เมษาพาเศร้า

[คนหนองบัว]

เดือนเมษาน้ำมาแห้ง แผ่นดินแบ่งออกจากกัน
ความแปรผันตามฤดู กรมอุตุเผิ่นบอกไว้
เฮ็ดแนวได๋น้อบัดนี่น้ำบ่มีบ่เป็นท่า ฝนบ่มาเมษานั้น คือสิแย่แม่นคักหลาย
ส่วนวัวควายที่เลี้ยงไว้ เป็ดกับไก่กะคือกัน
เดี๋ยวนี่หันกินน้ำโค๊ก จกแต่เงินพอปานนั้น
2/3วันหมดหลายร้อยเงินมันน่อยลงกว่าเก่า
คิดขึ้นมาอุกอั่งเอ้า จักสิเว้าว่าจั่งได๋ พี่น้องเอ้ย

[suny]

นี่ละครับแล้งยากกว่าท่วม แล้งแล้วบ่ฮู้จะไปหาน้ำไสมาเฮ็ดไฮ่เฮ็ดนา น้ำกินน้ำอาบกะยาก ปูปลากะหายากย้อนบ่มีน้ำ น้ำท่วมยังพอหาปูปลากินได้ มีคนไปซ่วยเหลือนำ พอแล้งบ่มีคนซ่วยเหลือ ไผๆกะซ่วยเจ้าของก่อนเพราะมันแล้งคือกันเบิด

[commo]

ยินเสียงเว่า ว่าเมษา มันพาเศร้า
นึกว่าเหงา ย้อนสาวหนี ไปมีใหม่
บัดได๋แท้ เศร้าย้อนแล้ง แห้งดินไหง่
พางัวควาย เข้าเซเว่น เอ็นจอยโค๊ก....5555