ ตาแหต้องห่างถี่ตามกำหนดกติกา


    ลงปลา ทอดแห ประเพณีหาปลาของชาวอีสาน

    บรรยากาศยามบ่าย


    ลงปลา ทอดแห ประเพณีหาปลาของชาวอีสาน

    บ่ายสองบ่ายสาม หยังสู้บ่ถอย


    ลงปลา ทอดแห ประเพณีหาปลาของชาวอีสาน

    ร้อยนึง ได้ปลาค่อสองโต กับปลานิลตะเพียนอีกชะลอม คุ้มอยู่ดอก
    ปีที่ผ่านมาแล้งคัก ปลาเลยโตบ่ใหญ่ ถ่าปีหน้าค่อยมาแก้มือกันใหม่
    หมู่โตใหญ่ที่ได้รางวัลไปแต่เช้าว่า 9 โล 10 โลกะมีหลายคักอยู่ครับ ขึ้นอยู่กับโชคและฝีมือเนาะ


    ลงปลา ทอดแห ประเพณีหาปลาของชาวอีสาน

    อ่างบ่แม่นน้อยๆ รอบอ่างรถจอดเต็มไปเบิ้ด ม่วนปานเอาบุญเดือนหก


    ลงปลา ทอดแห ประเพณีหาปลาของชาวอีสาน

    แอคชั่นงามๆ เสียดายถ้าแม่นมื้อเช้านี้ คือสิคัก คือสิเวิ่นๆ เต็มน้ำ
    กล้องน้อยๆ กะบ่ค่อยเป็นใจ ถ่ายหลุย ถ่ายหลุย ซูมกะบ่ฮอดนำ เว้ามากะจะแม่นนานได้มีเงินออกใหม่


    ลงปลา ทอดแห ประเพณีหาปลาของชาวอีสาน

    หนักปลาหรือบ่หมานกะบ่ฮู้นำ ขนของขึ้นรถ สิได้ปลาแดกพอแล้วละตี้ ซุมพี่น้องกะดาย


    ลงปลา ทอดแห ประเพณีหาปลาของชาวอีสาน

    ปีหน้าค่อยมาจอบใหม่เนาะพี่น้อง ปีนี้ได้แค่สุยไปสุยมาซำนี่ละ บ่ได้ปลาโตใหญ่นำเพิ่น
    เป็นโอเพ่นเด้อครับ สำหรับทุกท่านที่สนใจอยากพิสูจน์ฝีมือ
    ปีนี้หากฝนดีน้ำหลายปลากะสิโตใหญ่นำ ปีหน้าพี่น้องนักสะดำทั้งหลายกะสิได้ม่วนกันอีก


    ขอบคุณบ้านมหา ปีหน้าถ้าโชคดีสิหาภาพ ปลาโตใหญ่ๆ มาให้เบิ่งครับ

  2. #2
    แบ่งปันความรู้และประสบการณ์ สัญลักษณ์ของ หลอดปอดป่อง
    วันที่สมัคร
    Jun 2012
    ที่อยู่
    สุดเขตชายแดน
    กระทู้
    189
    คักหลาย เห็นแล้วคิดฮอดอีพ่อเด้ เลามักตึกแห

    ส่วนจะของเองกะ หว่านแหกะบ่ออก 55

  3. #3
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    เป็นต๋าม้วนเนาะงานนี้กะด๋ายสำหรับผุเพิ้นมักหาปลากันไปหว่านแหเบิ่งแล้ว100บาทค่าทำเนียมไว้ซื้อลูกปลากะบ่แพงน้อ

  4. #4
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ทางบ้านผมเรียกหว่าการลงหนอง...วัฒนธรรมในรูปแบบนี้มีทั่วไปในท้องถิ่นอีสาน
    เป็นกุศโลบายในการร่วมกันใช้และรักษาทรัพยากรแบบเท่าเทียม (แล้วแต่ผู่หมาน)
    บ่เอาเปรียบซึ่งกันและกัน ไผได้หลายกะแบ่งปันกันไปตามสภาพ
    ปล...นี่คือสิเป็นอภิมหาอมตะการลงหนองของปี 2556 เนาะหนุ่มลาวฯ

  5. #5
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    เป็นตาม่วนคัก อยากพาบ่าวจัยไปเบิ่งเด้
    เอาแห9ศอกทางพิบูลฯไปปราบ สิดับแนวบ่อ หรือสิได้พอป่น 555

  6. #6
    ศึกษาหาความรู้ สัญลักษณ์ของ อ้ายพจน์
    วันที่สมัคร
    Mar 2012
    กระทู้
    263
    สมัยอ้ายพจน์เป็นบ่าวสำน้อยกะเคยไปลงแหนำเพิ่นคือกันครับแต่บ่หมานดอกย้อนมุดน้ำบ่เป็น5555หากินได้ตะนำน้ำตื้นๆเอาพวกปลาตายน้ำตื้นนี่ละเอิ้กๆๆๆๆๆ

  7. #7
    แบ่งปันความรู้และประสบการณ์
    วันที่สมัคร
    Mar 2013
    ที่อยู่
    ขอนแก่น ประเทศไทย khonkaen thailand
    กระทู้
    134
    บ้านใกล้น้ำใกล้หนองกะพากันได่กินปลาโตใหญ่ เป็นตาไปฮวมนำครับ คั่นมีโอกาส พ่อใหญ่เซียงเบ้ากะสิไปลุยนำอยู่ดอกครับ หาเฮือกับฝีพายดีๆ สิเอาสะดุ้งใหญ่ไปยกเอาโลดครับ 555

  8. #8
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    ว๊าววววววววววววว ผมมักนำยุครับอ้ายหว่านแห ลงปลาแนวนี้สมัยตอนอยู่บ้านกะเคยไปยุ

    อยากไปยุอ้ายเอ๋ มียุใสพาผมไปแนเด้อ ว่าแต่อาทิตย์นี้ไปมุดน้ำทางยุดยาบ้ออ้าย5555
    หล่อคืออ้าย กินข้าวบายกบตั๋วะหล่า

  9. #9
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912
    แล้วแต่ดวงกับฝีมือเนาะคับ คันแม่นได้ไปหานำเพิ่นคือสิได้ซื้อเอาแถวนั้นหละ เมือกินแลง
    ขอบคุณภาพบรรยากาศดีๆคับผม

  10. #10
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ปลามันงงไปไสบ่ถึก คนหลายกะด้อกะเดี้ย เคยไปหานำเพิ่นอยู่ครับ หนองน้ำสาธารณะในหมู่บ้าน กวน ๆ จนขี้ตมขุ่น ปลาขึ้นมาหันใจกะจับเอา ...อิอิ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •