"ย่างเข้าเดือนห้า น้ำท่าก็แห้งขอดคลอง เมื่อยามได้มองผืนนาเป็นร่องแยกแตกระแหง
ต้นหญ้าสดเขียว ก็พลันแห้งเหี่ยวกรอบแดง ผืนนาหน้าแล้ง เหมือนดวงใจแห้งแยกแตกเป็นแผล"
ครวญเพลงของสายันห์สัญญาให้เข้ากับบรรยากาศบ้านเฮาตอนนี้ซื่อๆดอกจ้าพี่น้อง
ปีนี้หลายพื้นที่ทางภาคอีสานเฮาเข้าสู่หน้าแล้งเร็วกว่าปกติ
ขณะที่โพสกระทู้อยู่ที่ความฮ้อนกะประมาณ 40 องศา T_T
เว้าเรื่องอากาศแล้วมันกะฮ้อนไปซื่อๆเนาะ มาเข้าเรื่่องแนวกินดีกว่า
พี่น้องบ้านมหาเอาหลายคนกะคือสิเคยกินขนมหมกห่อใบจานอยู่ดอกเนาะจ้า
ขามป้อมกะบ่ได้กินดนแล้วล่ะ
พอเห็นต้นจานประหารใจต้นนี้แล้วกะคึดอยากซั่นดอก อิอิ
พระเอกของงานจ้า ใบจานเลือกเอาแต่ใบปลอดๆ ใบงามๆมาพอประมาณ
แล้วแต่จำนวนสมาชิกของแต่ละครัวเรือน
มื้อนี้เอาบักพร้าวเปลือกผงเฮ็ดไส้จ้า (บักพร้าวเปลือกผงคือบักพร้าวที่บ่อ่อนแต่กะบ่ทันแก่เต็มที่ )
สังเกตหน้าผู้ผ่าบักพร้าวให้ จักว่าเลาดีใจที่สิได้กินข้าวต้มหมก หรือเลากำลังเบ๋กะบ่จัก ฮ่าๆ
ใช้สาคูสีเขียวกับสีขาวผสมกันจ้า เอามาซาวน้ำจักหน่อย พอให้สาคูปั้นได้ง่ายๆ
ไทเฮือนนี้บ่ค่อยมักข้าวหนมหมกที่เป็นแป้งข้าวเหนียวจ้า
สิสังเกตได้จากกระทู้ก่อนกะเป็นสาคูคือกัน
ไส้ข้าวต้มที่ผัดแล้ว ส่วนผสมกะมี บักพร้าว,งาคั่ว.น้ำตาลปี๊บ
หยิบเกลือใส่จักหน่อยเพื่อความกลมกล่อมจ้า
ห่อออกมากะหน้าตาเป็นจั่งซี้ล่ะจ้า
ข้าวต้มสุกแล้ว รสชาติหวานมัน หอมกลิ่นใบจานอ่อนๆ
ตักมาปันพี่น้องบ้านมหาเฮาซิมผู้ละหมกสองหมกก่อนเลยจ้า
ช่วงนี้จั่งได๋กะพากันรักษาสุขภาพแหน่เด้อจ้า คิดฮอดคิดถึงพี่น้องบ้านเฮาคือเก่า
ขอบคุณพื้นที่แบ่งปันจากเว็บบ้านมหาดอทคอม
Bookmarks